سەيسەنبى, 11 ماۋسىم 2013 2:11
الماتىدا حالىقتىڭ قونىستانۋى جانە دامۋى جونىندەگى ازيا پارلامەنتشىلەرىنىڭ جاستار ساياساتى بويىنشا حالىقارالىق كونفەرەنتسياسى بولىپ ءوتتى.
ەلىمىزدە وتكىزىلىپ وتىرعان پارلامەنتشىلەردىڭ اۋقىمدى فورۋمى مەملەكەتتەر اراسىنداعى ساياساتتىڭ قالىپتاسقانىن, پارلامەنتاريزم ءرولىنىڭ نىعايىپ كەلە جاتقانىن ايعاقتايدى. ساياسي-ەكونوميكالىق جانە مادەني قاتىناستارى بەكىگەن كورشىلەس, تاعدىرلاس ەلدەر مەن حالىقارالىق ۇيىمدار ءبىرلەسىپ جاستار ماسەلەسىنىڭ شەشىمىن ءىزدەۋدە پارلامەنتشىلەردىڭ تىعىز ىقپالداستىعى مەن بەلسەندى ۇنقاتىسۋى كەز كەلگەن كەدەرگىلەردى جويىپ, ورتاق ىستە ۇلكەن جەتىستىكتەرگە جەتەلەيتىنى بەلگىلى.
سەيسەنبى, 11 ماۋسىم 2013 2:11
الماتىدا حالىقتىڭ قونىستانۋى جانە دامۋى جونىندەگى ازيا پارلامەنتشىلەرىنىڭ جاستار ساياساتى بويىنشا حالىقارالىق كونفەرەنتسياسى بولىپ ءوتتى.
ەلىمىزدە وتكىزىلىپ وتىرعان پارلامەنتشىلەردىڭ اۋقىمدى فورۋمى مەملەكەتتەر اراسىنداعى ساياساتتىڭ قالىپتاسقانىن, پارلامەنتاريزم ءرولىنىڭ نىعايىپ كەلە جاتقانىن ايعاقتايدى. ساياسي-ەكونوميكالىق جانە مادەني قاتىناستارى بەكىگەن كورشىلەس, تاعدىرلاس ەلدەر مەن حالىقارالىق ۇيىمدار ءبىرلەسىپ جاستار ماسەلەسىنىڭ شەشىمىن ءىزدەۋدە پارلامەنتشىلەردىڭ تىعىز ىقپالداستىعى مەن بەلسەندى ۇنقاتىسۋى كەز كەلگەن كەدەرگىلەردى جويىپ, ورتاق ىستە ۇلكەن جەتىستىكتەرگە جەتەلەيتىنى بەلگىلى.
قازاقستان پارلامەنتى ۇيىمداستىرعان بۇل باسقوسۋعا جاپونيانىڭ قازاقستانداعى توتەنشە جانە وكىلەتتى ەلشىسى يۋزو حارادا, بۇۇ قورى وكىلدىگىنىڭ ورتالىق ازيا تۇرعىندارى بويىنشا ايماقتىق وكىلدىگىنىڭ ديرەكتورى نيكولاي بوتەۆ, حالىقتىڭ قونىستانۋى مەن دامۋى جونىندەگى ازيا پارلامەنتشىلەرى فورۋمىنىڭ (حقداپف) اتقارۋشى ديرەكتورى رامون سان پاسكۋال, اۆستراليا پارلامەنتىنىڭ دەپۋتاتى, حقداپف كەڭەسشىسى دجون حايد, بۇۇ جانىنداعى ايەلدەر كەڭەسىنىڭ شىعىس ەۋروپا جانە ورتالىق ازيا ەلدەرى بويىنشا ايماقتىق باعىتتاۋشى-ديرەكتورى داميرا سارتباەۆا سەكىلدى قۇرمەتتى قوناقتار قاتىسىپ, وتىرىستى قازاقستان پارلامەنتى ءماجىلىسىنىڭ دەپۋتاتى, حقداپف ۆيتسە-سپيكەرى ايتكۇل ساماقوۆا جۇرگىزىپ وتىردى. ەكى كۇنگە سوزىلعان كەلەلى كەڭەستە جوعارىدا اتالعان مارتەبەلى قوناقتارمەن قاتار, قازاقستان پارلامەنتى ءماجىلىسى ءتوراعاسىنىڭ ورىنباسارى قابيبوللا جاقىپوۆ باستاعان بىرقاتار دەپۋتاتتار فورۋمنىڭ اشىلۋ سالتاناتىندا ءسوز سويلەپ, ءبىلىم جانە عىلىم ءمينيسترىنىڭ ورىنباسارى مۇرات ابەنوۆ جاستار ماسەلەسى تاقىرىبىنا بايانداما جاسادى.ەلىمىزدىڭ جاستار ساياساتى مەملەكەتتىك باسىمدىقتى ارتتىرۋ شاراسى رەتىندە جاستاردىڭ ءومىرىن تابىستى ەتۋ ماقساتىندا الەۋمەتتىك-ەكونوميكالىق, ۇيىمداستىرۋشىلىق جاعدايلاردى جەتىلدىرۋگە باعىتتالعان. جاستار ساياساتىنىڭ باسىمدىقتارى قازاقستان پرەزيدەنتى نۇرسۇلتان نازارباەۆتىڭ «قازاقستان-2050» ستراتەگياسىنىڭ نەگىزگى ماقساتتارىنىڭ ءبىرى بولىپ تابىلادى.ستاتيستيكا اگەنتتىگىنىڭ الدىن الا جاساعان دەرەكتەرى بويىنشا 2013 جىلدىڭ باسىندا ەلىمىزدەگى جاستاردىڭ جالپى سانى (14-29 جاس ارالىعى) 4 656 647 ادامدى نەمەسە جالپى حالىق سانىنىڭ 27,5 پايىزىن قۇرايدى. ءوڭىر بويىنشا جاستاردىڭ ەڭ كوپ شوعىرلانعان جەرى وڭتۇستىك قازاقستان, الماتى, شىعىس قازاقستان, قاراعاندى وبلىستارى مەن الماتى قالاسى.مەملەكەت باسشىسى ن.نازارباەۆتىڭ تاپسىرماسىمەن «جاستار» عىلىمي-زەرتتەۋ ورتالىعى قۇرىلىپ, ناتيجەسىندە ەل ۇكىمەتىنىڭ قاۋلىسىمەن «قازاقستان-2020: بولاشاققا جول» اتتى ەلىمىزدىڭ مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسى قابىلدانعان. وسى ورايدا جاستاردى جۇمىسقا ورنالاستىرۋ جانە باسپانامەن قامتۋ ماقساتىندا «جۇمىسپەن قامتۋ-2020», «جاسىل ەل», «ديپلوممەن – اۋىلعا!», «جاستار پراكتيكاسى» جوبالارى جۇزەگە اسىپ جاتىر.حالىقتىڭ قونىستانۋى مەن دامۋى ءجونىندەگى ازيا پارلامەنتشىلەرى فورۋمىنىڭ جاستار ساياساتى جونىندەگى الماتى كەزدەسۋىندە شىعىس ەۋروپا مەن ورتالىق ازيا جاستارىنىڭ ءماسەلەسىمەن قاتار, قازاقستان جەرىندەگى جاس ۇرپاقتىڭ بۇگىنگى كەزدەسىپ وتىرعان پروبلەمالارى دا ناقتى ءسوز بولدى. «كاير باعدارلاماسىن قولعا العالى قانشا ىلگەرىلەدىك جانە جاستارعا قاتىستى اتقارىلماعان قانداي ءىس قالدى؟», «ورتالىق ازيا جاستارىنىڭ بولاشاعى قانداي بولعانىن قالايمىز؟», «2015 جىلدان كەيىنگى جاڭا ءداۋىر دامۋىنىڭ بولاشاعى قانداي؟» دەگەن سەكىلدى ساۋالداردى العا تارتىپ, وسى سۇراقتاردىڭ شەشۋىن ىزدەگەن كەلەلى كەڭەستە نەگىزىنەن بۇگىنگى جاس ۇرپاقتىڭ دەنساۋلىعى, باسپاناسى مەن ءبىلىمى, جۇمىسقا قامتىلۋى سەكىلدى ماسەلەلەر تەرەڭ قاۋزالدى.الىس-جاقىن شەت ەلدەردەن كەلگەن پارلامەنتشىلەر مەن حالىقارالىق ۇيىم وكىلدەرى قاسكەلەڭ قالاسىندا ورنالاسقان س.دەميرەل اتىنداعى ءبىلىم ورداسىندا بولىپ, جاستارمەن كەزدەستى. ءبىلىم ورداسىنا شەتەلدىك قوناقتاردى باستاپ كەلگەن پارلامەنت ءماجىلىسىنىڭ دەپۋتاتتارى ەلىمىزدە 2008 جىلدان بەرى قازاقستان پرەزيدەنتى جانىندا جاستار ساياساتى جونىندەگى كەڭەس جۇمىس جاسايتىنىن, ەلباسى ۇكىمەتكە جاستار باستاماسى قورىن قۇرۋعا تاپسىرما بەرىپ, بارلىق مينيسترلىكتەر مەن اكىمدىكتەرگە, مەكەمەلەرگە وزدەرىنىڭ ستراتەگيالىق جوسپارلارىنا جاستارمەن تىعىز جۇمىس ىستەۋ ولشەمدەرىن ەنگىزۋ ۇسىنىلعانىن جەتكىزدى.قانات ەسكەندىر,«ەگەمەن قازاقستان».الماتى.––––––––––––––––––––سۋرەتتى تۇسىرگەنايتجان مىرزانوۆ.