ەنەرگيا كاسىپورىندارىن جىلىتۋ ماۋسىمىنا دايىنداۋ جوندەۋ كەستەسىنە سايكەس جۇزەگە اسىرىلۋدا — ەنەرگەتيكا مينيسترلىگى

جالپى العاندا, قازاقستاننىڭ بىرىڭعاي ەلەكتر ەنەرگەتيكالىق جۇيەسى رەسەي فەدەراتسياسى مەن ورتالىق ازيا ەلدەرىنىڭ ەنەرگيا جۇيەلەرىمەن قاتار شتاتتىق رەجيمدە جۇمىس ىستەۋدە. اعىمداعى جىلدىڭ 19 قىركۇيەگىندەگى جاعدايعا سايكەس رەسپۋبليكا بويىنشا ەلەكتر ەنەرگياسىن تۇتىنۋ 73,1 ملرد كۆتس قۇرادى, بۇل وتكەن جىلدىڭ دەڭگەيىنەن 1,7%-عا ارتىق.

ەنەرگەتيكا ءمينيسترىنىڭ ءبىرىنشى ورىنباسارىنىڭ ايتۋىنشا, ەنەرگيا كاسىپورىندارىن كۇزگى-قىسقى كەزەڭگە دايىنداۋ بەكىتىلگەن جوندەۋ كەستەلەرىنە سايكەس جۇرگىزىلۋدە. 

«بۇگىندە 11-دەن 5 ەنەرگوبلوكتا جوندەۋ جۇرگىزىلدى, بۇل جىلدىق كولەمنىڭ 45%-ىن قۇرايدى, 63-تەن 40 قازاندىقتا, بۇل جىلدىق كولەمنىڭ 63%-ىن قۇرايدى جانە 46-دان 23 تۋربينادا جوندەۋ جۇمىستارى جۇرگىزىلدى, بۇل جىلدىق كولەمنىڭ 50%-ىن قۇرايدى. جوندەۋدىڭ ءارتۇرلى كەزەڭىندە 4 ەنەرگيا بلوگىندا, 28 قازاندا جانە 18 تۋربينادا جۇمىستار جۇرگىزىلۋدە», — دەدى م. دوسمۇحامبەتوۆ. 

ەلەكتر جەلىلەرى بويىنشا 21 مىڭ كم ەلەكتر بەرۋ جەلىلەرى مەن 1152 شاعىن ستانتسياعا جوندەۋ جۇرگىزىلدى, بۇل جىلدىق جوسپاردىڭ تيىسىنشە 84% جانە 92%-ىن قۇرايدى.

الداعى جىلىتۋ ماۋسىمىنا دايىندىق ءۇشىن ورتالىقتاندىرىلعان جىلۋمەن قامتۋ ايماعىندا 459 قازاندىقتىڭ 428 قازاندىعىنا جوندەۋ جۇرگىزىلدى, بۇل جىلدىق جوسپاردىڭ 93% قۇرايدى.

سونىمەن قاتار, م. دوسمۇحامبەتوۆ وتىنمەن قامتاماسىز ەتۋ جاعدايى تۋرالى ايتىپ بەردى. اعىمداعى جىلعى 19 قىركۇيەكتەگى جاعداي بويىنشا ەنەرگيا كوزدەرى قويمالارىندا كومىر قورى 4 ملن توننا كومىردى قۇرايدى, بۇل وتكەن جىلعى دەڭگەيدەن 15%-عا ارتىق جانە 101,9 مىڭ توننا مازۋت, بۇل وتكەن جىلعى كورسەتكىشتەن 23%-عا ارتىق.

ەنەرگەتيكا مينيسترلىگى قوسىلعان قۇن سالىعى ەسەبىمەن 100 مىڭ تەڭگە باعاسىمەن 277 مىڭ توننا كولەمىندە «الەۋمەتتىك» مازۋتتى جەتكىزۋ بويىنشا كەستەنى بەكىتىپ, وڭىرلەرگە جولدادى.

«مينيسترلىك ورتالىق جانە جەرگىلىكتى اتقارۋشى ورگاندارمەن بىرلەسىپ الداعى جىلىتۋ ماۋسىمىنىڭ تۇراقتى وتۋىنە دايىنداۋ بويىنشا تۇراقتى جۇمىس جۇرگىزۋدە. وڭىرلەر اكىمدىكتەرى ەنەرگيا كوزدەرىندە جوسپارلانعان بارلىق جوندەۋ جۇمىستارىن بەلگىلەنگەن مەرزىمدە اياقتاۋدى باقىلاۋعا الۋدى جانە ەنەرگيا كاسىپورىندارىنىڭ بار بەرەشەكتەرىن تولىق كولەمدە وتەۋدى قامتاماسىز ەتۋى قاجەت», — دەپ تۇيىندەدى م. دوسمۇحامبەتوۆ.

وڭىرلەردىڭ الداعى جىلىتۋ ماۋسىمىنا دايىندىعى تۋرالى باتىس قازاقستان وبلىسىنىڭ اكىمى ع. ەسقاليەۆ, اقتوبە وبلىسىنىڭ اكىمى و. ورازالين جانە نۇر-سۇلتان قالاسىنىڭ اكىمى ا. كولگىنوۆ باياندادى.  

ءوز كەزەگىندە قر پرەمەر-ءمينيسترىنىڭ ورىنباسارى رومان سكليار اكىمدىكتەر ينجەنەرلىك جانە الەۋمەتتىك ينفراقۇرىلىمنىڭ نىساندارىن جوندەۋ جۇمىستارىن اياقتاپ جاتقانىن اتاپ ءوتتى. تۇرعىن ءۇي-كوممۋنالدىق قاجەتتىلىكتەرگە جانە تۇرعىندارعا قاجەت كومىر مەن مازۋت قورىن دايىنداۋ جوسپارعا سايكەس جۇرگىزىلىپ جاتىر. ر. سكليار كەيبىر ءبىلىم بەرۋ, دەنساۋلىق ساقتاۋ مەكەمەلەرىنىڭ, سونداي-اق تۇرعىن ءۇي نىساندارىنىڭ كەستەدەن ارتتا قالۋىنا بايلانىستى ماسەلەلەردى شەشۋ قاجەتتىگىن اتاپ ءوتتى. بۇل ماسەلەلەر قر ۇكىمەتىنىڭ تۇراقتى باقىلاۋىنا الىنعان.