ستاتيستيكالىق مالىمەتتەردى سارالاساق, جىل باسىنان بەرى جەتىسۋعا 83 301 ادام كوشىپ كەلىپتى. بىراق, وتكەن مەرزىمدە وبلىستا كوشى-قوننىڭ تەرىس ايىرماسى دا قالىپتاسقان.
ماسەلەن, ايماقتان ىرگە كوتەرۋشىلەر سانى 99 090 ادامعا جەتىپ, كوشىپ كەلۋشىلەر سانىمەن سالىستىرعاندا 15 789 جانعا كوبەيگەن. بۇل كورسەتكىش ارعى جىلمەن سالىستىرعاندا 20,2 پروتسەنتكە ءوسىپ وتىر. كوشى-قون ۇدەرىسى نەگىزىنەن تمد ەلدەرىنە باعىتتالىپتى. ياعني, الماتى وبلىسىنان كوشىپ كەتكەندەردىڭ 83 پروتسەنتىنىڭ تاڭداۋى كورشى ەلدەرگە تۇسكەن. ال وسى تمد اۋماعىنان وبلىسقا كەلۋشىلەر سانى 67,4 پروتسەنت شاماسىندا ەكەن.
ەسەسىنە, جەتىسۋعا باعىتتالعان ىشكى ميگراتسيا ۇلەسى باسىم. بيىل ەلدىڭ باسقا وڭىرلەرىنەن كوشىپ كەلۋشىلەر سانى 14,5 پروتسەنتكە ۇلعايعان. جالپى, الماتى وبلىسىنىڭ اۋماعىن مەكەندەگەن ەل-جۇرتتىڭ جالپى ۇلەسى 2 ملن 47 مىڭ ادامعا جەتتى. ونىڭ ىشىندە تۇرعىنداردىڭ 60 پروتسەنتى الماتى قالاسىنىڭ ماڭىن مەكەن ەتەدى ەكەن. ياعني, مەگاپوليسپەن شەكتەسەتىن اۋدانداردا 1 ملن 200 مىڭ ادام تىرشىلىك ەتۋدە.