پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزىنىڭ باسشىسى داريعا نازارباەۆا قازاقستانداعى اپوستول ءنۋنتسيى فرەنسيس اسسيزي چۋلليكاتتى قابىلدادى, دەپ حابارلادى سەناتتىڭ ءباسپاسوز قىزمەتى.
––––––––––––––––––––––––––
پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزىنىڭ باسشىسى داريعا نازارباەۆا قازاقستانداعى اپوستول ءنۋنتسيى فرەنسيس اسسيزي چۋلليكاتتى قابىلدادى, دەپ حابارلادى سەناتتىڭ ءباسپاسوز قىزمەتى.
––––––––––––––––––––––––––
ۆاتيكان وكىلى بەيبىت ۇنقاتىسۋ ارقىلى دىندەر مەن مادەنيەتتەر اراسىنداعى كەلىسپەۋشىلىكتەردى ەڭسەرە وتىرىپ, جاھاندىق قاۋىپسىزدىكتى نىعايتۋداعى قازاقستاننىڭ قىزمەتىن جوعارى باعالادى. «الەمدىك جانە ءداستۇرلى دىندەر ليدەرلەرى سەزى قازىرگى زامانداعى وزەكتى ماسەلەلەر مەن قاۋىپ-قاتەرلەردى شەشۋدە ەرەكشە الاڭ بولىپ تابىلادى», دەپ اتاپ ءوتتى ول.
سەنات باسشىسى قازاقستان مەن ۆاتيكان اراسىنداعى سىندارلى ءىس-قيمىل تۋرالى ايتا كەلىپ, قازاقستان پونتيفيك كەلگەن ورتالىق ازياداعى العاشقى جانە جالعىز ەل بولعانىن اتاپ ءوتتى. 2001 جىلى استاناعا پاپا II يوانن پاۆەلدىڭ ساپارى ەلىمىز ءۇشىن ەرەكشە وقيعالاردىڭ ءبىرى بولدى. د.نازارباەۆا الەمدىك جانە ءداستۇرلى دىندەر ليدەرلەرىنىڭ VII سەزىنە دايىندىق بارىسىندا ۆاتيكانعا بارۋدى جوسپارلاپ وتىرعانىن ايتتى.
سەنات توراعاسى ۆاتيكانداعى پەدياتريالىق كلينيكا قىزمەتىنىڭ تابىستى تاجىريبەسىن اتاپ ءوتىپ, قازاقستاندىق بالالارعا مەديتسينالىق كومەك كورسەتۋ جانە دارىگەرلەردى وزىق تەحنولوگيالارعا وقىتۋدى قامتاماسىز ەتۋ ءۇشىن ۆاتيكان مەن قازاقستاننىڭ دەنساۋلىق ساقتاۋ مينيسترلىگى اراسىنداعى ىنتىماقتاستىقتى قالىپتاستىرۋدى ۇسىندى.
قازاقستانداعى اپوستول ءنۋنتسيى ۆاتيكاننىڭ ءدىني قىزمەتكەرلەرىن ۆيزامەن قامتاماسىز ەتۋ ماسەلەسىن كوتەردى. ولار جىل سايىن ۆيزانى ۇزارتۋعا ءماجبۇر بولادى ءارى ول ىڭعايسىزدىق تۋدىرىپ كەلەدى. سەنات باسشىسى اتالعان ماسەلەنى باقىلاۋىنا الدى. سىرتقى ىستەر مينيسترلىگىندە وسى باعىتتاعى جۇمىستار باستالعان بولاتىن, ەندى مەكەمەارالىق رەسىمدەردى رەتتەۋ قاجەت.
كەزدەسۋ اياسىندا كونفەسسياارالىق جانە وركەنيەتارالىق دامۋ جونىندەگى ن.نازارباەۆ ورتالىعىنىڭ بۇۇ ۇيىمدارىمەن ىنتىماقتاستىعىنىڭ كەلەشەگى تالقىلاندى.