تابيعات: دەرەك پەن دايەك

ونىڭ ىشىندە, “سنپس-اقتو­بە­مۇنايگاز”, “التيەسپەترولەۋم ينت.ب.ۆ”, “اقتوبە حروم قو­سىن­دىلارى زاۋىتى” اق-تارى “قا­زاقويلاقتوبە”, “قازاقتۇرىك­مۇ­ناي” جشس-لەرى سياقتى ىرگەلى كا­سىپورىندار مۇنداي يگىلىكتى ىستەرگە اناعۇرلىم كوبىرەك قارجى ءبولىپ كەلەدى. جالپى, قازىرگى ۋاقىتتا اقتوبە وبلىسىندا 10 مىڭنان استام تابيعات پايدا­لا­نۋشىلار جۇمىس ىستەيدى ەكەن. سونىڭ 375-ءى ەكولوگيالىق قاۋىپتى كاسىپورىندار قاتارىنا جاتادى. وبلىستا جۇزەگە اسىرىلىپ كەلە جاتقان مەملەكەتتىك ەكولو­گيالىق ساياسات قورشاعان ورتاعا تەحنوگەندىك اسەردى تومەندەتۋگە مۇمكىندىك بەرىپ وتىر. جاقىندا اقتوبە قالاسىندا ماڭعىستاۋ, اتىراۋ, باتىس قازاقستان, قوس­تاناي, قىزىلوردا جانە اقتوبە وبلىستارى تابيعات قورعاۋ قىز­مەت­تەرىنىڭ, ءىرى كاسىپورىنداردىڭ وكىلدەرى, ەكىنشى دەڭگەيدەگى بانك باسشىلارىنىڭ قاتىسۋىمەن وتكەن كەڭەستىڭ “يننوۆاتسيالىق جوبالارعا – ەكولوگيالىق-ەكو­نو­ميكالىق باعىت” اتالۋى دا سوندىقتان. كەڭەستە تەك بىرجاقتى ەكونوميكالىق تيىمدىلىكتى عانا ويلاپ قويماي, ەكولوگيالىق تەپە-تەڭدىكتى ساقتاۋ جايى دا جان-جاقتى ءسوز بولدى.

ساتىبالدى ءساۋىرباي, اقتوبە وبلىسى.

6 023 200 000 ۇستىمىزدەگى جىلى وبلىسقا “جول كارتاسى” باعدارلاماسىن قارجىلاندىرۋعا رەسپۋبليكالىق جانە جەرگىلىكتى بيۋدجەتتەردەن وسىنشاما تەڭگە قارالعان. وسىنىڭ 4 ملرد. 884 ملن. 200 مىڭ تەڭگەسى ينۆەستيتسيالىق جو­با­لاردى جۇزەگە اسىرۋعا باعىت­تا­لادى. بارلىعى 128 جوبا ينۆەس­تي­تسيالىق ءتورت باعىتپەن جۇرگى­زى­لىپ, 5291 جاڭا جۇمىس ورىندارى اشىلادى دەپ جوسپارلانۋدا. سونداي-اق, الەۋمەتتىك جۇمىس ورىندارىن كەڭەيتۋگە جانە “جاستار تاجىريبەسىنە” 480 ملن., كادرلار دايارلاۋعا 659 ملن. تەڭگە بولىنگەن.

ەركىن ءابىل, قىزىلوردا.

163 000 000 وبلىس كاسىپورىندارى مەن مەكەمەلەرىنىڭ جالاقى جونىندەگى قارىزى وسىنشا تەڭگەنى قۇراپ وتىر. ۇجىم مۇشەلەرىنىڭ ماڭداي تەر, تابان اقىسىن ۋاقتىلى وتەۋ­دىڭ ورنىنا نەشە ءتۇرلى سىل­تاۋمەن جاۋاپكەرشىلىكتەن جال­تار­عىسى كەلەتىن باسشىلار بۇدان بىلاي قاتاڭ جاۋاپكەرشىلىككە تارتى­لاتىن بولادى. بورىش­كەر­لەر­دىڭ ءتىزىمىن تايىنشا اۋدانىن­دا ورنالاسقان “بيوحيم” زاۋىتى باستاپ كەلەدى. ونىڭ قارىزى 21 ميلليون تەڭگەگە جەتكەن. “اق­قايىڭ اۋدانىنداعى “چەركاس­سكوە” جشس-دە ەسەپتەسۋدى ۇمىت­قان ءتارىزدى. پەتروپاۆل قالاسى مەن ايىرتاۋ اۋدانىندا دا بورىشكەرلەر جەتىپ ارتىلادى. ولار شەتەلدىڭ قىمبات كولىكتەرىن ساتىپ الۋدان تىيىلار ەمەس. وبلىستىق ىشكى ىستەر دەپار­تا­مەنتىنىڭ اقپاراتتارى بويىنشا, كەي باسشىلاردىڭ ۇستىنەن قىل­مىستىق ءىس قوزعالىپ, سوتقا جول­دانعان كورىنەدى. وبلىس اكىمى سەرىك ءبىلالوۆ جۇمىستى دۇرىس ۇيىمداستىرا الماعانى ءۇشىن شال اقىن, ايىرتاۋ, تيميريازەۆ اۋداندارىنىڭ اكىمدەرىنە سوگىس جاريالادى. تاپسىرما ورىن­دال­ماعان جاعدايدا, قىزمەتتەرىنەن بوساتىلاتىندارىن ەسكەرتتى. قۇ­قىق قورعاۋ ورگاندارىنا جالاقى قارىزىن وتەۋگە ق ۇلىقسىز كاسىپ­ورىنداردىڭ دۇنيە-مۇلكىن اۋك­تسيون ارقىلى ساتىپ, جۇمىسشى-قىزمەتكەرلەرمەن ەسەپ ايىرى­سۋدى مىندەتتەدى.

ءومىر ەسقالي, سولتۇستىك قازاقستان وبلىسى.