«قازاگرو» كوكتەمگى ەگىس جۇمىستارىن قارجىلاندىرۋ اۋقىمىن كەڭەيتتى. سونىمەن قاتار, ونىڭ ەنشىلەس قۇرىلىمى 2 مىڭنان استام اۋىل شارۋاشىلىعى جانە ارنايى تەحنيكانى ساتىپ الۋدى قارجىلاندىرادى. جالپى, وسى ەكى تەتىك 5,7 ملن. گەكتاردان استام القاپتا كوكتەمگى ەگىس جۇمىستارىن جۇرگىزۋگە مۇمكىندىك بەردى.
قازاقستاندىق ديقانداردىڭ بيىلعى مەجەسى – 15 ملن. توننا استىق. بۇل تۋرالى كەشە «قازاگرو» ۇلتتىق باسقارۋشى حولدينگى» اق باسقارما توراعاسىنىڭ ورىنباسارى داۋرەن ماحاجانوۆ ءمالىم ەتتى.
اقمولا وبلىسىندا ەل قازىناسىنا جارتى جىلدا 6 ملرد. 19 ملن. 200 مىڭ تەڭگە كەدەندىك تولەمدەر اۋدارىلدى. وسىلايشا وتكەن جىلدىڭ وسى مەرزىمىمەن سالىستىرعاندا, كەدەندىك تولەمدەر مەن سالىق كولەمى 18 پايىزعا ارتىپ وتىر.
بيىل استانادا 3500 ورىندىق ءۇش مەكتەپتىڭ قۇرىلىسى اياقتالادى. ولار – جەلەزنودوروجنىي كەنتىندەگى 1100 ورىندىق, №19 كوشەنىڭ بويىنداعى 1200 ورىندىق جانە «باتىعاي» تۇرعىن ءۇي كەشەنىندەگى 1200 ورىندىق ءبىلىم وردالارى. بۇدان بولەك, بيىل 6 مىڭ ورىندىق جاڭا 5 مەكتەپتىڭ قۇرىلىسى باستالدى.
شىمكەنتتەگى «ورداباسى قۇس» جشس كۇركەتاۋىق فابريكاسى جىلىنا 4828 توننا ەت دايىنداۋعا جەتتى. وسىندا ارنايى بولعان وبلىس اكىمى اسقار مىرزاحمەتوۆ بۇگىندە ءونىمىن رەسپۋبليكادان تىس رەسەيدىڭ بىرقاتار قالالارىنا جەتكىزىپ وتىرعان كاسىپورىنعا جوعارى باعا بەردى. ەندى فابريكا يندۋستريالاندىرۋدىڭ ەكىنشى كەزەڭىندە قۋاتتىلىقتى 8110 تونناعا جەتكىزگەلى وتىر.
وسكەمەن تۇرعىندارىن ەكولوگيالىق تازا اۋداندارعا كوشىرۋ باعدارلاماسى قولعا الىنادى. ەندى وسى ماقساتقا بيۋدجەتتەن اقشا ءبولىنىپ, نەگىزگى جۇمىستار جۇرە باستايدى.
قىزىلوردا قالاسىندا بيىلعى التى ايدا 611 ملرد. 999 ملن. تەڭگەنىڭ ونەركاسىپ تاۋارلارى ءوندىرىلدى. بۇل تۋرالى قالا اكىمى نۇرلىبەك نالىباەۆ قالالىق ءماسليحات سەسسياسىنا بەرگەن ەسەبى كەزىندە مالىمدەدى.
قاراعاندى وبلىسىندا 800 مىڭ تەڭگە پارا العان تەرگەۋشى ۇستالدى. اباي اۋداندىق ءىىب توپار پوليتسيا بولىمىندە قىزمەت ەتكەن ءتارتىپ ساقشىسى جاقىن تۋىستارىن قىلمىستىق جاۋاپكەرشىلىكتەن اراشالاپ قالۋ ءۇشىن ەكى ازاماتتان اقشا بوپسالاعان.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.