الماتىدا جىل باسىنان بەرى 791,6 ملرد. تەڭگەنىڭ ونىمدەرى ءوندىرىلىپ, قىزمەتى كورسەتىلدى. سونىمەن قاتار, سالدولانعان قارجىلىق ناتيجە 136,7 ملرد. تەڭگە سوماسىنداعى تابىس رەتىندە انىقتالسا, پايدالىلىق دەڭگەيى 10,3 پايىزدى قۇرادى.
پاۆلودار وبلىسىندا «جۇلدىزدى جاسىباي» اتتى رەترو فەستيۆال ءوتتى. جىلداعىشا باياناۋىل جەرىندە كەرۋەن كەرگەن ونەر مەرەكەسىندە تامارا اسار, مەرۋەرت تۇسىپباەۆا, رامازان ستامعازيەۆ, جانار ايجانوۆا, جاننا ورىنباساروۆا سىندى ەسترادا جۇلدىزدارى مەن «جىگىتتەر», «الاش ۇلى», «كZ» توپتارى جاياۋ مۇسانىڭ, مايرانىڭ, ەستايدىڭ, يسا بايزاقوۆتىڭ اندەرىن شىرقادى.
شىعىس قازاقستاننىڭ تۋريستىك نىساندارىندا اۆتوموبيل جولدارى جوندەلۋدە. بىلتىر 11 باعىت بويىنشا قولعا الىنعان اۆتوموبيل جولدارىنا جوندەۋ جۇمىستارى «تاڭسىق بەكەتى - قوزى كورپەش-بايان سۇلۋ» جولىنىڭ قۇرىلىسىنان باستالدى. مەردىگەرلەر كەلەسى جىلى وسى جولدى پايدالانۋعا بەرمەكشى.
جازۋشى ورالحان بوكەيدىڭ تاڭدامالى شىعارمالار جيناعى شىقتى. بيىل قارىمدى قالامگەردىڭ تۋعانىنا 70 تولۋىنا ارناپ شىعارىلعان بۇل كىتاپتىڭ تۇساۋكەسەرى الماتىدا 23 شىلدە كۇنى ۇلتتىق كىتاپحانادا وتەدى.
قوستاناي وبلىسىندا «جۇمىسپەن قامتۋ-2020» باعدارلاماسى اياسىندا 360 ملن. تەڭگە شاعىن نەسيە بەرىلدى. بۇل – 2012 جىلعا قاراعاندا, 225 ملن. تەڭگەگە ارتىق. 2013 جىلدىڭ 1شىلدەسىندە 173 شاعىن نەسيەگە 310 ملن. تەڭگە بولىنگەن. قازىرگى تاڭدا قارجىلاي قولداۋ قورى 399 ملن. تەڭگەنىڭ ءوتىنىمىن ماقۇلداعان.
ارحەولوگتار تارازداعى ەسكى بازاردىڭ ورنىنان كونە شاھاردىڭ مادەني ورتالىعىن تاپتى. ەكى جىلدان بەرى ءجۇرىپ جاتقان جۇمىستار بارىسىندا بۇل جەردەن شىققان جادىگەرلەردىڭ ءحى-ءحىى عاسىرلارداعى قاراحانيدتەر داۋىرىنە ءتان ەكەنى دە انىقتالدى.
اتىراۋدا پاتشابالىق شاباقتارى سۋ قويمالارىنا جىبەرىلدى. بارلىعى سالماعى مەن بويى قاجەت دارەجەگە جەتكەن 10 مىڭ شاباق شىعارىلدى. توعان شارۋاشىلىعىن قۇرۋعا ارنالعان جابىق تسيكل ينۆەستيتسيالارى 75 ملن. تەڭگەنى قۇرايدى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.