ازاماتتاردى شاقىرۋ ۋچاسكەلەرىنە تىركەۋ – بۇل جاستاردى اسكەري ەسەپكە قويۋ, ولاردىڭ سانىن, اسكەري قىزمەتكە جارامدىلىق دارەجەسىن, ءبىلىم دەڭگەيىن, العان ماماندىعى مەن دەنە شىنىقتىرۋ دايىندىعىن انىقتاۋ ءۇشىن ءتيىستى جەرگىلىكتى اتقارۋشى ورگاندار مەن جەرگىلىكتى اسكەري باسقارۋ ورگاندارىمەن بىرلەسىپ جۇرگىزەتىن اسكەري ەسەپكە الۋ ءىس-شارالارى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
«اسكەري قىزمەت پەن اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭى نەگىزىندە قازاقستاندا بيىل ون جەتى جاسقا تولعان ازامات اسكەرگە شاقىرۋ ۋچاسكەسىنە تىركەلۋى ءتيىس.
تىركەۋ وتكىزۋ كەزەڭىندە جاستارمەن اڭگىمەلەسۋ, اسكەري قىزمەتكە جارامدىلىعىن راستايتىن مەديتسينالىق تەكسەرۋ جۇرگىزىلىپ, قاجەتتى قۇجاتتار تەكسەرەدى. ەگەر تىركەۋ پروتسەسىندە ەمدەلۋگە (مەديتسينالىق باقىلاۋعا) مۇقتاج اسكەرگە شاقىرىلۋشىلاردى انىقتاسا, وندا ولاردى ەمدەۋ-الدىن الۋ ۇيىمدارىنا تىركەيدى.
اسكەري ەسەپكە العاش رەت تۇرعان ازاماتتارمەن قورعانىس ىستەرى جونىندەگى باسقارمالاردا (بولىمدەردە) قورعانىس مينيسترلىگىنىڭ اسكەري وقۋ ورىندارى بويىنشا ۇگىت جۇمىسى جۇرگىزىلەدى جانە كەلىسىمشارت بويىنشا اسكەري قىزمەتتىڭ پەرسپەكتيۆالارى تۇسىندىرىلەدى.
ازاماتتاردى شاقىرۋ ۋچاسكەلەرىنە تىركەۋ اعىمداعى جىلدىڭ قاڭتار ايىنان ناۋرىز ايىنا دەيىن جالعاسادى. قازاقستان بويىنشا اسكەرگە شاقىرىلۋشىلاردى اسكەري ەسەپكە 100 000-عا جۋىق ادامدى قابىلداۋ جوسپارلانىپ وتىر.