قوستاناي وبلىسىنىڭ پوليتسيا دەپارتامەنتىندە قارتتار كۇنىنە وراي ىشكى ىستەر ورگاندارىنىڭ ارداگەرلەرىنە قۇرمەت كورسەتىلدى. بۇل تۋرالى وبلىستىق پد ءباسپاسوز قىزمەتى حابارلادى.
بۇگىنگى تاڭدا وبلىس بويىنشا ىشكى ىستەر ورگاندارىنىڭ 3 مىڭعا جۋىق ارداگەرى بار. بۇل كۇنى ءىى دۇنيەجۇزىلىك سوعىس سۇراپىلىن كورگەندەر مەن تىل ەڭبەككەرلەرىنە جانە اۋعان سوعىسىنىڭ ارداگەرلەرىنە ايرىقشا كوڭىل ءبولىندى.
- ءبىز اعا ۇرپاقتىڭ ولشەۋسىز ەڭبەگى ءۇشىن العىس ايتامىز جانە ۇنەمى قولداۋ جاسايمىز. ولار ءبىزدىڭ تالىمگەرلەرىمىز, ءبىزدىڭ تىرەگىمىز, - دەپ اتاپ ءوتتى پوليتسيا دەپارتامەنتى باستىعىنىڭ ورىنباسارى ارداق ىنتىقباەۆ.
بۇل مەرەكەدە قوستاناي وبلىسى ارداگەرلەر كەڭەسىنىڭ توراعاسى امانگەلدى ومىرباەۆ تا قۇتتىقتاۋىن جەتكىزدى.
پوليتسيا پولكوۆنيگى ارداق ىنتىقباەۆ ارداگەر كەڭەسىنىڭ جۇمىسىنا قوسقان ۇلەسى مەن جاس پوليتسيا قىزمەتكەرلەرىن قازاقستاندىق پاتريوتيزم رۋحىندا تاربيەلەگەنى ءۇشىن بىرقاتار زەينەتكەرگە گراموتالار تابىس ەتتى.