ساعات 22:00 شاماسىندا سارىاعاش شەكارا وتريادىنا قاراستى «ىنتىماق» زاستاۆاسىنىڭ كەزەكشىسى دابىل كەشەنىنەن اۋماقتاردىڭ بىرىندە مەملەكەتتىك شەكارانىڭ بۇزىلعاندىعى تۋرالى بەلگى قابىلدادى. بۇل تۋرالى ۇقك شق ءباسپاسوز قىزمەتى حابارلادى.
لەزدە وقيعا ورنىنا اتتانعان دابىل توبى وزبەكستاننان ءبىزدىڭ ەلىمىزگە قاراي جاسىرىن وتپەك بولعان ەكى وزبەك ازاماتىن ادىم اتتاتپاي ۇستادى. ۇستالعاندار, سوزدەرىنە قاراعاندا, كۇنكورىس قامىمەن جۇمىس ىزدەۋگە شىققان ەكەن. قۇقىق قورعاۋ ورگاندارى تەكسەرىس جۇرگىزىپ جاتىر.
قورعاستىق شەكاراشىلار حالىقارالىق شەكارا بويى ىنتىماقتاستىعى ورتالىعىنان قايتىپ كەلە جاتقان 21 جاستاعى قازاقستان ازاماتىنان جالپى سالماعى 63 كگ قىتايدا شىعارىلعان ءدارى-دارمەك تاۋىپ, اكتىمەن التىنكول كەدەن بەكەتىنە تاپسىردى.
شونجى شەكارا وتريادىنىڭ «تەكەس» جانە كۇرشىم شەكارا وتريادىنىڭ «ورەل» شەكارا زاستاۆالارىنىڭ اۋماعىنان شەكاراشىلار جابايى قاراسورا القاپتارىن تاپتى.
ەكى جەردەن تابىلعان القاپتاردىڭ جالپى كولەمى 5 گەكتار. جەرگىلىكتى اتقارۋشى ورگاندار وكىلدەرىنىڭ قاتىسۋىمەن جويىلعان 9000 قۋرايعا جۋىق ەسىرتكى وسىمدىكتەرىنىڭ جالپى سالماعى 1,5 توننادان استام.