پرەمەر-ءمينيستردىڭ ورىنباسارى بەردىبەك ساپارباەۆ باستاعان ۇكىمەتتىڭ جۇمىس توبى اقتاۋ قالاسىندا ىسسپارمەن بولدى. ءىسساپار بارىسىندا جۇمىس توبى «ماڭعىستاۋ ارەنا» سپورت كەشەنىنىڭ جۇمىس بارىسىمەن تانىسىپ, قالا تۇرعىندارىمەن كەزدەستى.
كەزدەسۋگە قازاقستان رەسپۋبليكاسىنىڭ پرەمەر-ءمينيسترىنىڭ ورىنباسارى بەردىبەك ساپارباەۆپەن بىرگە ماڭعىستاۋ وبلىسىنىڭ اكىمى سەرىكباي ترۇموۆ, ەڭبەك جانە الەۋمەتتىك قورعاۋ ءمينيسترى ءبىرجان نۇرىمبەتوۆ, ءبىلىم جانە عىلىم ۆيتسە-ءمينيسترى شولپان كارينوۆا, دەنساۋلىق ساقتاۋ ءمينيسترىنىڭ ورىنباسارى ءلاززات اقتاەۆا, مادەنيەت جانە سپورت ۆيتسە-ءمينيسترى ەلدوس رامازانوۆ, اقپارات جانە قوعامدىق دامۋ ءمينيسترىنىڭ ورىنباسارى دانيار ەسين جانە كاسىپوداقتار فەدەراتسياسنىڭ توراعاسى ەرالى توعجانوۆ قاتىستى.
جيىندا ءسوز العان ۆيتسە-پرەمەر ازاماتتاردىڭ ءال-اۋقاتىن ارتتىرۋ, ءبىلىم بەرۋ, دەنساۋلىق ساقتاۋ جانە الەۋمەتتىك قورعاۋ باعىتتارى بويىنشا مەملەكەت باسشىسى تاپسىرمالارىنىڭ جۇزەگە اسىرىلۋى جونىندە اقپارات بەردى.
سونىمەن قاتار جۇمىس توبى «اتامەكەن» كاسىپكەرلەر پالاتاسىنىڭ عيماراتىنا بارىپ, كاسىپكەرلەرگە قىزمەت كورسەتۋ ورتالىعىنىڭ جۇمىسىمەن تانىس بولدى.
«كاسىپكەرلەرگە ارنالعان ۇكىمەت» جوباسى بويىنشا اتقارىلىپ جاتقان جۇمىستارمەن تانىستى. بەردىبەك ماشبەك ۇلىنا كاسىپكەرلەرگە ء«بىر تەرەزە» قاعيداتى بويىنشا قاجەتتى بارلىق قىزمەت تۇرلەرىن كورسەتەتىن ورتالىق تۋرالى تولىققاندى مالىمەت بەرىلدى. ىسكەر ءارتۇرلى مەملەكەتتىك ورگانعا سابىلماي, ماسەلەن, جەر قاتىناستارى, اۋىل شارۋاشىلىعى, تۋريزم جانە ينۆەستيتسيانى دامىتۋ مەن ازاماتتارعا ارنالعان ۇكىمەتتەن تەز ءارى ساپالى تۇردە مەملەكەتتىك قىزمەت تۇرلەرىن الۋ مۇمكىندىگىن اتاپ ءوتتى.
اقتاۋلىق كاسىپكەر ماحامبەت قاجىعاليەۆ وڭىرلىك كاسىپكەرلەر پالاتاسىنان ۇنەمى قولداۋ كورىپ كەلەدى. جەكە كاسىبىن اشۋعا مۇرىندىق بولعان كاسىپكەرلەر پالاتاسىنا بۇل جولى ساتىپ الۋلار مەن زاڭگەرلەر قىزمەتىنە جۇگىنۋگە كەلگەن. «اۆتوبولشەكتەر ساۋداسىمەن اينالىسامىن. ء«بىر تەرەزە» ارقىلى قاجەتتى قىزمەتىمدى الىپ وتىرمىن. بولاشاقتا جاڭا جوبامدى ىسكە اسىرعىم كەلەدى. 15 ملن تگ تۇراتىن بيزنەس جوبام ءساتتى جۇزەگە اسادى دەپ ويلايمىن», دەپ مالىمدەدى كاسىپكەر.
سونداي-اق «كاسىپكەرلەرگە ارنالعان ۇكىمەت» جوباسى اياسىندا جۇمىس ىستەپ تۇرعان: قارجىلاندىرۋ; وتكىزۋ; تسيفرلى قىزمەت كورسەتۋ; قۇقىقتىق سۇيەمەلدەۋ جانە وقىتۋ دەپ اتالاتىن 5 ايماق تۋرالى ماڭعىستاۋ وبلىسى كاسىپكەرلەر پالاتاسىنىڭ ديرەكتورى نۇربەك قاراساەۆ ناقتى اقپارات بەردى.
-بۇل ورتالىقتان بيىل 5641 ادام قاجەتتى قىزمەت الدى. كاسىپكەرلەر ءتيىستى اقپاراتتارمەن تولىق قامتاماسىز ەتىلىپ وتىر. ماڭعىستاۋدا كاسىپتى ميكرونەسيەلەندىرۋگە 1,2 ملرد تگ اۋىلشارۋاشىلىعى سالاسىنا بەرىلدى.سونىڭ 300 ملن تگ «اتامەكەن» ميكروقارجى ۇيىمى ارقىلى 27 جوبا جۇزەگە استى, دەيدى نۇربەك قاراساي ۇلى.
سونان سوڭ ۇكىمەت باسشىسىنىڭ ورىنباسارى «باستاۋ» جوباسى بويىنشا ءدارىس وقىپ جاتقان تىڭداۋشىلارمەن كەزدەستى. بۇل جوبا بويىنشا وتكەن جىلى 1056 ادام وقىپ, جەكە كاسىپتەرىن اشسا, بيىل 2650 ادام كاسىپكەرلىككە ۇيرەندى. «باستاۋ» تۇلەكتەرى 3,4 ملرد تەڭگەنى قۇرايتىن بيزنەس جوبالاردى جۇزەگە اسىردى. بۇل وتكەن جىلمەن سالىستىرعاندا 1,5 ەسەگە كوپ ەكەنىن كورسەتەدى.
پرەمەر-مينيستر ورىنباسارى ب. ساپارباەۆ «باستاۋ» شاكىرتتەرىمەن تىلدەسىپ, ساتتىلىك تىلەدى.
ساپار بارىسىندا جۇمىس توبى «جاس تۇلپار – 2019» سالتاناتتى شاراسىنا قاتىسىپ, بەردىبەك ساپارباەۆ جاستارعا ارنالعان مەملەكەتتىك باعدارلامالاردىڭ تيىمدىلىگىن ءسوز ەتە وتىرىپ, ماڭعىستاۋلىق جاستارعا ىستىق ىقىلاسىن جەتكىزدى.
سونداي-اق پرەمەر-مينيستر ورىنباسارى ۇستازدار جانە دارىگەرلەر قاۋىمىمەن جۇزدەستى.