سوڭعى كەزدەرى جامبىل وبلىسىنىڭ ساياسي ومىرىندە بىرقاتار اۋىس-ءتۇيىستىڭ ورىن العانى بەلگىلى. بۇگىن جامبىل وبلىسىنىڭ اكىمى اسقار مىرزاحمەتوۆ تاراز قالاسىنىڭ اكتيۆىنە شاھاردىڭ جاڭا باسشىسىن تانىستىردى.
قازاقستان رەسپۋبليكاسى پرەزيدەنتى اكىمشىلىگىنىڭ جانە تاراز قالالىق ءماسليحاتىنىڭ كەلىسىمىمەن تاراز قالاسىنىڭ اكىمى بولىپ ايتقازى قارابالاەۆ تاعايىندالدى. جيىن بارىسىندا اسقار مىرزاحمەتوۆ ەكى مىڭ جىلدان استام تاريحى بار تاراز قالاسىنىڭ اكىمىنە جۇكتەلەتىن جاۋاپكەرشىلىكتىڭ جوعارى ەكەنىن ايتىپ ءوتىپ, جاڭا اكىمگە وبلىس ورتالىعىنداعى الەۋمەتتىك جانە ەكونوميكالىق احۋالدى كوتەرۋ ماقساتىندا ناقتى تاپسىرمالار بەردى.
تاراز قالاسىنا اكىم بولىپ تاعايىندالعان ايتقازى قارابالاەۆ كەزىندە جامبىل وبلىسىنىڭ جۋالى جانە تالاس اۋداندارىن باسقارعان. سوڭعى كەزدە «قازترانسگازايماق» اق تۇركىستان وبلىستىق وندىرىستىك فيليالىنىڭ ديرەكتورى لاۋازىمىندا بولعان.