سالتاناتتى اشۋ راسىمىنە جاڭاوزەن قالاسى اكىمىنىڭ ورىنباسارى عالىمجان بايجانوۆ, ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ جانە سۋديالار, جاڭاوزەن قالالىق ازاماتتىق حال اكتىلەرىن تىركەۋ ءبولىمىنىڭ باسشىسىنىڭ م.ا. سالتانات رۋبلەۆا, ءبىلىم ءبولىمىنىڭ وكىلدەرى جانە ارداگەرلەر قاتىستى.
ءىس-شارادا ءسوز العان ەرجان قاراباەۆ ورتالىقتى اشۋعا مۇمكىندىك تۋدىرعانى ءۇشىن قالالىق ازاماتتىق حال اكتىلەرىن تىركەۋ بولىمىنە العىس ايتىپ, ورتالىقتىڭ قىزمەتى جانجالداسۋشى ەرلى-زايىپتىلاردى تاتۋلاستىرۋعا جانە اجىراسۋلار سانىن قىسقارتۋعا باعىتتالاتىنىن جەتكىزدى. ورتالىقتىڭ ماقساتى - وتباسىلىق قۇندىلىقتاردى ساقتاۋ, وتباسىلىق داۋلاردى شەشۋ جانە تاتۋلاستىرۋ, بالالاردىڭ تولىققاندى وتباسىندا تاربيەلەنۋگە جاعداي جاساۋ ەكەندىگىنە توقتالدى ەرجان قاراباەۆ. سونداي-اق, ول مۇندا وتباسىلىق-نەكە داۋلارىن سوتقا دەيىن جانە سوتتان تىس رەتتەۋ شارالارى جۇزەگە اسىرىلاتىندىعىن اتاپ ءوتتى.
ودان ءارى جاڭاوزەن قالالىق ارداگەرلەر كەڭەسىنىڭ توراعاسى قۋاندىق بەكماعامبەتوۆ بىتىمگەرشىلىك سوتتاردا قارالاتىن ىستەردىڭ جۇكتەمەسىن ازايتاتىندىعىن ءتۇسىندىرىپ, مەدياتسيانى قوعام اراسىندا ناسيحاتتاۋعا ءبىر اۋىزدان ۇلەس قوساتىندىقتارىن جەتكىزدى.
جاڭاوزەن قالالىق سوتىنىڭ توراعاسى باۋىرجان توقباەۆ سوتتاردا نەكەنى بۇزۋ تۋرالى ازاماتتىق ىستەردىڭ كوبەيگەنىن نازارعا الىپ, راسىمگە قاتىسۋشىلاردى وتباسىلىق جانجالداردى سوتقا دەيىن رەتتەۋ ءۇشىن بارلىق كۇش-جىگەرلەرىن جۇمساۋعا شاقىردى.
اتالعان ورتالىق جايلى جيھاز, كەڭسە تەحنيكاسىمەن جابدىقتالىپ, ارنايى بالالارعا ارنالعان بۇرىشپەن قامتاماسىز ەتىلگەن.
سونىمەن قاتار, وتباسى ورتالىعىنىڭ قابىرعالارىنا وتباسى قۇندىلىعىن ناسيحاتتايتىن سۋرەتتەر سالىنىپ, تاراپتاردى تاتۋلاسۋعا ۇندەيتىن ستەندتەر ىلىنگەن.
ماڭعىستاۋ وبلىسى