سەيسەنبى, 11 ماۋسىم 2013 2:08
قوستانايدا اسكەري-پاتريوتتىق كلۋبتاردىڭ «جاس پاتريوت-2013» رەسپۋبليكالىق سلەتى جەتىنشى رەت ءوتتى.
وتانىمىزدىڭ تىنىشتىعىن قورعاۋ ءۇشىن الدىمەن جاس ۇرپاقتىڭ بويىندا ەلگە, جەرگە دەگەن پاتريوتتىق سەزىمدى قالىپتاستىرۋ قاجەت. سول ءۇشىن ەلىمىزدىڭ بارلىق وڭىرلەرىندە بالالاردىڭ اسكەري-پاتريوتتىق كلۋبتارى جۇمىس ىستەيدى. قوستاناي وبلىستىق جاستار ساياساتى باسقارماسىنىڭ تاپسىرىسىمەن بالالار مەن جاستار ۇيىمدارىنىڭ قاۋىمداستىعى ۇيىمداستىرعان سلەتكە بۇل جولى سەمەي قالاسى مەن سولتۇستىك قازاقستان وبلىسىنان دا اسكەري-پاتريوتتىق كلۋبتار كەلدى.
سەيسەنبى, 11 ماۋسىم 2013 2:08
قوستانايدا اسكەري-پاتريوتتىق كلۋبتاردىڭ «جاس پاتريوت-2013» رەسپۋبليكالىق سلەتى جەتىنشى رەت ءوتتى.
وتانىمىزدىڭ تىنىشتىعىن قورعاۋ ءۇشىن الدىمەن جاس ۇرپاقتىڭ بويىندا ەلگە, جەرگە دەگەن پاتريوتتىق سەزىمدى قالىپتاستىرۋ قاجەت. سول ءۇشىن ەلىمىزدىڭ بارلىق وڭىرلەرىندە بالالاردىڭ اسكەري-پاتريوتتىق كلۋبتارى جۇمىس ىستەيدى. قوستاناي وبلىستىق جاستار ساياساتى باسقارماسىنىڭ تاپسىرىسىمەن بالالار مەن جاستار ۇيىمدارىنىڭ قاۋىمداستىعى ۇيىمداستىرعان سلەتكە بۇل جولى سەمەي قالاسى مەن سولتۇستىك قازاقستان وبلىسىنان دا اسكەري-پاتريوتتىق كلۋبتار كەلدى.
– سلەتتىڭ قاسيەتتى جەڭىس پاركىندە باستالۋىنىڭ ماڭىزى ەرەكشە. ۇلى وتان سوعىسىندا قوستاناي وڭىرىنەن 31 كەڭەس وداعىنىڭ باتىرى, 9 جاۋىنگەرلىك «داڭق» وردەنىنىڭ تولىق يەگەرى شىقتى. ولار وتانى ءۇشىن جاۋ وعىنا كەۋدەسىن توستى, قاسىق قانى قالعانشا جاۋمەن الىستى, ءسويتىپ جەڭىستى جاقىنداتتى. سەندەر سونداي باتىرلاردىڭ ۇرپاعىسىڭدار! اعا ۇرپاق ەرلىگى سەندەرگە ۇلگى بولسىن! ءبىزدىڭ كەڭ بايتاق وتانىمىزدى قورعايتىن, ونىڭ تىنىشتىعىن كۇزەتەتىن سەندەر بولاسىڭدار. وتاندى سۇيىڭدەر, ونى قورعاۋعا ارقاشاندا دايىن بولىڭدار! – دەدى سلەتتە ۇلى وتان سوعىسىنىڭ ارداگەرى, قوستاناي قالالىق ارداگەرلەر كەڭەسىنىڭ توراعاسى ميحايل پودولياكوۆ.وتاندى قورعاۋشىلار ەڭ الدىمەن شىمىر بولۋلارى جانە اسكەري جاتتىعۋلاردى شەبەر يگەرە بىلۋلەرى كەرەك. ەكى كۇنگە سوزىلعان سلەتتىڭ بارلىق شارالارى ىشكى ىستەر مينيسترلىگىنىڭ قوستاناي قالاسى ىرگەسىندەگى №66/97 ىشكى ىستەر اسكەري ءبولىمىنىڭ اسكەري پوليگونىندا ءوتتى. 2007 جىلدان بەرى وتكىزىلىپ كەلە جاتقان اسكەري-پاتريوتتىق كلۋبتاردىڭ وبلىستىق, رەسپۋبليكالىق سلەتتەرى بالالاردى شىڭداي تۇسۋمەن بىرگە, ولارعا اسكەري ءومىردىڭ مادەنيەتىن ۇيرەتىپ, قىر-سىرىنان اقپاراتتاندىرادى.– رەسپۋبليكالىق سلەتتىڭ ەڭ ءبىرىنشى ارتىقشىلىعى – بالالار بىرىمەن ءبىرى ارالاسادى, دوستاسادى. جارىستا ءار ۆزۆود جەڭىسكە بىرىگىپ ۇمتىلادى. وسىنداي شارالاردا تانىسىپ, دوستاسۋدىڭ بالالاردىڭ بولاشاعى ءۇشىن ماڭىزى زور. ولاردىڭ بارلىعى ەرتەڭگى ساربازدار عوي. دوستىق بار جەردە الىمجەتتىك سياقتى كەلەڭسىز وقيعالار ورىن المايدى. وسى سلەتتە بالالارعا ەلىمىزدىڭ قارۋلى كۇشتەرى جونىندە ايتتىق, ءار اسكەردىڭ ءوز ەرەكشەلىگى بار. ولاردىڭ بارلىعىنان جاس پاتريوتتاردىڭ حابارى بولۋى ءتيىس, – دەيدى قوستاناي قالاسىنداعى «قايسار» اسكەري-پاتريوتتىق كلۋبىنىڭ جەتەكشىسى اناتولي باتەرين.وبلىستاعى اسكەري-پاتريوتتىق كلۋبتار دايىندالاتىن الاڭنىڭ جوقتىعى, ولاردىڭ ماتەريالدىق-تەحنيكالىق بازاسىنىڭ ناشارلىعى وزەكتى بولىپ وتىر. ال ىشكى ىستەر اسكەري ءبولىمىنىڭ ءوزىنىڭ اسكەري پوليگونىن ۇسىنۋى بيىلعى سلەتتىڭ باستى ەرەكشەلىگى مەن ارتىقشىلىعىنا اينالدى. سوندىقتان سلەت شارالارى ناعىز اسكەري ومىرگە جاقىنداي ءتۇستى.– سلەتتىڭ ماقساتى دا سول – بالالاردى اسكەردە قىزمەت ەتۋگە, وتان الدىنداعى اسكەري بورىشىن وتەۋگە ناسيحاتتاۋ, – دەيدى بالالار مەن جاستار ۇيىمدارى قاۋىمداستىعىنىڭ ءتورايىمى ناتاليا نوۆودۆورسكايا.سلەتكە قاتىسۋشىلار اسكەري پوليگوندا ءتۇرلى كەدەرگىلەردەن ءوتىپ, «كەپىلگە الىنعانداردى» قۇتقاردى, تاعى دا كوپتەگەن اسكەري تاپسىرمالاردى ورىندادى.
ءنازيرا جارىمبەتوۆا,«ەگەمەن قازاقستان».
قوستاناي.