قازاقستان رەسپۋبليكاسى پارلامەنتى سەناتىنىڭ دەپۋتاتى قاناتبەك سافينوۆ باتىس قازاقستان وبلىسىندا جۇمىس بابىنداعى ساپاردا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
سەناتور مۇناي كومپانياسىنىڭ قىزمەتكەرلەرىمەن كەزدەسۋ بارىسىندا «جەر قويناۋى جانە جەر قويناۋىن پايدالانۋ تۋرالى» كودەكستىڭ ەرەجەلەرىن قولدانۋ ماسەلەلەرىنە توقتالدى. كومپانيا وكىلدەرى جەر قويناۋىن پايدالانۋعا ارنالعان كەلىسىم-شارتقا تولىقتىرۋلارعا قول قويۋ كەزىندە قۇزىرەتتى ورگاننىڭ شەشىم قابىلداۋ ءتارتىبىن وڭايلاتۋ جانە وعان «مەملەكەتتىك كورسەتىلەتىن قىزمەتتەر تۋرالى» زاڭنىڭ ەرەجەلەرىن وسى راسىمدەرگە قولدانۋ مۇمكىندىگى جونىندەگى ۇسىنىستى جاريا ەتتى. اينەكتى ونەركاسىپتىك تۇرعىدا قايتا وڭدەيتىن مامانداندىرىلعان كاسىپورىندا بولۋ كەزىندە زاۋىت ەڭبەككەرلەرى سەناتورعا جىلىجاي كەشەندەرىنە جەرگىلىكتى اينەكتى ساتىپ الۋعا مۇمكىندىك بەرەتىن زاڭ ەرەجەلەرىن قابىلداۋدى قاراستىرۋ تۋرالى ۇسىنىس ايتتى.
دەپۋتاتتىڭ بايتەرەك اۋدانىنداعى ميچۋرين جالپى ورتا ءبىلىم بەرەتىن مەكتەپ-باقشاسىنىڭ مۇعالىمدەرىمەن كەزدەسۋىندە «پەداگوگ مارتەبەسى تۋرالى» زاڭ تالقىعا سالىندى. سەناتور پەداگوگتاردىڭ قۇقىقتارىن كەڭەيتۋ, الەۋمەتتىك كەپىلدىكتەرى جانە وقۋشى مەن مۇعالىمدەرگە جۇكتەمەنى قىسقارتۋ تۋرالى اڭگىمەلەدى. بايتەرەك اۋداندىق №2 اۋرۋحاناسىنىڭ مەديتسينا قىزمەتكەرلەرىمەن كەزدەسۋ بارىسىندا قاناتبەك سافينوۆ مەديتسينالىق قىزمەت كورسەتۋدىڭ ءۇش دەڭگەيلى جاڭا جۇيەسىنىڭ ەرەكشەلىكتەرىنە نازار اۋداردى.
دەپۋتات جۇمىس ساپارى اياسىندا ءۇي قۇرىلىسى كومبيناتىنىڭ جۇمىسىمەن تانىسىپ, كاسىپورىننىڭ ەڭبەك ۇجىمىمەن اڭگىمەلەستى. كەزدەسۋگە قاتىسۋشىلار ەسكى ۇيلەردى اۋىستىرۋ جانە ءۇي قۇرىلىسى كومبيناتىنىڭ جۇمىسىندا جەرگىلىكتى پايدالى قاتتى قازبالاردى پايدالانۋ ماسەلەسىن كوتەردى.
تەمىرتاۋ قالالىق اڭشىلار مەن بالىقشىلار قوعامىنىڭ وكىلدەرىمەن كەزدەسۋدە جوعارعى پالاتا دەپۋتاتى شاعىن جانە ورتا بيزنەستى قولداۋ ماسەلەلەرىن تالقىلادى. اڭگىمە بارىسىندا مەملەكەتتىك-جەكەشەلىك ارىپتەستىك تەتىگى نەگىزىندە ينۆەستيتسيا تارتۋ ارقىلى تابيعاتتى قورعاۋدى كۇشەيتۋ ماسەلەلەرى قارالدى.
سەناتورلار قاناتبەك سافينوۆ پەن ءلاززات سۇلەيمەننىڭ قورىتىندى كەزدەسۋى «اتامەكەن» كاسىپكەرلەر پالاتاسى الاڭىندا «Kazenergy» قاۋىمداستىعى مەن جەرگىلىكتى اتقارۋشى ورگاندار وكىلدەرىنىڭ قاتىسۋىمەن بولدى. شارادا جەر قويناۋىن پايدالانۋدى رەتتەۋ ماسەلەلەرى جانە وسى سالاداعى داۋلاردى شەشۋ ءتارتىبى تالقىلاندى.
سەناتور سونىمەن قاتار ازاماتتاردىڭ شاعىمدارىن قابىلدادى جانە ولار ۋاكىلەتتى مەملەكەتتىك ورگاندارعا جىبەرىلەتىن بولدى.