قاراعاندى وبلىسىنىڭ تىلدەردى دامىتۋ جونىندەگى باسقارماسى 4 قازان كۇنى «رۋحاني جاڭعىرۋ» باعدارلاماسى اياسىندا قازاق پوەزياسىنىڭ الىبى, داۋىلپاز اقىن قاسىم امانجولوۆ اتىنداعى «دۇنيەگە كەلەر ءالى تالاي قاسىم» رەسپۋبليكالىق ءمۇشايراسىن وتكىزەدى. بۇل تۋرالى باسقارمانىڭ ءباسپاسوز قىزمەتى حابارلادى.
ءمۇشايرانىڭ ماقساتى: قاسىم امانجولوۆ مۇراسىن ناسيحاتتاي وتىرىپ, پوەزيانىڭ دامۋىنا ىقپال ەتۋ, جاس اقىنداردىڭ شىعارماشىلىعىنا قولداۋ كورسەتۋ جانە ەركىن ەلدىڭ كەنەن تاريحى مەن جارقىن جەتىستىكتەرىن قارا ولەڭنىڭ قۇدىرەتى ارقىلى دارىپتەۋ.
شارتتارى: - مۇشايراعا 18-40 جاس ارالىعىنداعى ۇمىتكەرلەر قاتىسا الادى; - قامتىلاتىن تاقىرىپتارىنا قاراي قاسىم امانجولوۆقا, ءابىش كەكىلباەۆقا ارناۋ جانە ەركىن تاقىرىپتا – بارلىعى 3 ولەڭ ۇسىنىلۋى ءتيىس; - ءار پوەزيالىق شىعارمانىڭ كولەمى 100 جولدان اسپاۋى كەرەك; - شىعارمالار ەلەكتروندىق نۇسقادا Microsoft Word فورماتىندا (14 كەگلدە (شريفت), جولاراسى 1 ينتەرۆال, Times New Roman قارپىمەن) جىبەرىلۋى قاجەت; - جيناقتاردا, مەرزىمدى باسىلىمداردا, سايتتاردا, الەۋمەتتىك جەلىلەردە جاريالانعان, باسقا بايقاۋلارعا ۇسىنىلعان جانە تالاپقا ساي كەلمەيتىن شىعارمالار قابىلدانبايدى; - قابىلدانعان شىعارمالارعا پىكىر بەرىلمەيدى; - قازىلار القاسىنىڭ ىرىكتەۋىنەن وتكەن ۇمىتكەرلەر قورىتىندى شاراعا قاتىسادى. ۇمىتكەرلەردىڭ شىعارمالارىن باعالاۋ كەزىندە: - ۇسىنىلعان شىعارمالار تاقىرىبىنىڭ بايقاۋ ماقساتىنا سايكەستىگىنە; - شىعارمانىڭ يدەيالىق مازمۇنىنا; - تۋىندىنىڭ كوركەمدىك ساپاسىنا; - اۆتوردىڭ ءسوز ساپتاۋ مانەرى, ستيلدىك ەرەكشەلىگىنە نازار اۋدارىلادى. بارلىق كەلىپ تۇسكەن شىعارمالاردى بايقاۋدىڭ قازىلار القاسى قاراپ, تالداۋ جاسايدى جانە باعالايدى.
ءمۇشايرانىڭ جۇلدە قورى: باس جۇلدە – 500 000 (بەس ءجۇز مىڭ) تەڭگە! ءمۇشايرانىڭ جەڭىمپازى مەن جۇلدەگەرلەرى ديپلومدار جانە اقشالاي سىيلىقتارمەن ماراپاتتالادى. مۇشايراعا قاتىسۋ ءۇشىن ۇمىتكەردىڭ تاپسىرىستارى (جەكە كۋالىگىنىڭ كوشىرمەسىمەن قوسا كەستەگە سايكەس اتى-ءجونى, جۇمىس نەمەسە وقۋ ورنى, بايلانىس تەلەفوندارى) جانە شىعارمالارى 13 قىركۇيەككە دەيىن mushayra.kasym@mail.ru ەلەكتروندى مەكەنجايى بويىنشا قابىلدانادى.
انىقتاما تەلەفونى: 8 (7212) 56-74-76, 8-778-355-21-80