اۆياسپورت

بەيسەنبى, 17 قاڭتار 2013 7:27

ازىرگە ول جەكە ادامدار كۇشىمەن عانا ورىستەپ كەلەدى

مەن نۇرماحانبەت اعامەن كەز­دەيسوق تانىسىپ قالدىم. امبە­باپ قاسيەتتەرىن تانىعان سايىن ونىڭ ازاماتتىق تۇلعاسى دا كوز الدىمدا بيىكتەي بەردى…

… اۋىل ىرگەسىنە ەگىس القا­بى­نا حيميالىق تىڭايتقىش سەبەتىن ان-2 ۇشاعى كەلىپ قون­عاندا 5-6 جاسار ويىن بالاسىنىڭ جۇرەگى اتشا تۋلاپ, ەلەسكە بەرگىسىز كۇي كەشكەن. سول ساتتە وعان الدەبىر ىشكى تۇيسىك بۇكىل ءومىرىنىڭ ءدال وسى ءبىر اسپاندا عانا جۇرەتىن قاناتتى پى­راققا بايلاۋلى ەكەنىن سەزىندىر­گەن-اۋ, ءسىرا. ويتكەنى, ول 4-سىنىپتان باستاپ مەكتەپ جانىنان اشىل­عان شاعىن اۆيا مودەلدەر جاسايتىن ۇيىرمەگە جازىلدى.ءسوي­تىپ, ول ءوز قيالىنداعى ۇشاق­تاردى ءوزى قۇراپ, جاساۋدى ۇيرەندى. با­لا­لىق اۋەستىكتى بىرتە-بىرتە سانالى قىزىعۋشىلىق الماستىردى.

بەيسەنبى, 17 قاڭتار 2013 7:27

ازىرگە ول جەكە ادامدار كۇشىمەن عانا ورىستەپ كەلەدى

مەن نۇرماحانبەت اعامەن كەز­دەيسوق تانىسىپ قالدىم. امبە­باپ قاسيەتتەرىن تانىعان سايىن ونىڭ ازاماتتىق تۇلعاسى دا كوز الدىمدا بيىكتەي بەردى…

… اۋىل ىرگەسىنە ەگىس القا­بى­نا حيميالىق تىڭايتقىش سەبەتىن ان-2 ۇشاعى كەلىپ قون­عاندا 5-6 جاسار ويىن بالاسىنىڭ جۇرەگى اتشا تۋلاپ, ەلەسكە بەرگىسىز كۇي كەشكەن. سول ساتتە وعان الدەبىر ىشكى تۇيسىك بۇكىل ءومىرىنىڭ ءدال وسى ءبىر اسپاندا عانا جۇرەتىن قاناتتى پى­راققا بايلاۋلى ەكەنىن سەزىندىر­گەن-اۋ, ءسىرا. ويتكەنى, ول 4-سىنىپتان باستاپ مەكتەپ جانىنان اشىل­عان شاعىن اۆيا مودەلدەر جاسايتىن ۇيىرمەگە جازىلدى.ءسوي­تىپ, ول ءوز قيالىنداعى ۇشاق­تاردى ءوزى قۇراپ, جاساۋدى ۇيرەندى. با­لا­لىق اۋەستىكتى بىرتە-بىرتە سانالى قىزىعۋشىلىق الماستىردى.

وسىلاي بىرتە-بىرتە ونىڭ تىلە­گى سپورتتىق اۆياعا اۋا باستادى. الايدا, كەشەگى كەڭەستىك داۋىردە ورىستان باسقاعا ەسىگى جابىق اۆيا الەمىنە ەنۋ وڭايعا سوقپادى. مەك­تەپتى ۇزدىك بىتىرگەن نۇرما­حانبەت رەسەيدەگى كۆۆاۋل اۆياتسيا مەك­تەبىنە قاتارىنان ءتورت جىل ەمتيحان تاپسىرادى. العاش­قى ەمتيحان كەزىندە بولاشاعىم تەك ءوزىمنىڭ عانا ءبىلىمىم مەن بىلىگىمە بايلاۋلى دەپ سانايتىن تەمىردەي سەنىمگە سەلكەۋ تۇسىرەتىن جايتتاردىڭ دا كوپ ەكەنىن ءتۇسىن­دى. جىل سايىن ءتۇرلى «كەمشىلىك» تاۋىپ وتىراتىن كوميسسيا قۇرا­مىنداعى ساراپشىلاردى تالاپ­كەر­دىڭ العان بەتىنەن قايتپايتىن قايسارلىعى تاڭدان­دىردى. ولار­دىڭ اراسىندا ۇشاق ينجەنەرى, جوندەۋشى-مەحانيك م­ا­ماندىعىنا بارۋعا ۇگىتتەگەندەر دە, ال ۇش­قىش-سىناقشىلىققا تەك ءوز قا­ن­داستارى عانا الىناتىنىن ەمەۋ­رىنمەن بىلدىرگەن, كەيدە ءتىپتى اشىق ايتقاندار دا بولدى. ءتور­تىنشى جىل دەگەندە ولار «وتكىر كەز­دىكتىڭ قاپ تۇبىندە جاتپايتىنىن» ەرىكسىز مويىندادى. جىگەرلى جاستى جىل سايىن جەتەلەپ كەلىپ جۇرگەن بالالىق قيال ەمەس, جالىندى ءتى­لەك, شىنايى شەشىم ەكەنىن سەزىندى. ءسويتىپ, 1979 جىلى ول مياسنيكوۆ اتىنداعى كۆۆاۋل-عا (كاچينسك جوعارى اسكەري اۆياتسيا ۇشقىش­تارى ۋچيليششەسىنە) قابىلداندى.

اۋديتورياداعى وقۋىنان ءبو­لەك كۇندىز-ءتۇنى تىنىمسىز وتەتىن جات­تىعۋلاردىڭ بىردە-بىرىندە ول شار­شاعاندىق بايقاتپايتىن. توپ­­­­تاس­تارىنىڭ اراسىندا وق بويى وزىق جۇرەتىن بولاشاق ۇش­قىش-سىناق­شىنىڭ الدىنان كە­دەر­گى از كەز­دەسكەن­ جوق. بىراق, سونىڭ ەشبىرى دە ونىڭ بيىككە عانا ۇمتىلعان قيال قاناتىن كەرى سەرپە المادى. كەرىسىنشە, جانىعان سايىن وتكىر­لەنە تۇسەتىن الماس قانجار سەكىلدى قايرالىپ, قاي­راتتانا بەردى.

ەلگە ورالىپ, ءوزى سۇيگەن ما­مان­دىعىمەن قۇلشىنا اينالىسا باستاعان سوناۋ ءبىر جالىندى جىل­دارى كەڭەستەر وداعىنىڭ قا­ما­لىن قيراتقان زامانعا تاپ كەلدى. وداق تۇسىندا تەمىردەي تارتىپكە باعىنعان سالالار سەتى­نەپ, ىدىراپ, ۇستاعاننىڭ قولىن­دا, تىستە­گەن­نىڭ اۋزىندا كەتتى. قالتاسى قا­لىڭداردىڭ اسىعى الشىسىنان ءتۇسىپ, قالاعانىن قار­ماپ قالىپ جاتقاندا, ناعىز ماماندار تاسادا قالىپ قويدى. سو­نىڭ سالدارىنان ەلدەگى اۋە سپورتى سالاسى دا «قۇر­دىمعا كەتتى». بىراق, بويىنا دا­رى­عان اسقاق رۋح پەن جالىن­داعان جىگەر جولدا قالدىرمادى. بالا كۇننەن ساناسىنا سىڭگەن ادىلدىككە دەگەن سەنىم مەن بارلىق ويلا­رى­نىڭ ايتەۋىر ءبىر كۇنى ورىندالارىنا دەگەن ۇكىلى ءۇمىتى تالاي سىن ساتتەردە مەدەۋ بولدى. وعان قوسا ەلبا­­­­­سىنىڭ دا ءبىر كەزدەرى ۇشقىش بولۋدى ارمانداعانىن ەستىگەندە, ونىڭ تەك ەل يەسى رەتىندە عانا ەمەس, قولىندا بيلىگى بار ادام رەتىندە ءوزى ءومىر بويى اڭساعان سول اسقاق مۇراتقا قاراكوز قازاق با­لا­لارىنىڭ قولدارى جەتۋى ءۇشىن بار مۇمكىندىكتى جاسايتىنىنا سەندى.

1989 جىلى قازاقستاندا اۋە سپورتىنىڭ سوڭعى چەمپيوناتى وتكەن ەدى. ودان كەيىنگى ون بەس جىلدا جابۋلى قازان جابۋلى كۇيىندە قالدى. نۇرماحانبەت ءومىر اعىمىمەن ءارتۇرلى سالالاردا ءوز مۇمكىندىگىن سىناپ كوردى. بالا كۇننەن بويعا سىڭگەن بيىك جاۋاپ­كەر­شىلىك, باستاعان ءىسىن اياعىنا دە­يىن جەتكىزەتىن, دانا قازاق ايت­قان­داي, «جولىندا جۇك قالدىرماي­تىن نار» بولمىس ونى قاي سالادا دا ابىرويلى ەتتى, ەتكەن ەڭبەگىنىڭ ناتيجەسىن دە كوردى, جەمىسىن دە جەدى. ماسەلەن, ساۋلەتشى-ارحيتەك­تور ماماندىعىن العان ول رەس­پۋب­ليكالىق «وتاۋ» قۇرىلىس-جو­با­لاۋ ۇيىمىنىڭ ديرەكتورى بولىپ ەڭبەك ەتىپ ءجۇر. ونىڭ جوبالارى بويىنشا الماتىدا «التىن وردا» ساۋدا بازارى­نىڭ جانىنداعى «اپورت» ساۋدا كەشە­نى, «ZIEB­FART» ماشينا-تەحنيكا ساۋدا ءۇيى, «ەفەس» سىرا زاۋىتى, جاستاردىڭ شىعارماشىلىق ورتالىعى سالىندى. وڭتۇستىك اس­تانانىڭ ءسانىن كەلتىرىپ, سالتاناتىن ارتتىرعان ناۋاي كوشەسىن­دەگى, الاتاۋ بوك­تە­رىندەگى جانە «بايسەركە» ەلدى مە­كەنىندەگى كوتتەدج قالا­شىقتارىن­داعى تالاي تاڭعا­جا­يىپ تۇرعىن ۇيلەر دە نۇر­ما­حانبەتتىڭ تاڭداي قاقتىرار تالعا­مىنىڭ جە­مىسى. قازاقستا­ن­نىڭ وزگە دە قالالا­رىندا ساۋلەت­كەر نۇر­ما­حانبەت ءاب­دىراح­ما­نوۆ­تىڭ قيالى­نان تۋىپ, جۇرت­شى­لىقتىڭ يگىلى­گىنە اينالعان اسەم عيماراتتار از ەمەس. ماسەلەن, جاركەنتتەگى سۇلۋ عيمارات – «حان شاتىرى» قوناق ءۇيى, «رودنيك» قو­ناقجاي كەشەنى, لۋگوۆويداعى «الراي», «سۋكونىي كومبينات» تويحانالارى ەستە قا­لار­لىقتاي ساۋىق ورىندارىنا اينالدى.

ءبىر قاراعاندا, كەز كەلگەن ءساۋ­لەتشى ارماندايتىنداي جەتىستىك­تەردى مىسە تۇتۋعا بولاتىنداي كو­رى­نەدى. بىراق قولىنا قالام السا-اق بولدى, بالا ارمان مەنمۇن­دا­لاپ بوي كوتەرەدى. قالامى قايتا اينالىپ, سول ارماننىڭ جەتەگىنە ەرەدى. قاعاز بەتىنە اۋەجايدىڭ, اەروكلۋبتىڭ سىزبالارى قوناق­تاي باستايدى. تالعامپاز ساۋلەت­شىنىڭ دارىنى مەن ءوز ماقساتىنا جەتكىز­بەي تىنبايتىن تاباندى­لى­عى بايا­عى بالا ارماننىڭ بيىگىنە توعىس­تى. جاي توعىسپادى, الەمنىڭ ەڭ وزىق ەلدەرىندەگى مۇلدە جاڭا تۇر­­پاتتى قۇرىلىس كەشەندەرىنەن كەم تۇسپەيتىن, ءارى زاماناۋي, ءارى ۇلت­­­­تىق نەگىزدەگى اۋە كلۋبىنىڭ كوز قىزىقتىرار كەشە­نىن دۇنيەگە اكەل­­­­­­دى, اۆيا سپورت ۇشاقتارى قونا­تىن اۋەجايدىڭ وزگەگە ۇقساماي­تىن دارا جوباسىن تۋدىردى. اقىرى ول ءوزى سۇيگەن سالاعا قايتا ورالدى.

ەشكىمنىڭ كومەگىنە ەمەكسىگەن جوق. ءسويتىپ, 2004 جىلى اۋە سپورتى بويىنشا «ۇلان» كومانداسىن قۇردى. جوعارى پيلوتاج بويىنشا قازاق كسر-ءىنىڭ بۇرىن­عى قۇراما كومانداسىنىڭ مۇشە­­­­لە­رى, ەنتۋزياست-پيلوتاجدار ن.ءاب­­­­دى­­­راحمانوۆ, م.ت.مۇساەۆ, ا.ۆ.ما­مونتوۆتار تىزە بىرىكتىرىپ, ۇلتتىق كوماندا­نىڭ ىرگەتاسىن قالادى.

وسىناۋ قاۋىمداستىقتىڭ ءبىر­­­­­لىگى ناتيجەسىندە ياك-52 كلاستىق الەم چەمپيوناتى جاريالاندى. ال­عاشقى چەمپيونات 2008 جىلى تامىز ايىندا رەسەيدىڭ نوۆو­­سى­بىر قالاسىندا ءوتتى. بۇل جارىستا رەسەي ۇشقىشتارى توپ جاردى.

2009 جىلى ياك-52 كلاستىق الەم چەمپيوناتىنا قاتىسۋ­شى­لار ليتۆا ەلىنىڭ پانەۆەجيس قا­لاسى­نان 16 شاقىرىم جەردە ورنالاس­قان «رويۋ­ناي» جەكە مەن­شىك اەرودرومىندا توعىستى. بۇل شارا الەمدىك جو­عارى پيلوتاج فەدەراتسياسى مەن ليتۆانىڭ ۇلت­تىق اەروكلۋبىنىڭ «ادام-قۇس» اتتى قوعامدىق قوز­­عا­لىسىنىڭ قولدا­ۋى­مەن ۇيىمداس­تى­­رىلدى. «ادام-قۇس» قوزعالى­سى­­نىڭ نەگى­زىن قالاۋ­شى – ليتۆا­لىق ۇشقىش ۆيتاۋتاس لاپەناس. ونىڭ باستى ماقساتى الەمنىڭ ەڭ ۇزدىك جوعارى پيلو­تاج­دارىنىڭ باسىن بىرىكتى­رىپ, ءتاجى­ريبە الماسۋ, ەليتالىق اۆيا سپور­تىنىڭ ادامزات قوعا­مىنداعى ءمار­تەبەسىن كوتەرۋ بولدى. بۇل چەم­پيوناتقا الەمنىڭ ەڭ تاڭداۋلى 23 ۇشقىشى قاتىستى. ولاردىڭ ءىشىن­دە بەلگيا, ليتۆا, رەسەي, ۋكراينا, فينليانديا, ەس­تو­نيا ەلدەرى­مەن بىرگە قازاقستان ۇشقىشتارى دا بار ەدى.

ياك-52 – وقۋ-جاتتىعۋلارى ءۇشىن ارنايى جاسالعان سپورتتىق مونوپلاندى ۇشاق. ول ۇشقىش­تاردى ۇيرەتۋگە جانە شىنىقتى­رۋعا ار­نالعاندىقتان ەكى كابينالى بولىپ كەلەدى. الدىڭعى كابينادا ۇيرە­نۋشى, ال ارتقى كابينادا شەبەر­لىككە ۇيرەتەتىن كەڭەسشى-ۇشقىش وتىرادى. ۇشاقتىڭ كۇشى – 360 اتتىڭ قۋاتىنا تەڭ, ال جىلدام­دىعى ساعاتىنا 360-400 شاقىرىم. قاناتتارى تومەن ور­نا­­لاسقان, اۋەگە كوتەرىلگەندە ءۇش دوڭعالاعى بىردەي جينالاتىن بۇل ۇشاقتا ونەر كورسەتۋ ۇلكەن سىن.

ليتۆادا وتكەن وسى جارىستا بۇرىنعى كەڭەس وداعى قۇرامىن­داعى ەلدەردەن كەلگەن ۇشقىشتار كوش باستادى. ماسەلەن, 1 جانە 3 ور­­ىندى رەسەيدىڭ, 2-ورىندى ليت­ۆانىڭ يەمدەنۋى زاڭدى دا ەدى. قىزىعا دا, قىزعانا دا قارايتىن قۇبىلىس بۇل. بارىن باعالاي الاتىن ەل باردا, سۇيەيتىن قۋاتتى كۇش بار جەردە سۇيىنۋگە تۇرارلىق جەڭىسكە قول جەتكىزۋ مۇمكىندىگى ارتا تۇسەرى حاق.

سوناۋ ءبىر زامانداردا ۇلى شوقان ءۋاليحانوۆ قازاق بالاسى­نىڭ قيالعا جۇيرىك بولۋىنىڭ ءبىر سەبەبى, ونىڭ دالادا تۋىپ, كوك اسپانعا كوز تىگىپ ەرجەتۋىنەن دەپ كورسەتەدى. ەندەشە, ءوزىنىڭ ۇلتتىق بولمىسىنا ءتان وسى قاسيەتتەر بۇگىنگى جاس تۇلەكتەر ءۇشىن دە جات ەمەس دەگەن وي وعان كۇندىز-ءتۇنى مازا بەرمەدى. بار ويى كەشەگى ءوزى سەكىلدى اسپاندى اڭسايتىن بالا كوڭىلدەرگە دەمەۋ جاساپ, ولاردىڭ ءوز ەلىندە اۆياتسيالىق ءبىلىم الىپ, كوككە قانات قاعۋىنا قايتسەم كومەكتەسەم دەگەنگە اۋدى. ءبىزدىڭ ەلىمىزدەگى كەڭەستىك كەزەڭنىڭ ءوزىن­دە الەمدى دۇرىلدەتكەن ءدۇلدۇل­دەردىڭ باسىن قوسىپ, ءومىر ءتاجى­ريبەلەرى مەن بىلىكتەرىن جاستارعا امانات ەتىپ قالدىرۋىنا جاعداي جاساۋ­دىڭ جولىن قاراستىردى. بىراق, قازاقتىڭ كەڭ جازيرا دالاسىنان ۇلتتىڭ كەلەشەگى ءۇشىن ۇلت­­اراقتاي جەر الا الماي پۇ­شايمان كۇيگە ءتۇسىپ جۇرگەن جايى بار.

قازاقستاننىڭ ارداگەر ۇش­قىش-نۇسقاۋشىلارى ۇكىمەت تاراپىنان ن.ءابدىراحمانوۆتىڭ ءوز قولىمەن دايىنداعان اۋەجايى مەن اەروكلۋب كەشەنىن سالۋعا, وندا ارنايى ءبىلىم بەرۋگە قاجەتتى قارجى ءبولىن­سە, ولار دا ءوز كۇشى مەن ءتاجىري­بە­لەرىن جاس بۋىنعا بەرۋدەن ايانباي­تىن­دىقتارىن ايتادى. جوعارى پيلوتاجدان حا­لىق­ارالىق جارىس­تار­عا قاتىسا­تىن جاس بۋىندى وقى­تىپ, ءتار­بيەلەيتىن ارنايى قۇرى­لىس كە­شەنىنىڭ (وقۋ-جاتتىعۋ كورپۋستارى, باسسەيندەرى, ۇشۋ-قونۋ الاڭ­دارى, اشىق مۇراجايى, ۇشاق تۇراقتارى, قوناقۇيلەرى مەن دەمالىس جايلارى كىرەتىن كامپۋس­تىڭ) سىزبا-نۇسقاسى دايىن تۇر. لاۋازىمدى ورىندارعا جولداعان ءوتى­نىش­تەرى قۇرعاق ءسوز ەمەس, الىمدى وي, بەرىك شەشىمدەرگە, ناقتى ۇسى­نىستارعا نەگىزدەلگەن. نۇرما­حان­بەت سىندى بىلىكتى مامان بولاشاق ۇشقىش­تاردى تاربيە­لەيتىن اەرو­مەكتەپتىڭ وقۋ جۇيە­سىن عانا ەمەس, ونىڭ بۇكىل بازا­لىق اۋماعىن, قۇرىلىس كەشەنىن, وندا ورنالاسۋى ءتيىس عيماراتتار مەن الاڭ­­داردى ناقتى جوسپارلادى, ەڭ باستىسى, ولاردىڭ ءبارىنىڭ جوبالارىن ءوزى جاسادى. ءناتي­جەسىندە «ۇلان» دەپ اتالاتىن اۋەجايى بار ءبىلىم كەشە­نىنىڭ جوباسى دۇنيەگە كەلدى. فينليانديا مەن گەرما­نيانىڭ ۇشاقتا­رىن ءوزى بارىپ قازاقستانعا الىپ كەلدى. ۇشاق قۇرىلىسىن تۇبەگەيلى جە­تىل­دىردى. ونىڭ بۇل ارەكەتى الەم­دەگى ءوز ارىپتەستەرىن تاڭ قالدىر­دى. ەندى اەروكلۋب كەشەنىنىڭ سالىنۋىنا قاجەتتى جەر تەلىمى الماتى وبلىسىنىڭ جامبىل اۋدانى اۋماعىنان بولىنسە دەپ ارماندايدى. جوعارى پيلوتاج بويىنشا قازاقستاندا حالىقارالىق دەڭگەي­دەگى چەمپيونات وتكىزىلەتىن كۇن تۋسا, قازاق اۆيا سپورتىنىڭ جاس تول­قىنىن تاربيەلەۋ ءۇشىن اۆيا-شوۋلار, اۆياتسيالىق مەرەكەلەر جۇيەلى تۇردە وتكىزىلىپ وتىرسا, دەگەن تىلەكتەرى تىڭدايتىن قۇلاققا جەتەدى دەپ سەنەدى.

ارداگەر ۇشقىشتار 20 جىل بۇ­­رىن عانا تۋىن تىككەن تاۋەلسىز ەل­­­­دىڭ, قازاقستاننىڭ, بولاشاق اۋە كلۋبىن قۇرۋعا قاتىستى ءبىر­قاتار ماسەلەلەردى مەملەكەتتىڭ قولدا­­ۋى­­مەن وڭ شەشىپ الساق دەپ ارماندايدى. وعان ءوز بويلارىن­داعى رۋح پەن جىگەردىڭ جەتەتىنىنە سەنىمدى.

ايتقانداي, رۋح دەمەكشى, قيىن­دىققا مويىتپاي العا جەتەلەپ كەلە جاتقان ءوز ىسىنە دەگەن شەكسىز ماحاببات ءدال بۇگىنگى كۇنگى جاسقا دا, جاسامىسقا دا وي سا­لارلىقتاي ەرلىككە بارابار ىسكە سەبەپ بولىپ ەدى. جەكەمەنشىك اەروكلۋبتىڭ مۇشەسى بولا تۇرىپ, نۇرماحانبەت باستاعان توپ الەم چەمپيوناتىنا قاتىستى. كەمەڭ­گەر جۇرتىمىزدىڭ «سۇڭقار جەمىن شاشىپ جەيدى, قۇزعىن استىنا باسىپ جەيدى» دەيتىن كورەگەن ءتۇيىنى بار ەمەس پە؟! چەمپيوناتقا بارۋ­عا جۇم­سالعان بارلىق شىعىنىن ءوزى كوتەرىپ نۇرماحانبەتتىڭ بۇل قادا­مى وسى ءبىر اتالى ءسوزدىڭ ايقىن دالەلى ەدى. جارىستا ۇلت­تىق كو­مان­د­انىڭ ابىرويى اسپاندادى. ليتۆادا وتكەن 2008 جىلعى الەم چەمپيوناتىندا ولار تەك قازاقتىڭ عانا ەمەس, تۇتاس ازيا قۇرلىعىنان قاتىسقان جالعىز كوماندا رەتىندە بۇكىل ازيالىق­تار­دىڭ تۋىن كوتەر­دى. الەم ۇزدىكتەرى قاتارىندا ولار ءتورتىنشى ورىندى يەمدەندى, ال قۇراما كومانداداعى جالعىز قازاق تا, سول كوماندانىڭ باسشىسى دا نۇرماحانبەتتىڭ ءوزى بولدى.

«ۇلان» كومانداسى ءوزى قۇرىل­عان­نان بەرگى جىلدار ارالىعىندا ءار­تۇرلى دەڭگەيدەگى حالىقارالىق جا­­­­رىستارعا قاتىستى. ىشىندە 1 التى­نى دا بار 9 ءتۇرلى مەدالعا يە بولدى. ولاردىڭ كاسىبي دەڭگە­يىن عاى – اۆيا­تسيالىق سپورت تۇرلەرى­نىڭ حا­­لىق­­ارالىق فەدەراتسياسى مويىندادى.

«ۇلانعا» اراسىندا ازامات­تىق اۆياتسيا كوميتەتى, قازاقستان رەس­پۋبليكاسى كولىك جانە كوممۋنيكاتسيا مينيسترلىگى, «وتان» قو­عامدىق ۇيىمى تاراپىنان ءبىر­شاما قولداۋ كورسەتىلدى. پيلو­تاجداردىڭ سپورت­تىق جانە وقۋ-سپورتتىق پورشەندى ۇشاقتارعا ارنالعان جەكە مەنشىك پاركى دە بار. بىراق, بۇل الەمدىك وركەنيەت­تى مەجەگە بەت العان قا­زاقستان ءۇشىن جەتكىلىكسىز. ويتكەنى, ءتاجى­ري­بەلى ۇشقىش-نۇسقاۋشىلار ءوز تىلەكتە­رىن عانا كوكسەپ, ۇشۋ با­قىتىن سەزىنسەك بولدى دەگەننەن اۋلاق. ولاردىڭ باستى ماقساتى – جيعان تاجىريبەلەرىن جاس ۇرپاققا اماناتتاپ, وزدەرىنىڭ سوڭىندا ەل نامىسىن قورعايتىن جاس قىران­دار­دى باۋليتىن, ۇشۋدىڭ قىر-سى­رى­نا ۇيرەتەتىن جول قالسا دەيدى. وزدەرى سەكىلدى بالا كۇننەن كوككە ۇشۋدى كوكسەيتىن جاڭا زامان بالالارىنىڭ ارمانى اياقسىز قال­ماسا دەپ الاڭدايدى.

نۇرماحانبەت ىدىرىس ۇلى ءابدى­ر­احمانوۆ – بۇگىندە اۆياتسيا سپورتىنان الەمنىڭ ەڭ ۇزدىك ماماندارى مويىنداعان, باعالاعان تانىمال تۇلعا. ول – «ادام-قۇس» توسبەلگىسىنىڭ, «الەمدىك چەمپيو­نات­تىڭ قاتىسۋشىسى» جانە ت.ب. مەدالداردىڭ يەگەرى. عاى – اۆيا­­تسيالىق سپورت تۇرلەرىنىڭ حا­لىق­ارالىق فەدەراتسياسىنىڭ پرە­زي­­دەنتى نيكە حويەر نۇرەكەڭدى «قا­ناتتى ادام» دەپ باعالاپتى. ليتۆالىق كازيس انتاناۆيكۋس پەن ەلتوناس مەلەكسيس «كوك قى­رانى» دەسە, ۋكرايندىق شەبەر يۆان بي­لاستىڭ پىكىرىنشە, «نۇر­ما­حانبەت­تىڭ ۇشاعىنىڭ ۆينتتەرى دە ءوزىن­­­دەي شەبەر». ال, اەرو­كلۋ­بىنىڭ پرەزي­د­ەنتى مالتتي مەك­لينننىڭ نۇرە­كەڭ تالانتىنا عانا ەمەس, حالقىنا قىزمەت ەتسەم دەگەن قا­­­سيەتىنە باس ءيىپ, «ءوز ەلىڭنىڭ باعى­سىڭ» دەگەنى دە وي سالارلىق ءسوز.

ەلباسى نۇرسۇلتان نازارباەۆ­تىڭ «قازاقستان – 2050» ستراتە­گيالىق باعدارلاماسىندا ايقىن­دال­عان ەلىمىزدىڭ دامۋ جولىندا وتاندىق اۆياتسيا سالالارىنىڭ دا الار ورنى بولەك. ەندەشە, الەم بيىگىنە توقتار, تالعات سىندى الىپتاردى, نۇرماحانبەت سەكىلدى دارىنداردى ۇشىرعان قازاق جۇرتىنىڭ بولاشاعىن ارى قاراي جالعايتىن, جاسامپاز كەلەشەگىنە سەنىممەن قارايتىن, وعان بار مۇمكىندىكتى جاسايتىن دارەجەگە جەتكەنىن بۇگىندە الەمگە مويىن­­­­داتقان قازاقستاننىڭ ەندىگى جەردە ەليتالىق اۆياتسيا سپورتى سىندى ۇلكەن سالاسىنىڭ دا جاندانار كۇنى الىس ەمەس دەگەن ويدامىز…

قايرات راەۆ,

فيلولوگيا عىلىمدارىنىڭ كانديداتى,

قازاقستان جۋرناليستەر وداعىنىڭ مۇشەسى.