ءوزارا تەڭ دارەجەلى ارىپتەستىك

باق وكىلدەرىمەنمەن كەزدەسۋ بارىسىندا د.ەسپوزيتو گرەكو-عا كىرۋدىڭ ارتىقشىلىقتارى, ونىڭ جۇ­مىس قاعيداتتارى, سىبايلاس جەمقورلىققا قارسى كۇرەس سالاسىنداعى ەۋروپا كەڭەسىنىڭ كونۆەنتسيالارى مەن مونيتورينگ ەرەكشەلىكتەرى تۇرعىسىندا ءسوز ءوربىتتى.

– گەوگرافيالىق تۇرعىدا گرەكو ەۋروپا ەلدەرىن قامتيدى. سونداي-اق سىبايلاس جەمقورلىققا قارسى مەملەكەتتەر توبىنىڭ مۇشەلىگىنە مۇحيتتىڭ ارعى بەتىندەگى اقش قابىلداندى. ەندى مىنە ونىڭ قۇرامىنا قازاقستان دا كىرىپ وتىر. گرەكو – مونيتورنيگ جۇرگىزەتىن حالىقارالىق ءىرى 4 باستامانىڭ ءبىرى سانالادى. بۇل باستاما قۇرامىنداعى مەملەكەتتەرمەن تەڭ دارەجەدە قارىم-قاتىناس جاسايدى. سوندىقتان قازاقستان دا بۇل باستامانىڭ تەڭ دارەجەلى مۇشەسى دەپ ايتا الامىن, – دەدى د.ەسپوزيتو.

سىبايلاس جەمقورلىققا قارسى مەملەكەتتەر توبىنىڭ  اتقارۋشى حاتشىسى قازاقستاننىڭ كوممۋنيكاتسيالىق, تسيفرلى ينفراقۇرىلىمىنىڭ دامۋى­نا قاتىستى تاڭدانىسىن جاسىرمادى. ونىڭ ايتۋىنشا, بۇل جەتىستىكتەر سىبايلاس جەمقورلىقپەن بۇدان ارعى كۇرەستە اسا ماڭىزدى. سەبەبى تسيفر­لاندىرۋ – سىبايلاس جەمقورلىقتىڭ جولىن كەسەتىن بىردەن-ءبىر قۇرال سانالادى.

د.ەسپوزيتو مەملەكەتتىك ورگاندارمەن, مينيستر­لىكتەر­مەن, قۇقىق قورعاۋ ورگاندارىنىڭ وكىلدەرىمەن ءوزارا ءىس-قيمىل دا اسا ماڭىزدى ەكەنىن العا تارتتى. سەبەبى ءبىر عانا اگەنتتىك سىبايلاس جەمقورلىققا قارىس كۇرەس ساياساتىن تولىق جۇزەگە اسىرا المايدى. بۇل كۇرەستىڭ ءاربىر مەملەكەتتىك ورگانعا قاتىسى بار.   

ايتا كەتەيىك, وتكەن جىلى 30 جەل­توق­ساندا ەلى­­مىز ءتيىستى زاڭ جوباسىن راتي­فيكاتسيالاپ, قازاقستان رەسمي تۇردە ەۋروپا كەڭەسىنىڭ سىبايلاس جەم­قورلىققا قارسى مەملەكەتتەر توبىنىڭ (گرەكو) 50-ءشى مۇشەسى بولىپ كىرگەن ەدى. ال كۇنى كەشە گرەكو-نىڭ اتقارۋشى حاتشىسى دجانلۋكا ەسپو­زيتو قازاقستانعا رەسمي ساپارمەن كەلدى.

ساپار بارىسىندا د.ەسپوزيتو سىبايلاس جەمقور­لىققا قارسى ءىس-قيمىلدا قازاقستاننىڭ اقپاراتتىق تەحنولوگيا­لاردى پايدالانۋ تاجىري­بە­سىن تارازىلاۋ ماقساتىندا نۇر-سۇلتان قالاسىنداعى سىبايلاس جەم­قورلىققا قارسى ءىس-قيمىل ورتا­لى­عى­نىڭ, جوعارى سوتتىڭ احۋالدىق ورتالىعى مەن iKomek ورتالىعىنىڭ جۇ­مىسىمەن تانىستى. ەلىمىزدىڭ تەح­نو­لوگيالىق دامۋىنا جوعارى باعا بەردى.

قازاقستاننىڭ گرەكو-عا كىرۋى اياسىندا بىرقاتار كەزدەسۋلەر دە ءوتتى. ماسەلەن, گرەكو-نىڭ اتقارۋشى حات­شىسى ءوز ساپارى اياسىندا مەم­لە­كەت باسشىسى قاسىم-جومارت توقاەۆ­تىڭ قابىلداۋىنا بولدى. سونداي-اق سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ, قۇقىق قور­عاۋ ور­گان­دا­رى­نىڭ وكىلدەرى جانە د.ەسپوزيتو قا­تىسقان سىبايلاس جەمقورلىققا قارسى ءىس-قيمىلدىڭ حالىق­ارالىق تاجىريبەسى تالقىلاندى.