پرەمەر-مينيستر اسقار ءماميننىڭ توراعالىعىمەن وتكەن كەزەكتى ۇكىمەت وتىرىسىندا «ەلەكتروندى ۇكىمەتتى» دامىتۋ جانە تۇرعىنداردىڭ تسيفرلىق ساۋاتتىلىعىن ارتتىرۋ ماسەلەلەرى قارالدى. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءتورايىمى اسەمگۇل بالتاشەۆا مەملەكەتتىك كورپوراتسيانىڭ جۇمىسىنىڭ قورىتىندىلارى تۋرالى ايتىپ بەردى. بۇل تۋرالى primeminister.kz حابارلادى.
بۇگىنگى كۇندە مەملەكەتتىك كورپوراتسيا ازاماتتارعا 648 (89,6%) مەملەكەتتىك قىزمەت ءتۇرىن كورسەتەدى. اعىمداعى جىلدىڭ 10 ايى كولەمىندە 24 ملن-نان استام مەملەكەتتىك قىزمەت كورسەتىلسە, ازاماتتاردى ەلەكتروندىق قىزمەتتەرگە وقىتۋ بويىنشا اۋقىمدى جۇمىستاردىڭ ناتيجەسىندە وتكەن جىلمەن سالىستىرعاندا كورپوراتسياعا كەلىپ الىناتىن قىزمەتتەر 4,1 ملن-عا ازايدى. الەۋمەتتىك زەرتتەۋ ناتيجەسىندە حالىقتىڭ قاناعاتتانۋ دەڭگەيى – 85,7 % قۇرادى.
«رەسپۋبليكا بويىنشا 16 ماماندىرىلعان ورتالىق پەن 86 سەكتور جۇمىس ىستەيدى, 10 ايدا 2 ملن-نان اسا قىزمەت ءتۇرى كورسەتىلدى, جۇرگىزۋشى كۋالىگىن بەرۋ بويىنشا 32% جۋىق قىزمەت (111 مىڭ) ونلاين فورماتتا الىندى. 1 شىلدەدەن باستاپ ىشكى ىستەر مينيستىرلىگىنىڭ اقپاراتتىق جۇيەلەردى ينتەگراتسيالاۋىنىڭ ارقاسىندا, جۇرگىزۋشى كۋالىگىن الۋ مەن اۆتوكولىكتى قاشىقتىقتان تىركەۋدىڭ جاڭا بيزنەس-پروتسەسس ىسكە قوسىلدى», — دەدى ءا. بالتاشەۆا.
مەملەكەتتىك كورپوراتسيا ءتورايىمىنىڭ ايتۋىنشا, شەتەلدىك ازاماتتارعا قىزمەتتەردى جەڭىلدەتۋ ءۇشىن 17 كوشى-قون ورتالىعى جۇمىس جاسايدى. اعىمداعى جىلدا 246 مىڭ قىزمەت كورسەتىلگەن. پروتسەسس 5 كۇننەن 1 ساعاتقا قىسقاردى. ىشكى ىستەر مينيستىرلىگىمەن بىرگە مەملەكەتتىك قىزمەتتەردى جەتىلدىرۋ جالعاستىرىلادى.
سونىمەن قوسا, «تسيفرلىق قازاقستان» مەملەكەتتىك باعدارلاماسىنا سايكەس «زەردە» حولدينگى جەرگىلىكتى اتقارۋشى ورگاندارمەن بىرلەسىپ, تسيفرلىق ساۋاتتىلىققا وقىتۋ كۋرستارىن وتكىزىپ جاتىر. 2019 جىلى 664 مىڭ كاسىبي مامان جانە 532 مىڭ ازامات وقىتىلدى, ونىڭ ىشىندە 78 مىڭنان اسا الەۋمەتتىك وسال توپتاردىڭ ازاماتتارى وقىتىلدى.
«تۇرعىندارعا EGOV پورتالىن ۇيرەتۋ جۇمىسى – كورپوراتسيانىڭ تىكەلەي مىندەتى. بۇل ماقساتتا ءبىزدىڭ وزىنە-ءوزى قىزمەت كورسەتۋ سەكتورلارى مەن تسيفرلىق حقكو-لاردى اتاپ ءوتۋ قاجەت. تۇرعىنداردىڭ تسيفرلىق ساۋاتتىلىعىن ارتتىرۋ ءۇشىن فرونت-وفيستەردى جاڭادان ترانسفورماتسيالاۋ جۇرگىزىلدى, ياعني ورتالىقتاردىڭ 60%-ى – وزىنە-ءوزى قىزمەت كورسەتۋ سەكتورى, قالعان 40% – وپەراتورلاردىڭ جۇمىس ورىندارى», — دەپ ءتۇسىندىردى ءا. بالتاشەۆا.
بارلىق وڭىرلەردە «Connection point» سەكتورلارى 13 ملن-نان اسا ازاماتتارعا ءتۇسىندىرۋ جۇمىستارىن جۇرگىزدى. وتكەن جىلمەن سالىستىرعاندا, كەڭەس بەرۋلەر سانى 3 ملن قىزمەتكە ارتتى.
سونىمەن قاتار, «قالتاداعى حقكو» كونتسەپتسياسىن ىلگەرىلەتۋ ءۇشىن فرونت-وفيستەردە ءموبيلدى تىركەۋ سەكتورلارى جۇمىس ىستەيدى, وندا تۇرعىندار ءموبيلدى ازاماتتار بازاسىنا تىركەلەدى جانە الەۋمەتتىك جەلىلەردەگى Chat-بوتتار, Egov, Mgov ءموبيلدى قوسىمشالارىن ورناتۋدى جانە ولار ارقىلى قىزمەت الۋدى ۇيرەتۋدە كومەك كورسەتىلەدى.
«بۇگىندە 7 ملن اسا پايدالانۋشى ءموبيلدى ازاماتتار بازاسىندا تىركەلدى, 645 مىڭنان استام ازامات تەلەگرام-بوتتى, eGov mobile جاڭا موبيلدىك قوسىمشاسىن 205 مىڭ ازامات جۇكتەپ الدى», — دەدى ول.
سونىمەن قاتار, ەلەكتروندىق قىزمەتتەردى الۋ داعدىلارى بويىنشا 18 تسيفرلىق حقكو ەنگىزىلدى, ياعني ەلەكتروندىق قىزمەتتەردى وپەراتورسىز ءوز بەتىنشە الىپ وقىتۋعا سىنىپتارى بار.
حالىقتى وقىتۋ بويىنشا 73 مىڭنان استام سەمينار وتكىزىلىپ, ونىڭ ىشىندە 29 مىڭىن تسيفرلىق ورتالىقتاردا جانە 44 مىڭ ادامدى جۇمىس ورىندارىندا شىعۋ توپتارى بارىپ وقىتتى, ەلەكتروندى قىزمەتتەردى (EGOV.KZ, Mgov, Chat-بوتتار) پايدالانۋ داعدىلارىنا تەرەڭىنەن وقىتۋ بويىنشا 1,3 ملن استام سەرتيفيكات بەرىلدى.