رەسەيدىڭ استاناسىندا قىركۇيەك ايىنىڭ 24-27 جۇلدىزى اراسىندا وتە اۋقىمدى كۇزگى ازىق-ت ۇلىك كورمەسى ءوتتى. بۇل ءىرى شاراعا الەمنىڭ 65 ەلىنەن 1764 كومپانيا قاتىستى. ولاردىڭ اراسىندا «ميلح», «دەپ», «ليدەر 2010» ءسۇت زاۋىتتارى مەن «بايان سۇلۋ» كونديتەر فابريكاسى دا بولدى.
«كۇشتى باسەكەگە قاراماستان ءبىزدىڭ وبلىستان اپارعان ونىمدەر لايىقتى باعاسىن الدى. كورمە قورىتىندىسى بويىنشا «ميلح» جاۋاپكەرشىلىگى شەكتەۋلى سەرىكتەستىگى 4 التىن, 1 كۇمىس مەدال الدى. ال «بايان سۇلۋ» اق 3 كۇمىس مەدالمەن ماراپاتتالدى» دەيدى قوستاناي وبلىسى كاسىپكەرلەر پالاتاسى ديرەكتورىنىڭ ورىنباسارى گەننادي كۋكوبا.
«ميلح» كومپانياسى التىن مەدالدى «نوۆىي دەن» ساۋدا ماركاسىمەن ۇسىنعان ەكى ءتۇرلى «پلومبير» بالمۇزداقتارى, ۋلتراپاستەرلەنگەن ءسۇت جانە ء«داستۇرلى سارى ماي» ءۇشىن التىن الدى. ال كۇمىس مەدالگە «سليۆوچنىي» دەپ اتالاتىن بالقىتىلعان ىرىمشىك لايىق دەپ تابىلدى.
«بۇگىن وتە كوپ اتالىمى بار ءسۇت تاعامدارىنىڭ اراسىنان تۇتىنۋشى تابيعي ءدامى جانە پايدالى قاسيەتى بار ونىمگە عانا ماڭىز بەرەدى. ءبىز 100-دەن ارتىق اتالىممەن ءسۇت ونىمدەرىن وندىرەمىز. سونىڭ ارقايسىسى باعالى» دەيدى ءسۇت زاۋىتىنىڭ ديرەكتورى سەرگەي بلوك.
ءسۇت زاۋىتىندا بالمۇزداقتار الەمدىك برەند سانالاتىن جابدىقتار ارقىلى وندىرىلەدى, مەملەكەتتىك ستاندارتتار قاتاڭ ساقتالادى. كاسىپورىن ءونىمىنىڭ التىنعا باعالانعانى دا سوندىقتان. كاسىپورىن باسشىلىعى مەن ماماندارى ءىرى كورمەگە قاتىسقانىن اسا زور جەتىستىك ساناپ وتىر. بۇل زاۋىت ءونىمىن تانىتۋعا جاسالعان زور مۇمىندىك.
قوستاناي