تۋدى كوتەرۋ راسىمىنە اتاقتى سپورتشىلار مەن قالانىڭ جاستار ۇيىمدارىنىڭ وكىلدەرى قاتىستى.
«الماتىدا ەلباسى, تۇڭعىش پرەزيدەنتىمىز نۇرسۇلتان نازارباەۆ تاۋەلسىزدىگىمىزدى جاريالاپ, مەملەكەتتىك رامىزدەردى, كونستيتۋتسيانى جانە ۇلتتىق ۆاليۋتانى قابىلدادى. قازاقستان تۋى ءدال مەدەۋدە ورناتىلعاندىعى كەزدەيسوق ەمەس. مۇندا ايگىلى وتاندىق جانە شەتەلدىك سپورتشىلار جۇزدەگەن الەمدىك رەكوردتار ورناتتى, ازيا ويىندارى مەن ۋنيۆەرسيادا وسى جەردە ءوتتى. مەملەكەت باسشىسى قاسىم-جومارت توقاەۆ ايتقانداي: «قازاقستاننىڭ تۋى جەر بەتىنەن بيىك كوتەرىلىپ تۇرعان ۋاقىتتا ءبىزدىڭ جۇرەگىمىز ءبىزدىڭ ەلىمىز ءۇشىن ماقتانىش سەزىمىن تۋدىرادى, ءبارى ءۇشىن. ءبىزدىڭ تاۋەلسىزدىگىمىزگە جەتكەن جەتىستىكتەرىمىز. وسىنداي سىيلىق ءۇشىن قازاقستان ۇلتتىق باسكەتبول فەدەراتسياسىنا ۇلكەن راحمەت», دەدى «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك.
وليمپيادا چەمپيونى جاقسىلىق ۇشكەمپىروۆ ءوز سوزىندە سپورتتىڭ ارقاسىندا الەمنىڭ كوپتەگەن ەلدەرىنە بارۋعا مۇمكىندىگى بولعانىن, بىراق ونىڭ باستى ماحابباتى ارقاشان قازاقستان جەرى بولعاندىعىن اتاپ ءوتتى.
«وسكەلەڭ ۇرپاق بۇل جەرگە قامقورلىق جاساپ, ونىڭ گۇلدەنۋى ءۇشىن جۇمىس ىستەۋى كەرەك. بۇل ءبىزدىڭ سپورتشىلارىمىزدىڭ داڭقتى ءداستۇرىن جالعاستىراتىن جاستار, ولاردىڭ قۇرمەتىنە حالىقارالىق الاڭداردا قازاقستاننىڭ تۋى كوتەرىلىپ, ەلىمىزدىڭ ءانۇرانى وينالادى. ەندى مەن مەدەۋگە كەلگەن سايىن ء ار قازاقستاندىق ءوز وتانىندا ماقتانىش سەزىمىن سەزىنەتىن بولادى », دەگەن اتاقتى سپورتشى ءوز اسەرلەرىمەن ءبولىستى.
«مەدەۋ» مەملەكەتتىك تۋى ۇلتتىق باسكەتبول فەدەراتسياسىنىڭ باستاماسىمەن «نۇر وتان» پارتياسى مەن الماتى اكىمدىگىنىڭ قولداۋىمەن ورناتىلدى. تۋدىڭ باعاناسىنىڭ بيىكتىگى - 40 مەتر, تۋىنىڭ ولشەمى - 7-دەن 14 مەترگە دەيىن.
گۇلبارشىن ايتجانبايقىزى
«ەqemen Qazaqstan»
الماتى