جىلجىمالى كەشەن قىزمەتىنە التى مىڭعا جۋىق ادام جۇگىنگەن

الماتى اكىمدىگىنىڭ ءباسپاسوز قىزمەتىنىڭ مالىمەتى بويىنشا قالانىڭ شەت ايماعىنداعى ىقشام اۋداندار تۇرعىندارىنا باسا نازار اۋدارىلدى, ولارعا كەڭەس بەرىلدى جانە ءبىر قادام جاقىن مەديتسينالىق كومەك كورسەتىلدى.

جىلجىمالى كەشەندەر حالىقتى دۇرىس قاراۋ ءۇشىن زاماناۋي قوندىرعىلارمەن جابدىقتالدى. جوعارى ماماندانعان مەديتسينا قىزمەتكەرلەرى, ولاردىڭ ىشىندە تەراپەۆتەر, پەدياتورلار, كارديولوگتار, حيرۋرگتەر, لور جانە باسقا كاسىبي دارىگەرلەر قابىلداۋلار جۇرگىزدى.

ايلىق اياسىندا مەديتسينا قىزمەتكەرلەرى حالىققا رەگيستر ارقىلى تىركەلۋ جانە ءموبيلدى قوسىمشالار ورناتۋ بويىنشا اقپاراتتىق–تۇسىندىرۋ جۇمىستارىن جۇرگىزدى.

1-13 تامىز ارالىعىندا قالانىڭ 20-دان استام شەت ايماقتارىنداعى 5704 تۇرعىن بىرقاتار مەديتسينالىق تەكسەرۋدەن تەگىن ءوتتى جانە ءتۇرلى كەڭەستەر الدى.

قوعامدىق دەنساۋلىق باسقارماسىنىڭ باسشىسى سونىمەن قاتار مەديتسينالىق مەكەمەلەردىڭ جابدىقتالۋىنا وراي اۋديت جۇرگىزىلگەنىن ايتتى. اۋديت 71 ەمدەۋ مەكەمەسىن, ونىڭ ىشىندە 14 ستاتسيوناردى, جمجج-ءنىڭ 38 ۇيىمىن, 7 بوسانۋ جانە 12 باسقا دا مەكەمەلەردى قامتىدى.

ال جەدەل مەديتسينالىق قىزمەت كورسەتۋ ماقساتىندا 2020 جىلعا قاراي قالاداعى ەسكىرگەن سانيتارلىق اۆتوكولىكتىڭ ورنىنا  70 اۆتوكولىك ساتىپ الۋ جوسپارلانىپ وتىر.

الماتى