ۇلتتىق قورعانىس ۋنيۆەرسيتەتىنىڭ باسشىسى گەنەرال-مايور ا.رىسپاەۆتىڭ باستاماسىمەن ۋنيۆەرسيتەتتە «ەلباسى ن.ءا.نازارباەۆ وتاندىق تاريح عىلىمى الدىنا قويعان «حالىق تاريح تولقىنىندا» اتتى مەملەكەتتىك باعدارلاما مىندەتتەرىن ىسكە اسىرۋ. اسكەري-تاريحي ءبىلىم مەن اسكەري-تاريحي عىلىمنىڭ قازىرگى جاعدايى جانە دامۋ پەرسپەكتيۆالارى» تاقىرىبىندا دوڭگەلەك ۇستەل ۇيىمداستىرىلىپ وتكىزىلدى.
ۇلتتىق قورعانىس ۋنيۆەرسيتەتىنىڭ باسشىسى گەنەرال-مايور ا.رىسپاەۆتىڭ باستاماسىمەن ۋنيۆەرسيتەتتە «ەلباسى ن.ءا.نازارباەۆ وتاندىق تاريح عىلىمى الدىنا قويعان «حالىق تاريح تولقىنىندا» اتتى مەملەكەتتىك باعدارلاما مىندەتتەرىن ىسكە اسىرۋ. اسكەري-تاريحي ءبىلىم مەن اسكەري-تاريحي عىلىمنىڭ قازىرگى جاعدايى جانە دامۋ پەرسپەكتيۆالارى» تاقىرىبىندا دوڭگەلەك ۇستەل ۇيىمداستىرىلىپ وتكىزىلدى.
ايتۋلى ءىس-شاراعا اسكەري تاريح زەرتتەۋ جانە گەرالديكا ءبولىمىنىڭ باسشىسى پودپولكوۆنيك ق.بەيسەنوۆ مودەراتورلىق ەتتى. دوڭگەلەك ۇستەلگە عىلىمي ورتالىقتىڭ جەتەكشى عالىم دوكتورلارى, تاريح عىلىمدارىنىڭ كانديداتتارى, پروفەسسورلار, دوتسەنتتەر, عىلىمي قىزمەتكەرلەر, ۋنيۆەرسيتەتتىڭ پروفەسسورلىق-وقىتۋشىلار قۇرامى, دوكتورانتتار مەن ماگيسترانتتار قاتىستى.
تاريحي ماڭىزعا يە يگى ءىس-شارا بارىسىندا ۇلتتىق قورعانىس ۋنيۆەرسيتەتىنىڭ عالىم حاتشىسى, دوكتورانتۋرا پروفەسسورى, تاريح عىلىمدارىنىڭ دوكتورى, اسكەري عىلىمدار پروفەسسورى س.مۇحامەدجانوۆا «ۇلتتىق سانا-سەزىمدى قالىپتاستىرۋداعى اسكەري-تاريحي ءبىلىم. اسكەري-تاريحي ءبىلىمنىڭ قازىرگى جاي-كۇيى جانە دامۋ پەرسپەكتيۆالارى» تاقىرىبىندا, دوكتورانتۋرا پروفەسسورى, تاريح عىلىمدارىنىڭ دوكتورى, پروفەسسور س.ءدىلمانوۆ «اسكەري-تاريحي عىلىمنىڭ دامۋىنداعى دەرەكتەمەتانۋ جانە تاريحناما پروبلەمالارى» تاقىرىبىندا, عىلىمي ورتالىقتىڭ 2-باسقارما باس عىلىمي قىزمەتكەرى, تاريح عىلىمدارىنىڭ دوكتورى, دوتسەنت ت.مۇحامادەەۆ «قازاقستاننىڭ اسكەري-تاريحي عىلىمىنىڭ قازىرگى جاي-كۇيى: پروبلەمالارى جانە ىقتيمال شەشۋ جولدارى» تاقىرىبىندا باياندامالار جاساپ, وزدەرىنىڭ پىكىرلەرى مەن ۇسىنىستارىن جەتكىزدى.
تارتىمدى وتكەن ماڭىزدى ءىس-شارا قورىتىندىسىندا ەلباسى ن.ءا.نازارباەۆ وتاندىق تاريح عىلىمى الدىنا قويعان «حالىق تاريح تولقىنىندا» اتتى مەملەكەتتىك باعدارلاما مىندەتتەرىن ىسكە اسىرۋ بويىنشا ۇلتتىق قورعانىس ۋنيۆەرسيتەتىنىڭ جوسپارى تالقىلانىپ, بەكىتىلۋگە ازىرلەندى.
مارات تۋراباەۆ,
ۇلتتىق قورعانىس ۋنيۆەرسيتەتىنىڭ قىزمەتكەرى.