سەنبى, 8 ماۋسىم 2013 2:07
استانا قالاسى جاستار ساياساتى باسقارماسىنىڭ باستاماسىمەن ءدىني ەكسترەميزم مەن تەرروريزم يدەولوگيالارىنا قارسى كۇرەس ماسەلەلەرىنە بايلانىستى كەزدەسۋ بولدى.
شارا ەكسترەميزم مەن تەرروريزم يدەولوگيالارى قۇرىلىمىن, كوزدەگەن ماقساتى مەن باعىتىن باياندايتىن بەينە-جەلى كورسەتۋمەن باستالدى. كەزدەسۋدە ءبىرىنشى بولىپ ءدىن ىستەرى اگەنتتىگىنىڭ جەتەكشى عىلىمي قىزمەتكەرى ەرمەك تورەن ۇلى ءسوز الىپ, كۇن تارتىبىندەگى ماسەلەگە وراي ءوز ويلارىن ورتاعا سالدى.
سەنبى, 8 ماۋسىم 2013 2:07
استانا قالاسى جاستار ساياساتى باسقارماسىنىڭ باستاماسىمەن ءدىني ەكسترەميزم مەن تەرروريزم يدەولوگيالارىنا قارسى كۇرەس ماسەلەلەرىنە بايلانىستى كەزدەسۋ بولدى.
شارا ەكسترەميزم مەن تەرروريزم يدەولوگيالارى قۇرىلىمىن, كوزدەگەن ماقساتى مەن باعىتىن باياندايتىن بەينە-جەلى كورسەتۋمەن باستالدى. كەزدەسۋدە ءبىرىنشى بولىپ ءدىن ىستەرى اگەنتتىگىنىڭ جەتەكشى عىلىمي قىزمەتكەرى ەرمەك تورەن ۇلى ءسوز الىپ, كۇن تارتىبىندەگى ماسەلەگە وراي ءوز ويلارىن ورتاعا سالدى. «ءدىني ەكسترەميزم مەن تەرروريزم يدەولوگيالارىن ەكى تۇرعىدان قاراستىرۋعا بولادى. زاڭدى تۇرعىدان كەلەتىن بولساق, بۇل – قىلمىستىق كىنا, ال ءدىني تۇرعىدان كەلگەندە, بۇل يدەولوگيالىق ارەكەتتەر كۇنا بولىپ ەسەپتەلەدى. سەبەبى, ادامنىڭ ءوز-وزىنە قول جۇمساۋى, وزگەلەرگە قيانات جاساۋى يسلامنىڭ سيپاتىنا ساي كەلمەيتىن قۇبىلىستار», دەپ اتاپ ءوتتى ول.
بۇگىنگى تاڭدا «جيھاد» اتاۋىن قاتە ءتۇسىنىپ, وزدەرىنىڭ قاسكوي ارەكەتتەرىن ىسكە اسىرۋدا يسلام ءدىنىن جامىلىپ, بىلىمسىزدىكتەن, اڭقاۋلىقتان وزگەنىڭ قولىندا ويىنشىق بولىپ جۇرگەن جاستارىمىز از ەمەس. ولار بىرەۋلەردىڭ دۇنيە مەن بيلىكتى كوزدەگەن اۋقىمدى ماقساتتارىنىڭ جولىندا قۇربان بولىپ بارا جاتقاندارىن سەزبەيدى. شەشەن سوزىندە ماسەلەنىڭ وسى جاعىنا دا ءبىرشاما توقتالدى.
كەلەسى كەزەكتە مىنبەگە كوتەرىلگەن «نۇر-استانا» مەشىتىنىڭ نايب يمامى حاسان تاشاي ۇلى راديكالدى اعىمدا اداسىپ جۇرگەندەرگە قاتىستى پىكىرلەرىن ءبىلدىردى. ءوزىنىڭ سوزىندە ول: «مۇندايلار تەك ءوز يدەولوگياسىن جاقتاۋشىلاردى مۇسىلمان كورىپ, قالعان حالىقتى «كافير», ياعني مۇسىلمان ەمەس دەپ سانايدى. الايدا, لاڭكەستىك ارەكەتكە بارعاندا, ولار وزدەرى دىننەن قالاي شىعىپ كەتكەندەرىن بايقاماي قالادى», دەدى. ال, فيلوسوفيا عىلىمدارىنىڭ كانديداتى تىشقان كەڭشىلىك پەن بەلگىلى بوكسشى, وليمپيادا چەمپيونى سەرىك ساپيەۆ جاستارعا ءدىني ەكسترەميزم مەن تەرروريزم جونىندە جان-جاقتى اقپارات بەرىپ, جالپى, يسلام ءدىنىنىڭ ماڭىزدىلىعى مەن ءمانىن ءتۇسىندىردى.
كەزدەسۋدىڭ سوڭىندا قوناقتار جاستاردىڭ سۇراقتارىنا جان-جاقتى جاۋاپ قايتاردى.
ايدار ورىسباەۆ,
«ەگەمەن قازاقستان».