سارسەنبى, 27 ناۋرىز 2013 2:15
زامانمەن بىرگە زاڭ دا جاڭارىپ وتىرادى. مۇنداي جاڭارۋلاردان, ارينە, ەلىمىزدىڭ باسقارۋ سالاسى دا شەت قالماۋى ءتيىس. ويتكەنى, مەملەكەتتىك ورگانداردىڭ ءتيىمدى جۇمىس ىستەۋى ەڭ الدىمەن حالىق ءۇشىن اۋاداي قاجەت. باسقارۋ سالاسىنداعى جاڭارۋ مەن جاڭعىرۋدىڭ ءمانى مەن ماڭىزى دا وسىندا.
مىسالى, «ا» كورپۋسىنا ءوتۋ ءۇشىن مەملەكەتتىك قىزمەتكەرلەردەن بۇدان بىلاي زاماناۋي تەرەڭ ءبىلىم, ومىرلىك باي تاجىريبە جانە زامان تالابىنا ساي ۇيىمداستىرۋشىلىق پەن ىسكەرلىك قابىلەت قاتاڭ تۇردە تالاپ ەتىلەتىنىن ەستىپ, باسقارۋ سالاسىندا دا سەڭ قوزعالعانىن بىلدىك.
سارسەنبى, 27 ناۋرىز 2013 2:15
زامانمەن بىرگە زاڭ دا جاڭارىپ وتىرادى. مۇنداي جاڭارۋلاردان, ارينە, ەلىمىزدىڭ باسقارۋ سالاسى دا شەت قالماۋى ءتيىس. ويتكەنى, مەملەكەتتىك ورگانداردىڭ ءتيىمدى جۇمىس ىستەۋى ەڭ الدىمەن حالىق ءۇشىن اۋاداي قاجەت. باسقارۋ سالاسىنداعى جاڭارۋ مەن جاڭعىرۋدىڭ ءمانى مەن ماڭىزى دا وسىندا.
مىسالى, «ا» كورپۋسىنا ءوتۋ ءۇشىن مەملەكەتتىك قىزمەتكەرلەردەن بۇدان بىلاي زاماناۋي تەرەڭ ءبىلىم, ومىرلىك باي تاجىريبە جانە زامان تالابىنا ساي ۇيىمداستىرۋشىلىق پەن ىسكەرلىك قابىلەت قاتاڭ تۇردە تالاپ ەتىلەتىنىن ەستىپ, باسقارۋ سالاسىندا دا سەڭ قوزعالعانىن بىلدىك. سەبەبى, بۇگىندە ەلىمىزدە 91 مىڭ مەملەكەتتىك قىزمەتشى بار ەكەن. بىراق سونىڭ ءبارى مەملەكەتتىك قىزمەتكەردەن سۇرالاتىن تالاپقا ساي ءتيىمدى جۇمىس ىستەپ ءجۇر مە؟ ءبىلىمى مەن بىلىگى كۇن سايىن جاڭارىپ جاتقان زاماننىڭ وسكەلەڭ ۇردىسىنە لايىق پا؟ جوق, ويتكەنى, ءبارى بىردەي مۇنداي جوعارى تالاپ دەڭگەيىنەن كورىنە المايدى.
كەيدە «اۋىل اكىمى» دەگەن قىزمەتكە كادر تاڭداعاندا «ۇمىتكەردىڭ» ءبىلىم-بىلىگى مەن مەملەكەتتىك ورگاندارداعى تاجىريبەسى بىلاي قالىپ, كەرىسىنشە, الگىنىڭ ورىسىندەگى مىڭعىرعان مالى مەن جىلجىمايتىن م ۇلىكتەرى «ءبىرىنشى ورىنعا» شىعىپ كەتەتىنى جاسىرىن ەمەس. مىسالى, اۋىلدا 100 جىلقى, 100 تۇيە جانە 500 قويى بار ءبىر ادام بولسا, «اۋىل اكىمى» دەگەن مەملەكەتتىك قىزمەتكە كادر ىزدەگەندەردىڭ تاڭداۋى بىردەن سوعان تۇسەتىنى تاعى شىندىق. ال ءبىلىمدى, بىلىكتى كادرلار, ءتىپتى, ورتاشا شارۋاسىن دوڭگەلەتىپ ۇستاپ وتىرسا دا, «اتتەڭ, توننىڭ كەلتەسى-اي» دەگەندەي, كوزىمەن جەر شۇقىپ قالا بەرەدى. سودان بارىپ, كەشەگى ماي قۇيۋشى نەمەسە ءبىر شارۋا قوجالىعىنىڭ يەسى اۋىلعا «اكىممىن» دەپ قامشىسىن ءۇيىرىپ شىعا كەلەدى.
وكىنىشكە قاراي, كەيىن ولاردىڭ جوعارى ءبىلىمى جوق ەكەنى نەمەسە ديپلومدى «ساتىپ» العانى انىقتالىپ, سان سوقتىرىپ جاتادى. مۇنى كورگەن جۇرت: «ە-ە, باياعى ۆلاديمير يليچ لەنيننىڭ «كەڭەس وداعىن كەز كەلگەن قىزمەتشى ايەل بيلەي الادى» دەگەن ءسوزىنىڭ كەرى كەلدى عوي», دەپ كۇلەدى. ايتپاقشى, سىبايلاس جەمقورلىققا, پاراقورلىققا جول بەرەتىندەر دە, ەلدىڭ الەۋەتى مەن مادەنيەتىن كوتەرۋگە جۇمىس ىستەۋدىڭ ورنىنا, شاعىن كاسىپكەرلەر مەن جەكە تۇرعىندارعا «جەر ساتۋمەن» شۇعىلداناتىندار دا تامىر-تانىستىق پەن دۇنيەنىڭ ارقاسىندا اكىم بولعاندار ەكەنى وتىرىك ەمەس.
ەندى, مىنە, «ا» كورپۋسىنا مەملەكەتتىك ورگاندار قىزمەتكەرلەرىنىڭ بىلىمدەرىن سارالاپ, بىلىكتەرىن ساراپتاپ قابىلداۋ تالابىن شەنەۋنىكتەر اراسىنداعى وسىنداي سوراقىلىقتاردىڭ الدىن الۋدىڭ قاتاڭ شاراسى دەپ قابىلداپ وتىرمىز. ويتكەنى, اۋىل, اۋدان, قالا اكىمدەرى, ياعني جەرگىلىكتى بيلىكتەگى مەملەكەتتىك قىزمەتكەرلەر ءبىز ءۇشىن ساۋاتسىزدىعىمەن, مادەنيەتىنىڭ تومەندىگىمەن جانە جەمقورلىعىمەن ەمەس, جان-جاقتى بىلىمدارلىعىمەن, جوعارى زيالىلىعىمەن جانە ىسكەر ۇيىمداستىرۋشىلىعىمەن ۇلگى بولۋعا ءتيىس.
فەدور كليمەنكو,
جامبىل وبلىستىق
«دنيپرو» ۋكراين ەتنومادەني
بىرلەستىگىنىڭ توراعاسى.