پروباتسيا قىزمەتىنىڭ ماقساتى – كۇدىكتىنىڭ, ايىپتالۋشىنىڭ مىنەز-قۇلقىن تۇزەۋ; سوتتالعان ادامدى الەۋمەتكە قوسۋ; قىلمىستىق-اتقارۋ جۇيەسىنىڭ مەكەمەسىنەن بوساتىلعان ادامدى الەۋمەتتىك بەيىمدەۋ جانە وڭالتۋ ارقىلى قوعامنىڭ قاۋىپسىزدىگىن قامتاماسىز ەتۋگە جاردەمدەسۋ.
پروباتسيا قىزمەتىنىڭ ەسەبىندە تۇرعان سوتتالعاندار اراسىندا قىلمىستىڭ الدىن الۋ, ەسكەرتۋ جانە جولىن كەسۋدىڭ بىردەن-ءبىر جولى – سوتتالعانداردى جۇمىسقا ورنالاستىرۋعا كومەك كورسەتۋ جانە تۇرمىستىق جاعدايلارىن ۇيىمداستىرۋ, الەۋمەتتىك-قۇقىقتىق جانە وزگە دە كومەك كورسەتۋ جۇمىستارىن جانداندىرۋ.
وسى باعىتتا اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ (قاجد) يندەر اۋداندىق پروباتسيا قىزمەتى توبى دا پروباتسيا قىزمەتىنىڭ ەسەبىندە تۇرعان سوتتالعاندارعا الەۋمەتتىك-قۇقىقتىق كومەك كورسەتۋ ماقساتىندا م.اۋەزوۆ اتىنداعى ورتا مەكتەبىمەن ءوزارا ءىس-قيمىل جاساۋ تۋرالى مەموراندۋمعا قول قويدى.
مەموراندۋمنىڭ نەگىزگى ماقساتى – م.اۋەزوۆ اتىنداعى ورتا مەكتەبىنىڭ پيحولوگىمەن ەرىكتى ۆولونتەرلىق نەگىزدە پروباتسيا قىزمەتى توبىنىڭ ەسەبىندە تۇرعان سوتتالعانداردىڭ پسيحولوگيالىق مىنەز-قۇلقىن زەرتتەۋ, تەستىلەۋ, ساراپتاۋ, ترەنينگتەر وتكىزۋ جانە پسيحولوگيالىق كومەك كورسەتۋ جۇمىستارىن جۇرگىزۋمەن قاتار قايتالاما قىلمىستى بولدىرماۋ, ونىڭ الدىن الۋ, باس بوستاندىعىنان ايىرۋ ورىندارىنان بوساپ كەلگەن ازاماتتاردى قايتا الەۋمەتتەندىرۋ, قوعامدا ءوز ورنىن تابۋعا ۇلەس قوسۋ.
سونىمەن قاتار پروباتسيا قىزمەتىندە ەسەپتە تۇرعان ازاماتتاردى قايتا الەۋمەتتەندىرۋ پروتسەسىنە ەرىكتى ۆولونتەرلىق نەگىزدە يندەر اۋدانىندا ورنالاسقان «داريا» سۇلۋلىق سالونى پروباتسيالىق باقىلاۋ بەلگىلەنگەن تۇلعالارعا اقىسىز نەگىزدە شاش قيۋ قىزمەتىن كورسەتتى جانە پروباتسيا قىزمەتىنە ەرىكتى تالىمگەرلەر ينستيتۋتىنىڭ قاناتقاقتى جوباسىن ەنگىزۋ بويىنشا ەسەپتە تۇرعان ءبىر سوتتالعان ءوزىنىڭ جەكە شارۋاشىلىق قوجالىعىنا جۇمىسسىز جۇرگەن ءبىر سوتتالعاندى جۇمىسقا قابىلدادى.
بيىل جىل باسىنان باستاپ بۇگىنگى كۇنگە دەيىن جەرگىلىكتى اتقارۋشى ورگاندارمەن بىرلەسىپ 14 سوتتالعانعا مەديتسينالىق كومەك, 1 كۇدىكتىگە پسيحولوگيالىق كومەك, 3 سوتتالعانعا ءبىر جولعى قارجىلاي قاراجات تاپسىرىلدى, سونداي-اق, 2 سوتتالعانعا ماماندىق الۋىنا جاردەمدەسىپ, 8 سوتتالعان ازامات جۇمىسقا ورنالاستىرىلدى. سونىمەن قاتار جازا وتەۋ ءتارتىبى مەن شارتتارىن بۇزباي, تۇزەلۋ جولىنا تۇسكەن 3 سوتتالعان مەرزىمىنەن بۇرىن شارتتى تۇردە بوساتىلدى. ال جازاسى كەيىنگە قالدىرىلعان 1 سوتتالعان تۇزەۋ جولىنا تۇسكەندىگىن دالەلدەگەنىنە بايلانىستى جازادان بوساتىلدى.
بۇگىندە پروباتسيا قىزمەتى تۇزەۋ مەكەمەسىنەن بوساپ كەلگەن جانە سوتپەن اكىمشىلىك قاداعالاۋ بەلگىلەنگەن تۇلعالارعا الەۋمەتتىك قۇقىقتىق كومەك كورسەتىپ, جۇمىسپەن قامتىپ, ولاردىڭ سابىرلىق پەن ۇستامدىلىق قاسيەتتەرىن دامىتۋعا, قوعامعا دەگەن وڭ كوزقاراسىن قالىپتاستىرۋعا, وزدەرىن تاربيەلەۋگە, قابىلەتتەرىن ودان ءارى ارتتىرۋعا ىقپال ەتەدى.
بيبىگۇل قاناتباەۆا,
اتىراۋ وبلىسى بويىنشا قاجد يندەر اۋداندىق
پروباتسيا قىزمەتى توبىنىڭ ينسپەكتورى,
ادىلەت اعا لەيتەنانتى