قالا اكىمىنىڭ تۇسىندىرۋىنشە, جاڭا مەديا وكىلدەرى – بلوگەرلەر يندۋسترياسى الماتىدا جەدەل قارقىنمەن دامىپ كەلە جاتىر. «جاڭا مەديا پلاتفورماسىنىڭ دامۋىنا YouTube جانە Instagram ۇلەس قوسىپ جاتىر. بۇل – قارجى تابۋدىڭ مۇمكىندىگى. الماتىداعى جاس بلوگەرلەر از عانا ۋاقىت ىشىندە تاماشا جەتىستىككە قول جەتكىزىپ ۇلگەردى. ولار تەك قازاقستاندا عانا ەمەس, تمد-دا, ورتالىق ازيادا دا تانىمالدىلىققا يە» دەپ اتاپ ءوتتى ب. ساعىنتاەۆ.
قالا باسشىسى, سونداي-اق, كونتەنت نارىعى ءۇشىن تاپسىرىس بەرۋشىلەر مەن ورىنداۋشىلار اراسىنداعى كەلىسىمشارتتاردان تۇراتىنىن ايتتى. بۇل ءۇردىس ءبىزدىڭ الماتىعا دا كەلىپ جەتتى. قازىر بلوگەرلەر اراسىندا قۇنى 1 ملن اقش دوللارىنان اساتىن كەلىسمشارتتارمەن جۇمىس ىستەپ جاتقان جاستار جەتەدى.
«اۋديوۆيزۋالدى كونتەنت نارىعىن دامىتۋعا مۇمكىندىك تۋىپ تۇر. نارىقتىڭ بۇل سەگمەنتى ورتالىق ازيا ەلدەرىن قامتىپ ۇلگىردى. وسىلاردىڭ ىشىندە ەڭ كرەاتيۆيتى قالا رەتىندە مەن الماتىنى ايتار ەدىم» دەپ اتاپ ءوتتى قالا اكىمى.
قالا اكىمى, سونداي-اق, الماتىمەن ءوزىن بايلانىستىراتىن تەك مەملەكەتتىك قىزمەت عانا ەمەس ەكەنىن جينالعانداردىڭ قاپەرىنە سالىپ ءوتتى.
الماتى باقىتجان ساعىنتاەۆ ءۇشىن جاستىعىنا كۋا بولعان, العاشقى ماحابباتىن كەزىكتىرگەن جانىنا جاقىن قالا.
«الماتىنىڭ ءاربىر بۇرىشىندا جانىما جاقىن ەستەلىكتەردى ەسكە سالىپ تۇراتىن تاريح تىعىلىپ جاتىر. مەن الماتىعا اكىم بولىپ تاعايىندالعان ساتتە تۋعان قالاما قايتا ورالعانداي اسەردە بولدىم» دەدى ب. ساعىنتاەۆ.
الماتى