بيىل الماتى وبلىسىنداعى تۇرعىن حالىق سانى 2050,9 مىڭ ادامدى قۇرادى. ستاتيستيكا دەرەگى بويىنشا, ەل-جۇرتتىڭ 22 پروتسەنتى قالادا تىرشىلىك ەتەدى, ال 78 پروتسەنت تۇرعىننىڭ مەكەنى - اۋىل.
ناقتى ايتقاندا, 450,9 مىڭ جەتىسۋلىق قالادا تىرشىلىك ەتسە, اۋىلداردى 1600 مىڭ جان باسى مەكەن ەتەدى. جالپى, بيىل وبلىستا دەموگرافيالىق جاعداي قالىپتى كورسەتكىش كورسەتتى. وتكەن جىلمەن سالىستىرعاندا 1000 ادامعا شاققانداعى تابيعي ءوسىم 18,4 ادامعا كوبەيدى. ياعني, وتكەن 9 اي ارالىعىندا 37 781 ءسابي دۇنيە ەسىگىن اشقان.
ال وسى مەرزىمدە دۇنيە سالعاندار سانى 10 020 ادامدى قۇراپ, وتكەن جىلمەن سالىستىرعاندا 6,54 مارقۇمعا ازايدى. بىلتىر ايماقتا 10 043 ادامنىڭ جانازاسى شىعارىلعان ەكەن.