قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ بۇيرىعىمەن تەلەكوممۋنيكاتسيالار كوميتەتىنىڭ توراعاسى لاۋازىمىنا ۆيتالي ۆلاديميروۆيچ ياروشەنكو, اەروعارىش كوميتەتىنىڭ توراعاسى لاۋازىمىنا باۋبەك جەتكەرگەن ۇلى ورالماعامبەتوۆ تاعايىندالدى.
ۆيتالي ياروشەنكو 1977 جىلى دۇنيەگە كەلگەن. اقمولا اگرارلىق ۋنيۆەرسيتەتىن, قازاق گۋمانيتارلىق-زاڭ ۋنيۆەرسيتەتىن, كوكشەتاۋ ەكونوميكا جانە مەنەدجمەنت ينستيتۋتىن تامامداعان.
2003 جىلدان باستاپ بايلانىس سالاسىنا جەتەكشىلىك ەتەتىن ورتالىق مەملەكەتتىك ورگانداردىڭ قۇرىلىمدىق بولىمشەلەرىندە جۇمىس ىستەدى. 2015–2017 جىلدارى قر ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى توراعاسىنىڭ ورىنباسارى, قر اقپارات جانە كوممۋنيكاتسيالار مينيسترلىگىنىڭ بايلانىس دەپارتامەنتىنىڭ ديرەكتورى, قر اقپارات جانە كوممۋنيكاتسيالار مينيسترلىگىنىڭ بايلانىس, اقپاراتتاندىرۋ جانە باق سالاسىنداعى مەملەكەتتىك باقىلاۋ كوميتەتى توراعاسىنىڭ ورىنباسارى لاۋازىمدارىن اتقاردى. 2017–2019 جىلدارى — قر اقپارات جانە كوممۋنيكاتسيالار مينيسترلىگىنىڭ تەلەكوممۋنيكاتسيالار كوميتەتى توراعاسىنىڭ ورىنباسارى.
2019 جىلعى اقپاننان باستاپ قر اقپارات جانە كوممۋنيكاتسيالار مينيسترلىگىنىڭ تەلەكوممۋنيكاتسيالار كوميتەتىنىڭ توراعاسى قىزمەتىن اتقاردى, 2019 جىلعى مامىردان باستاپ قر تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ تەلەكوممۋنيكاتسيالار كوميتەتىنىڭ توراعاسى.
باۋبەك ورالماعامبەتوۆ 1983 جىلى اقتوبە وبلىسىندا دۇنيەگە كەلگەن. ماسكەۋ اۆياتسيا ينستيتۋتىن بىتىرگەن.
ەڭبەك جولىن 2006 جىلى م.ۆ. حرۋنيچەۆ اتىنداعى مەملەكەتتىك عارىش عىلىمي-وندىرىستىك ورتالىعىندا ينجەنەر-كونسترۋكتور بولىپ باستاعان.
2010–2012 جىلدارى «بايتەرەك» قازاقستان–رەسەي بىرلەسكەن كاسىپورنى» اق وكىلدىگىندە باس مامان, ءبولىم باسشىسى بولدى.
2012–2014 جىلدارى — قر ۇلتتىق عارىش اگەنتتىگىنىڭ عارىش قىزمەتىن دامىتۋ دەپارتامەنتى ديرەكتورىنىڭ ورىنباسارى; ديرەكتورى.
2014–2015 جىلدارى — قر ينۆەستيتسيالار جانە دامۋ مينيسترلىگىنىڭ اەروعارىش كوميتەتىنىڭ جوبالاردى سۇيەمەلدەۋ باسقارماسىنىڭ باسشىسى.
2015–2016 جىلدارى — «عالام» جشس باس ديرەكتورى.
2016–2017 جىلدارى قر قورعانىس جانە اەروعارىش ونەركاسىبى مينيسترلىگىنىڭ اەروعارىش كوميتەتى توراعاسىنىڭ مىندەتىن اتقارعان.
2017 جىلعى مامىردان باستاپ قر قورعانىس جانە اەروعارىش ونەركاسىبى مينيسترلىگىنىڭ اەروعارىش كوميتەتى توراعاسىنىڭ ورىنباسارى لاۋازىمىن اتقارعان.
2019 جىلعى مامىردا قر تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ اەروعارىش كوميتەتىنىڭ توراعاسى قىزمەتىنە تاعايىندالدى.