سارسەنبى, 16 قاڭتار 2013 7:31
قازاق – بولمىسىنان ەركىندىكتى سۇيگەن, سىيلاسقانعا باسىن يگەن, ءوز قادىر-قاسيەتىن بىلگەن حالىق. ونى تاۋەلسىزدىك جىلدارىندا ساباقتاستىق ۇلگىسىن كورسەتىپ قانا قويماي, ورىستەتكەنىمىز تورتكۇل دۇنيەگە ءمالىم. وسكەنىمىزدىڭ, وركەن جايعانىمىزدىڭ ناقتى دالەلى وتكەنىمىزدى سارالاپ, بولاشاعىمىزدى ايقىنداعان, ەلباسىنىڭ «قازاقستان 2050» ستراتەگياسى دەر ەدىم. بۇل قۇندى قۇجات قازاقستاندىقتاردىڭ كەلەر كۇنگە دەگەن سەنىمىن ارتتىرىپ, ۇرپاقتىڭ كەمەل كەلەشەگىنە جول اشىپ وتىر. وعان «ءبىلىم جانە كاسىبي ماشىق – زاماناۋي ءبىلىم بەرۋ جۇيەسىنىڭ, كادر دايارلاۋ مەن قايتا دايارلاۋدىڭ نەگىزگى باعدارى» دەگەن تاراۋداعى تاراتا ايتقان مىندەتتەر ءبىز ءۇشىن ۇلكەن باعدار. بۇعان مىنا ءبىر ءۇزىندى دە دايەك بولادى. «بۇكىل الەمدەگى سياقتى قازاقستان مەكتەپكە دەيىنگى ءبىلىم بەرۋدىڭ جاڭا ءادىستەرىنە كوشۋ كەرەك. سىزدەر بىلەسىزدەر, مەن باستى مىندەتى بالالارىمىزدىڭ باستاپقى مۇمكىندىكتەرىن تەكسەرۋ بولعان «بالاپان» باعدارلاماسى باستاماسىن كوتەردىم» دەيدى ەلباسى. بۇل ۇرپاق ءۇشىن ايداي اقيقات ەدى.
سارسەنبى, 16 قاڭتار 2013 7:31
قازاق – بولمىسىنان ەركىندىكتى سۇيگەن, سىيلاسقانعا باسىن يگەن, ءوز قادىر-قاسيەتىن بىلگەن حالىق. ونى تاۋەلسىزدىك جىلدارىندا ساباقتاستىق ۇلگىسىن كورسەتىپ قانا قويماي, ورىستەتكەنىمىز تورتكۇل دۇنيەگە ءمالىم. وسكەنىمىزدىڭ, وركەن جايعانىمىزدىڭ ناقتى دالەلى وتكەنىمىزدى سارالاپ, بولاشاعىمىزدى ايقىنداعان, ەلباسىنىڭ «قازاقستان 2050» ستراتەگياسى دەر ەدىم. بۇل قۇندى قۇجات قازاقستاندىقتاردىڭ كەلەر كۇنگە دەگەن سەنىمىن ارتتىرىپ, ۇرپاقتىڭ كەمەل كەلەشەگىنە جول اشىپ وتىر. وعان «ءبىلىم جانە كاسىبي ماشىق – زاماناۋي ءبىلىم بەرۋ جۇيەسىنىڭ, كادر دايارلاۋ مەن قايتا دايارلاۋدىڭ نەگىزگى باعدارى» دەگەن تاراۋداعى تاراتا ايتقان مىندەتتەر ءبىز ءۇشىن ۇلكەن باعدار. بۇعان مىنا ءبىر ءۇزىندى دە دايەك بولادى. «بۇكىل الەمدەگى سياقتى قازاقستان مەكتەپكە دەيىنگى ءبىلىم بەرۋدىڭ جاڭا ءادىستەرىنە كوشۋ كەرەك. سىزدەر بىلەسىزدەر, مەن باستى مىندەتى بالالارىمىزدىڭ باستاپقى مۇمكىندىكتەرىن تەكسەرۋ بولعان «بالاپان» باعدارلاماسى باستاماسىن كوتەردىم» دەيدى ەلباسى. بۇل ۇرپاق ءۇشىن ايداي اقيقات ەدى.
ءيا, پرەزيدەنتتىڭ جاڭا جولداۋىنداعى ءمىندەتتەردىڭ ەڭ ۇلكەنى دەپ, مەن ءبىلىم بەرۋ جانە تاربيەلەۋ جۇمىسى بويىنشا ۇل مەن قىزدى 100 قامتۋعا قول جەتكىزۋ جونىندەگى تاپسىرماسى دەر ەدىم. شىنىندا, ساۋاتتى دا, تاربيەلى ۇرپاق وتانىمىزدىڭ كۇنى ەرتەڭگى التىن تىرەگى بولارى ءسوزسىز. ءبىلىم بىلىگى مىقتى جاس قاشان دا قوعام دامۋىنا ويلى كوزبەن قارايدى. جۇدىرىقتىڭ كۇشىنە ەمەس, اقىلدىڭ ايبىنىنا سەنىم ارتادى. مۇنىمەن قاتار, جولداۋدا وقۋ ادىستەمەلەرىن جاڭعىرتۋ, وڭىرلىك مەكتەپ ورتالىقتارىن قۇرۋ قاجەتتىلىگىن دە اتاپ وتكەن. بۇل بىزگە تىكەلەي قاتىستى دەپ بىلەمىن.
مەملەكەت باسشىسى جوعارىدا ايتقانىمىزداي, ەگەمەن ەلدىڭ جاس ۇرپاعىنا قاجەت نارسەنىڭ ءبارىن ءوزىنىڭ جىل سايىنعى جولداۋىندا ناقتىلاپ بەرۋدە. وسىدان ون جىلدان اسا ۋاقىت بۇرىن ارقانىڭ ەڭ كورىكتى دە كوركەم, سۋلى دا نۇرلى جەرىنەن «بالداۋرەن» رەسپۋبليكالىق وقۋ-ساۋىقتىرۋ ورتالىعىن (روسو) قۇرۋدى تاپسىرعان ەدى. بۇل سول كەزدە مۇلتىكسىز ورىندالىپ, قازىر جۇيەلى جۇمىس ىستەلىپ جاتىر. ەلباسىنىڭ وسىنداي قامقورلىعىن سەزىنگەن وقۋشىلار مەن جاسوسپىرىمدەر ورتالىقتا وسى كۇندەرى ءبىلىم مەن تاربيەنى قاتار ۇشتاستىرىپ كەلەدى. وتانىمىزدىڭ بارلىق وڭىرلەرىنەن كەلگەن دەمالۋشىلار ءبىر اتانىڭ بالاسىنداي, بەس قولدىڭ سالاسىنداي بولىپ, دوستىقتىڭ تۋىن كوتەرىپ, ءبىر بىرىنە دەگەن مەيىرىمىن تەرەڭدەتە تۇسۋدە.
ءبىلىم جانە عىلىم مينيسترلىگىنىڭ كەستەسىنە سايكەس وسى ۋاقىتقا دەيىن «بالداۋرەن» قازاق ارتەگىندە 70 مىڭنان اسا وقۋشى دەمالدى. سول سەكىلدى جۇزدەن جۇيرىكتەر قاتىسىپ, جۇلدەلى بەسىنشى ورىنعا تابان تىرەپ تاۋەلسىز جۇرتىمىزدىڭ مەرەيىن وسىرگەن, 98 ەلدىڭ ۇزدىك جاستارى قاتىسقان 51-ءشى حالىقارالىق ماتەماتيكا وليمپياداسى استانادان كەيىن ءبىزدىڭ ورتالىقتا جالعاسىن تاپتى. سول سەكىلدى الەمدىك بايقاۋلار مەن وقۋشىلار فەستيۆالى ءوتىپ تۇرادى. اسىرەسە, الەۋمەتتىك جاعىنان از قامتىلعان وتباسىلار مەن مۇگەدەك بالالارعا العاشقى كەزەكتە قامقورلىق جاساپ وتىرۋ باستى ماقسات بولىپ سانالادى.
وسى دەرەكتەردى العا تارتا وتىرىپ ەلباسىنىڭ بولاشاققا نىق قاداممەن بارۋدى ماقسات ەتكەن جاڭا ستراتەگياسى بويىنشا اتقارىلاتىن جۇمىستاردى جۇيەلەي باستادىق. ەڭ باستىسى مەملەكەتىمىزدىڭ بارلىق وڭىرلەرىنەن «ءبالداۋرەن» وقۋ-ساۋىقتىرۋ كەشەنىنە كەلگەن وقۋشىلارعا ءبىلىم بەرۋ مەن تاربيەلەۋدىڭ وزىق ۇلگىلەرىن, اسىرەسە, وقىتۋ ادىستەمەلەرىن ءداۋىر تالابىنا ساي جاڭعىرتۋدىڭ جوبا-جوسپارىن عىلىمي تۇرعىدان جاقسارتۋدى قولعا الدىق. ول ءۇشىن بىلىكتى مامانداردىڭ قاجەت ەكەنى انىق. بۇل جۇمىسقا دا زەيىن اۋدارىپ, ءار مۇعالىم باسەكەگە قابىلەتتى, ساۋاتتىلىعى جوعارى بولۋ كەرەك دەگەن مىندەتتى العا وزدىردىق. جولداۋدا ايتىلعان تۇرمىسى تومەن, ياعني الەۋمەتتىك جاعىنان از قامتىلعان وتباسى بالالارىنا بۇرىن دا جاسالىپ كەلە جاتقان جەڭىلدىكتەردى قايتا قاراپ, ىنتالى ۇل-قىزعا قولجەتىمدى كومەك كورسەتۋدى ارتتىرا بەرمەكپىز.
«بەيبىت ءومىردىڭ وزىندە بىزدە مىڭداعان جەتىمدەر بار – بالالار ۇيلەرى تولى. بۇل, وكىنىشكە قاراي, جالپىالەمدىك ءۇردىس جانە جاھاندانۋدىڭ سىناعى. بىراق ءبىز بۇل ۇردىسپەن كۇرەسۋىمىز كەرەك. بالالار – قوعامىمىزدىڭ ەڭ ءالسىز جانە قورعانسىز بولىگى جانە ولار قۇقىقسىز بولۋعا ءتيىستى ەمەس» دەگەن ەلباسى ءسوزى, كىم-كىمگە بولسا دا وي سالماي قويمايدى. وسى تاپسىرمانى جان-جاقتى ساراپتان وتكىزە وتىرىپ, اتا سالتىمىزعا ساي, جەتىمدەردى الاقان جىلۋىنا الۋىمىز كەرەك. «بالداۋرەن» وقۋ-ساۋىقتىرۋ كەشەنى جىل بويى جۇمىس ىستەسە, ءبىز كەيبىر اۋىسىمداردا جەتىم, دەنساۋلىعى كەمىس بالالارعا ارناپ, ولاردىڭ كوكشەتاۋ ءوڭىرىنىڭ اسەم تابيعاتىندا دەمالۋىنا مۇمكىندىك جاساۋدى داستۇرگە اينالدىرۋدامىز. وسى ارادا مىنا ءبىر ۇسىنىسىمدى دا ايتا كەتسەم دەيمىن. قازىر ەلىمىز بويىنشا ەڭ ۇلكەن وقۋ-ساۋىقتىرۋ كەشەنى «بالداۋرەن» عانا. ۇزاق مەرزىمگە باعىتتالعان مەملەكەت باسشىسىنىڭ «قازاقستان 2050» ستراتەگياسى اياسىندا «بالداۋرەن» سەكىلدى وقۋشىلارعا ارنالعان ءوڭىرلىك كەشەندەر سالىنىپ, ول جىل بويى جۇمىس ىستەسە نۇر ۇستىنە نۇر بولار ەدى. ونداي دەمالىس ورىندارى بار. بىراق كوبىسى قادامىن جازا الماي وتىر. ەگەر وڭىرلەردەگى سونداي وقۋ-ساۋىقتىرۋ كەشەندەرى كەلەشەكتە ءبىر ورتالىقتان قارجىلاندىرۋ ارقىلى «بالداۋرەننىڭ» فيليالى ەتىپ, جەرگىلىكتى جەرلەردەن بالالاردى باستى كەشەندە دەمالۋعا جىبەرىپ وتىرۋ ءۇردىسىن قالىپتاستىرساق ارتىق بولماس ەدى. مۇنداي جۇيە وزگە ەلدەردە بۇرىننان بار.
ءبىر سوزبەن ايتقاندا, ەلباسىنىڭ بۇل جولداۋى بۇگىنىمىزدى سارالاي وتىرىپ, كەلەشەگىمىزگە جاسالعان ۇلكەن جوبا ەكەنى بەلگىلى. ەندىگى جەردە وسى ستراتەگيانىڭ ءار تارماعى بويىنشا وزىنە تيەسىلى جۇمىستى اتقارۋ بارىمىزگە مۇلتىكسىز مىندەتتەلىپ وتىر. ونى ابىرويمەن ورىنداساق وتانىمىزدىڭ بۇگىنگى كوتەرىلگەن بيىگى, ودان دا اسقاقتاپ, شىرقاۋ شىڭداي الىستان كوز تارتا بەرمەك.
مۇحيتدين تولەپباي,
«بالداۋرەن» روسو باس ديرەكتورى