جۇما, 1 ناۋرىز 2013 7:57
يراننىڭ يادرولىق باعدارلاماسىنا قاتىستى جيىننىڭ قازاق جەرىندە, الماتى قالاسىندا ءوتۋىنىڭ ءوزىن حالىقارالىق ديپلوماتيالىق سالادا ەلىمىزدىڭ قول جەتكىزگەن تاعى ءبىر تابىسى دەپ ايتۋعا ابدەن بولادى. بۇدان 9 اي بۇرىن ماسكەۋدە وتكەن جيىننان كەيىن بۇل تاقىرىپ الەمدىك دەڭگەيدە قوزعالماعان ەدى. حالىقارالىق جاعداي وتە شيەلەنىسىپ تۇرعان تۇستا «يران ءماسەلەسىنە» الەم نازارىن اۋدارتا ءبىلۋ – بۇل دا ءبىزدىڭ ۇستانعان ساياساتىمىزدىڭ بيىك دەڭگەيىن اڭداتسا كەرەك.
جۇما, 1 ناۋرىز 2013 7:57
يراننىڭ يادرولىق باعدارلاماسىنا قاتىستى جيىننىڭ قازاق جەرىندە, الماتى قالاسىندا ءوتۋىنىڭ ءوزىن حالىقارالىق ديپلوماتيالىق سالادا ەلىمىزدىڭ قول جەتكىزگەن تاعى ءبىر تابىسى دەپ ايتۋعا ابدەن بولادى. بۇدان 9 اي بۇرىن ماسكەۋدە وتكەن جيىننان كەيىن بۇل تاقىرىپ الەمدىك دەڭگەيدە قوزعالماعان ەدى. حالىقارالىق جاعداي وتە شيەلەنىسىپ تۇرعان تۇستا «يران ءماسەلەسىنە» الەم نازارىن اۋدارتا ءبىلۋ – بۇل دا ءبىزدىڭ ۇستانعان ساياساتىمىزدىڭ بيىك دەڭگەيىن اڭداتسا كەرەك.
شەتەلدىك ساراپشىلار سيريادان كەيىن وسى يران يسلام رەسپۋبليكاسىن ۇلكەن قاقتىعىستار كۇتىپ تۇر دەپ بولجاپ وتىر. ويتكەنى, مۇسىلمان ەلدەرى مەن امەريكا قۇراما شتاتتارى باستاعان باتىس ەلدەرىنىڭ ساياساتكەرلەرى اراسىنداعى قاراما-قايشىلىق, قىرعي-قاباق قاتىناس پەن ساياساتتاعى قاقتىعىستار توقتاماي تۇر. بۇل ەگەر ۇلكەن جانجالعا ۇلاساتىن بولسا, بۇكىل الەمگە ءوزىنىڭ جاعىمسىز اسەرىن تيگىزىپ, ونىڭ زاردابىن بارلىق ەلدەر تارتاتىن بولادى. قالاي دەگەنمەن دە, يران – الەمدى مۇنايمەن قامتاماسىز ەتۋشى ءىرى مەملەكەت, قۋاتتى ەلدەردىڭ ءبىرى. سوندىقتان دا, الماتىداعى «يران كەلىسسوزدەرىنىڭ» قايتا جاڭعىرۋىنىڭ ءوزى الەمدىك ساياسي قاتىناستار ساحناسىنداعى ۇلكەن ناتيجە.
بىرىككەن ۇلتتار ۇيىمى قاۋىپسىزدىك كەڭەسىنىڭ بارلىق تۇراقتى مۇشەلەرى قاتىسقان بۇل جيىندا باياعىشا بۇرا تارتۋعا جول بەرىلمەي, ءار تاراپ وزدەرىنىڭ پىكىرلەرىن ءبىر-بىرىنە تىڭداتىپ, ۇسىنىستارىن وتكىزە ءبىلدى. يادرولىق باعدارلاما ماسەلەسىندە بەلگىلى ءبىر كەلىسىمگە كەلەتىندىكتەرىن دالەلدەدى. وسىنداي جەمىستى جۇزدەسۋگە ارنايى «ءوزارا تىلقاتىسۋ الاڭىن» ۇسىنعان قازاقستان ءۇشىن دە بۇل كەزدەسۋلەر ۇلكەن ناتيجەلەرگە جەتەلەيتىن جارقىن باعىت.
ەۋروپالىق وداق پەن يران اراسىنداعى توقتاپ قالعان ۇدەرىسكە جان ءبىتىپ, ىلگەرى دامۋعا باعىت الىپ وتىر. ناۋرىز ايىندا يادرولىق باعدارلاما بويىنشا تەحنيكالىق ساراپشىلار جينالىپ تۇركيانىڭ ىستامبۇل قالاسىندا باس قوسپاق. وسى يران يادرولىق باعدارلاماسىنىڭ تەحنيكالىق سيپاتىنا قاتىستى ۇلكەن پىكىر الماسۋلار مەن تالقىلاۋلار بولادى. سوسىن, الماتى قالاسىندا كەشەگى وتكىزىلگەن «يران ماسەلەسىنىڭ» بەسىنشى ۇنقاتىسۋىنىڭ جالعاسى, ياعني قورىتىندى كەزدەسۋى وتەدى. وسى ءىس-قيمىلدىڭ ءوزى قازاق جەرىندە وتكىزىلگەن كەلىسسوزدەردىڭ جان-جاقتى قولداۋعا يە بولعاندىعىن, تاراپتاردىڭ ءوزارا تۇسىنىستىككە بەت بۇرعاندىعىن كورسەتىپ وتىر.
ەۋرووداققا مۇشە ەلدەر, ونىڭ ىشىندە ەۋروپانىڭ ازۋىن ايعا بىلەگەن ءىرى مەملەكەتتەرى بار, وسى يراننىڭ يادرولىق باعدارلاماسىنا قاتىستى جاھاندىق ماسەلەدە ءبىر-بىرىمەن ءتۇزۋ امانداسپاي جۇرگەن مەملەكەتتەردىڭ ءبىر ۇستەل باسىنا جينالىپ, ءوزارا سۇحبات قۇرۋى ءبىزدىڭ مەملەكەتىمىزگە كورسەتكەن ولاردىڭ قۇرمەتىن ناقتىلايدى. جانە ونى قازاق ەلىنە ۇلكەن ابىروي اكەلەتىن ناتيجەلى قادام دەپ باعالاۋ كەرەك. بۇل دەگەنىمىز, قازاقستاننىڭ الەم الدىنداعى بەدەلى مەن ەلباسى نۇرسۇلتان نازارباەۆتىڭ جۇرگىزىپ وتىرعان سىندارلى ساياساتىنىڭ جەمىستىلىگىن بىلدىرەدى.
بۇيىرتسا, بيىلعى ءساۋىر ايىندا باس قوساتىن «يران كەلىسسوزدەرىنىڭ» ەكىنشى كەزدەسۋىندە ەلىمىزبەن بىرگە كۇللى الەمگە يگىلىگى تيەتىن ىلگەرى باسۋلار بولادى دەپ سەنىم ارتامىز. بۇل وقيعالارعا قازىر بارشا ادامزات الاڭداي كوز تىگىپ وتىر.
كامال بۇرحانوۆ,
پارلامەنت ءماجىلىسىنىڭ دەپۋتاتى.