سەيسەنبى, 29 قاڭتار 2013 7:39
استانادا on-line رەجىمىندە جاستار ساياساتى ماسەلەلەرى جونىندەگى وڭىرلىك باسقارمالار جەتەكشىلەرى جانە رەسپۋبليكالىق جاستار ۇيىمدارى كوشباسشىلارىنىڭ قاتىسۋىمەن كەزدەسۋ ءوتتى. 2020 جىلعا دەيىنگى مەملەكەتتىك جاستار ساياساتى تۇجىرىمداماسىنىڭ جوباسى قارالىپ, بولاشاققا ماقسات-مىندەتتەر بەلگىلەنگەن باسقوسۋعا ەلىمىزدىڭ ءبىلىم جانە عىلىم مينيسترلىگى جاستار ءىسى جونىندەگى كوميتەتى توراعاسىنىڭ ۋاقىتشا مىندەتىن اتقارۋشى نۇرلان وتەشەۆ, «جاس وتان» جاستار قاناتىنىڭ اتقارۋشى حاتشىسى نۇرلان سىدىقوۆ, سونداي-اق «قازاقستاننىڭ اۋىل جاستارى», «جاسىل ەل», «قازاقستاننىڭ جاس دەپۋتاتتارى», «جاس قىران» سىندى ۇيىمدار مەن بىرلەستىكتەردىڭ وكىلدەرى قاتىستى.
سەيسەنبى, 29 قاڭتار 2013 7:39
استانادا on-line رەجىمىندە جاستار ساياساتى ماسەلەلەرى جونىندەگى وڭىرلىك باسقارمالار جەتەكشىلەرى جانە رەسپۋبليكالىق جاستار ۇيىمدارى كوشباسشىلارىنىڭ قاتىسۋىمەن كەزدەسۋ ءوتتى. 2020 جىلعا دەيىنگى مەملەكەتتىك جاستار ساياساتى تۇجىرىمداماسىنىڭ جوباسى قارالىپ, بولاشاققا ماقسات-مىندەتتەر بەلگىلەنگەن باسقوسۋعا ەلىمىزدىڭ ءبىلىم جانە عىلىم مينيسترلىگى جاستار ءىسى جونىندەگى كوميتەتى توراعاسىنىڭ ۋاقىتشا مىندەتىن اتقارۋشى نۇرلان وتەشەۆ, «جاس وتان» جاستار قاناتىنىڭ اتقارۋشى حاتشىسى نۇرلان سىدىقوۆ, سونداي-اق «قازاقستاننىڭ اۋىل جاستارى», «جاسىل ەل», «قازاقستاننىڭ جاس دەپۋتاتتارى», «جاس قىران» سىندى ۇيىمدار مەن بىرلەستىكتەردىڭ وكىلدەرى قاتىستى.
ەلباسى جاس وتان» جاستار قاناتىنىڭ ءىى سەزىندە مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ جوباسىن تالقىلاپ, جوباعا ءوز ۇسىنىستارىن ەنگىزۋدى جاستار ۇيىمدارىنىڭ كوشباسشىلارىنا تاپسىرعان ەدى.
«ەكىنشى سەزد وتكەننەن كەيىن, بارلىق وڭىرلەردى ارالاپ, كەزدەسۋلەر ۇيىمداستىردىق. بۇل باسقوسۋلاردا ءار جاستىڭ وي-پىكىرىن تىڭداپ, ولاردى ەسكەرۋگە تىرىستىق. اۋىل جاستارى دا ۇلكەن شارالاردان شەت قالمادى. ولار دا ءوز پروبلەمالارىن ايتىپ, ۇسىنىستارىن جەتكىزدى. بۇعان قوسا, زاۋىت, كاسىپورىنداردا ەڭبەك ەتەتىن جۇمىسشى جاستارمەن دە كەزدەسۋلەر ۇيىمداستىرىلدى», – دەدى «جاس وتان» جاستار قاناتىنىڭ اتقارۋشى حاتشىسى نۇرلان سىدىقوۆ. ونىڭ ايتۋىنشا, ەل جاستارى ۇلكەن جاۋاپكەرشىلىك تانىتىپ, مەملەكەتتىك جاستار ساياساتى تۇجىرىمداماسىن تالقىلاۋعا بەلسەندى قاتىسقان.
«ءبىز بۇل جۇمىسقا جاستاردى كوبىرەك تارتۋعا تىرىستىق. تۇجىرىمدامانى تالقىلاۋ بارىسىندا جاستاردىڭ تاراپىنان ۇلكەن قىزىعۋشىلىقتى بايقادىق. ولار بۇل تۇجىرىمداما جاستار ساياساتىنىڭ تۇپقازىعى مەن وزەگى ەكەنىن جاقسى ءتۇسىنىپ, ونى جان-جاقتى سىن تەزىنەن وتكىزدى», – دەدى ءوز سوزىندە «جاس وتان» جاستار قاناتىنىڭ اتقارۋشى حاتشىسى.
كەزدەسۋ سوڭىندا جاس بەلسەندىلەردىڭ تاراپىنان تۇسكەن ۇسىنىستار نەگىزىندە مەملەكەتتىك جاستار ساياساتى تۇجىرىمداماسىنىڭ جوباسى ازىرلەنىپ, ول جاستار ءىسى جونىندەگى كوميتەتتىڭ قاراۋىنا ۇسىنىلدى.
ءلايلا ەدىلقىزى,
«ەگەمەن قازاقستان».