«Nur Otan پارتياسىنىڭ كەزەكتى وتىرىسىندا قۇرىلىستى ۋاقىتىنان كەشىكتىرىپ, جۇمىستى سوڭىنا دەيىن بىتىرمەي كەتكەن مەردىگەر مەكەمەلەردىڭ اتى اتالدى», دەپ حابارلادى الماتى قالاسى اكىمدىگىنىڭ ءباسپاسوز ءبولىمى.
جۇمىستارىنا ءجۇردىم-باردىم قارايتىن كومپانيالار تىزىمىنە ەنگەندەرمەن ەندى مۇلدە كەلىسىم-شارت جاسالمايتىن بولادى. سونىمەن قاتار قالا اكىمى باقىتجان ساعىنتاەۆ پارتيا بەلسەندىلەرىنە قالاداعى بارلىق مەردىگەرلەردىڭ جۇمىسىن كۇندەلىكتى باقىلاۋعا الۋدى تاپسىردى. ودان بولەك شاھار باسشىسى NUR OTAN پارتياسىندا كەزەكتى قابىلداۋ وتكىزدى. ۋاجبەن كەلگەن ءار تۇرعىنعا قالا اكىمى جەكە كوڭىل ءبولىپ, ناقتى جاۋاپ بەردى.
«ايىنا ءبىر رەت كەلىپ, كەلىسكەنىمىز بويىنشا قابىلداپ جاتىرمىز. كوتەرىلىپ وتىرعان ماسەلەلەر ءار ءتۇرلى سالانى قامتيدى. ىشىندە ءبىزدىڭ تاراپىمىزدان دا ءبىراز ولقىلىقتار بارى ەكەندىگى كورىنىپ تۇر. ويتكەنى ايتىلعان حالىقتىڭ شاعىمدارىنا بيۋروكراتيالىق كوزقاراسپەن قارايمىز. مۇنىڭ ارتىندا ماسەلەنىڭ شەشىمى ەمەس, قاعاز جۇزىندە جاۋاپ بەرە سالىپ, «كەلەسىسى» دەپ قاراپ وتىراتىن جاعداي بار», – دەدى Nur Otan پارتياسىنىڭ الماتى قالالىق فيليال توراعاسى, الماتى قالاسىنىڭ اكىمى باقىتجان ساعىنتاەۆ.