تاقىرىپقا شىعارىلعان اتاۋىنا ساي بۇل جەردىڭ اينالاسى كوكونىس وسىرۋگە جاراتىلعانداي-اق. سوعان وراي جەرگىلىكتى تۇرعىنداردىڭ نەگىزگى شارۋاشىلىق باعىتى دا وسى. اۋىل الدىمەن كارتوبى ارقىلى الىسقا ايان. كوپ رەتتە ەكىنشى نان دەلىنەتىن بۇل ءونىم دە ءبىر ءتاۋىرى, وبلىستا جەتىپ-ارتىلادى.
تاقىرىپقا شىعارىلعان اتاۋىنا ساي بۇل جەردىڭ اينالاسى كوكونىس وسىرۋگە جاراتىلعانداي-اق. سوعان وراي جەرگىلىكتى تۇرعىنداردىڭ نەگىزگى شارۋاشىلىق باعىتى دا وسى. اۋىل الدىمەن كارتوبى ارقىلى الىسقا ايان. كوپ رەتتە ەكىنشى نان دەلىنەتىن بۇل ءونىم دە ءبىر ءتاۋىرى, وبلىستا جەتىپ-ارتىلادى.
وڭىردە كارتوپ وسىرۋمەن شۇعىلداناتىن شارۋاشىلىقتار ونشالىقتى كوپ ەمەس. سونىڭ وزىندە ايماق تۇرعىندارىنىڭ داستارقانى قىسى-جازى ودان بوس بولمايدى. ال بۇلاي بولۋعا اباي اۋدانىنىڭ اتالعان اۋىلىندا ورىن تەپكەن «استرو-اگرو» جشس-نىڭ ۇلەسى ۇلكەن. ويتكەنى, وبلىستىڭ كارتوپقا سۇرانىسىنىڭ 53,2 پايىزىن ءبىر ءوزى وتەسە, سونداي-اق كوكونىسپەن 74,3 پايىزعا قامتاماسىز ەتەدى.
سەرىكتەستىكتە بيىل 365 گەكتار تاناپقا كارتوپ وتىرعىزىلدى. بۇل جىلدان جىلعا ۇلعايىپ كەلە جاتقان كولەم. جاقىندا وسىندا وتكەن « ەگىستىك القابى» كۇنىندە وعان قاتىسۋعا الدى سوناۋ گوللانديادان كەلۋشىلەر وزدەرىنە ەتەنە جاقىن داقىلدى وسىرۋدەگى ىزدەنىستەر مەن جەتىستىكتەرگە ريزالىق ءبىلدىردى. جالپى, مۇندا ولاردىڭ جولدارى ءجيى ءتۇسىپ تۇرادى. «استرو-اگرو» مەن ەۋروپاعا بەلگىلى «سولون» فيرماسىنىڭ اراسىنداعى كارتوپ تۇقىمىن ءوسىرۋ بويىنشا ءىس بىرلەسىپ جۇرگىزىلەتىندىكتەن مۇنىڭ ەش تاڭسىقتىعى جوق.
تۇقىم دەمەكشى, كوكسۋلىق كارتوپشىلار ونىڭ جەرگىلىكتى اۋا-رايى ەرەكشەلىگىنە لايىقتالعان تۇقىمىن دايىندايدى. 40-قا جۋىق سورتىنىڭ تاڭدالعان ءتۇرىن الىپ, وتىرعىزۋعا ەلىمىز قاي وڭىرلەرى تۇتىنۋشىسىنىڭ ءمۇمكىندىگى بار. كۇزگى جيىن-تەرىمنەن كەيىن ارنايى سۇرىپتالىپ, ساقتاۋعا قويىلاتىن 7 مىڭ تۇقىم ساتىپ الىنۋعا دايىن.
الەكساندر شيمپف جەتەكشىلىك ەتۋشى سەرىكتەستىك كارتوپتىڭ گەكتارعا شاققانداعى شىعىمدىلىعىن ۇستەمەلەتە وسىرۋىمەن دە بەلگىلى. ماسەلەن, وبلىستاعى تەكتەس شارۋاشىلىقتاردا ورتاشا ونىمدىلىك ءار گەكتارىنا 181 تسەنتنەردەن اينالسا, ال «استرو-اگرودا» 350 تسەنتنەردەن كەم سوقپايدى. مۇنداي مول جەمىس جىل سايىن 15 مىڭ توننا كارتوپ جيناپ الۋعا مۇمكىندىك بەرىپ ءجۇر. بۇعان دەيىن وسىنشا ءونىمدى ساقتاۋ ماسەلەسى قيىندىق كەلتىرەتىن. بىلتىر سىيىمدىلىعى 8 مىڭ توننالىق قويمانىڭ سالىنۋى كارتوپتى جينالعان قالپىندا ۇزاق ساقتاۋعا مۇمكىندىك بەرمەك.
كوكسۋلىقتار بۇگىندە الداعى كۇزدىڭ بەرەكەلى بولۋىنان ۇلكەن ءۇمىت كۇتۋلى. جازدىڭ جاۋىن-شاشىندىلىعىنا بايلانىستى ءونىمنىڭ تەز جەتىلۋى, اگروتەحنيكالىق تالاپتاردىڭ مۇلتىكسىز ورىندالۋى, جيىن-تەرىم جۇمىستارىنا جان-جاقتى دايىندالۋ كارتوپتىڭ جىلداعىدان مولىنان الىنۋىنا سەنىم ارتتىرىپ وتىر.
ايقىن نەسىپباي,
«ەگەمەن قازاقستان».
قاراعاندى وبلىسى,
اباي اۋدانى.