كەشە ەلىمىزدىڭ باس قالاسى – استاناعا حالىقارالىق The Sun Trip اتتى ۆەلوجارىس جوباسىنا قاتىسۋشى راف ۆان حول ءبىرىنشى بولىپ جەتتى. «The Sun Trip: استانا ەكسپو-2017 باعىتىندا» اتتى بۇل حالىقارالىق ۆەلوجارىس ۇستىمىزدەگى جىلعى 15 ماۋسىمدا فرانتسيانىڭ ساۆويا قالاسىنان باستاۋ العان بولاتىن.
كەشە ەلىمىزدىڭ باس قالاسى – استاناعا حالىقارالىق The Sun Trip اتتى ۆەلوجارىس جوباسىنا قاتىسۋشى راف ۆان حول ءبىرىنشى بولىپ جەتتى. «The Sun Trip: استانا ەكسپو-2017 باعىتىندا» اتتى بۇل حالىقارالىق ۆەلوجارىس ۇستىمىزدەگى جىلعى 15 ماۋسىمدا فرانتسيانىڭ ساۆويا قالاسىنان باستاۋ العان بولاتىن.
«The Sun Trip: استانا ەكسپو-2017 باعىتىندا» اتتى بۇل حالىقارالىق جارىستىڭ باستى ماقساتى – ەلوردامىزدا 2017 جىلى وتەتىن بۇكىلالەمدىك كورمەنىڭ باس تاقىرىبى – «بولاشاق ەنەرگياسىن» جاھاندىق اۋقىمدا ناسيحاتتاۋ بولىپ تابىلادى. حالىقارالىق ۆەلوجارىسقا قاتىسۋشىلار استاناعا دەيىنگى ءوز ساپارلارىنىڭ باعىتىن وزدەرى تاڭدادى. ساپار بارىسىندا ۆەلوشاباندوزدار ۆەنەتسيا, سوفيا, بۋحارەست, ودەسسا, ىستامبۇل, سوچي, باكۋ, اتىراۋ جانە اقتوبە قالالارىنا توقتادى.
باسەكە بارىسىندا «Solar Wind» كومانداسىنىڭ وكىلى راف ۆان حول مارەگە ءبىرىنشى بولىپ جەتتى. ول 38 كۇن ارالىعىندا, جەتى مىڭ كيلومەتردەن استام قاشىقتىقتى ءوزىنىڭ كۇننەن ءنار الاتىن كولىگىمەن ءجۇرىپ ءوتتى.
تاۋ شىڭىن, حالىقارالىق اۆتوباندار مەن دالا جازىقتارىن باعىندىرعان ۆەلوشاباندوز: «قازاقستان – وتە تارتىمدى ەل! ەۋروپا جۇرتشىلىعىنىڭ كوپشىلىگى قازاقستاننىڭ قانداي ەل ەكەنىن جانە مۇندا شەكسىز اسەم دالا بار ەكەنىن بىلمەيدى. سول سەبەپتەن مەن ءوز كوزىممەن كورىپ, جاعىمدى پىكىر الۋ ءۇشىن وسى ساپارعا شىقتىم!» – دەپ اتاپ ءوتتى.
ۆەلوجارىس جەڭىمپازىن استانا قالاسىندا سىرتقى ىستەر مينيسترلىگىنىڭ, فرانتسيانىڭ قازاقستان رەسپۋبليكاسىنداعى ەلشىلىگىنىڭ جانە «استانا ەكسپو-2017» ۇك» اق-تىڭ وكىلدەرى قارسى الدى. سول سياقتى حالىقارالىق ۆەلوجارىسقا قاتىسۋشىلاردى قۇتتىقتاۋ ءۇشىن وسى جوبانىڭ نەگىزىن قالاۋشى فلوريان بايلي دا قازاقستانعا كەلىپتى. ەكىنشى بولىپ, بۇگىن ەلوردامىزعا ۆەلوجارىسقا قاتىسۋشى فرانتسۋزدىق ۆەلوسيپەدشى جوردج مويتا كەلەدى. حالىقارالىق ۆەلوجارىسقا قاتىسۋشى قالعان ۆەلوشاباندوزدار استانا قالاسىنداعى مارەگە تاياۋداعى ەكى اپتانىڭ ىشىندە تولىق كەلىپ جەتەتىن بولادى. سودان كەيىن ەلوردامىزدا The Sun Trip جوباسىنا قاتىسۋشى ۆەلوشاباندوزداردىڭ قاتىسۋىمەن بۇقارالىق ۆەلوسيپەد جارىسى وتكىزىلەدى.
مارەگە ءبىرىنشى بولىپ جەتكەن بەلگيا ازاماتى راف ۆان ءحولدىڭ ماماندىعى – ساۋلەتشى جانە ەنەرگەتيكا ماسەلەلەرى بويىنشا ساراپشى. ول وسىنداي حالىقارالىق جارىستارعا قاتىسۋ ارقىلى ساپارعا شىعۋدى ۇناتادى. ەكى پانەلدى كۇن باتارەيالارىمەن جابدىقتالعان ۆەلوسيپەدىن ونىڭ ءوزى قۇراستىرعان. رافتىڭ ايتۋىنشا, كۇن باتارەيالارىمەن جاراقتاندىرىلعان بۇل ۆەلوسيپەدى ونىڭ ارنايى پاتەنت العان ونەرتاپقىشتىق جاڭالىعى بولىپ تابىلادى. بۇل ەكولوگيالىق ءتيىمدى كولىك قۇرالىنىڭ جىلدامدىعى ساعاتىنا 50 شاقىرىم.
جىلقىباي جاعىپار ۇلى,
«ەگەمەن قازاقستان».
سۋرەتتە: حالىقارالىق ۆەلوجارىستىڭ جەڭىمپازىن استانادا قارسى الۋ.