بەيسەنبى, 30 مامىر 2013 2:06
ءبىر كەزدەرى بۋىرقانىپ, كوكتەم, كۇز ايلارىندا ارناسىنان اسىپ, ەلدى اجەپتەۋىر ابىگەرگە سالاتىن بادام وزەنى بۇگىندە جىلامسىراپ اعىپ جاتىر. بالكىم, كوزىن اشىپ, بويىن ءجيى تازارتپاعاننان شىعار. ءبىر جامانى, شىمكەنتتەگى ءىرى زاۋىتتاردىڭ بارلىعى دەرلىك كەزىندە وزەندەردىڭ بويىنان سالىنىپ كەتكەن. ءۇش تاستى قالاپ, وت جاقساڭ, ءۇش كۇرەك كۇل شىعادى. ال, الىپ ءوندىرىس وشاعى تالاي جىلدار بويى كۇنىنە قانشاما كۇل-قوقىس شىعارىپ, ونىڭ ءبارى وسى وزەن ارناسىمەن اعىپ, بۇلاق كوزىنىڭ ءبارىن بەكىتىپ تاستاعانى راس.
بەيسەنبى, 30 مامىر 2013 2:06
ءبىر كەزدەرى بۋىرقانىپ, كوكتەم, كۇز ايلارىندا ارناسىنان اسىپ, ەلدى اجەپتەۋىر ابىگەرگە سالاتىن بادام وزەنى بۇگىندە جىلامسىراپ اعىپ جاتىر. بالكىم, كوزىن اشىپ, بويىن ءجيى تازارتپاعاننان شىعار. ءبىر جامانى, شىمكەنتتەگى ءىرى زاۋىتتاردىڭ بارلىعى دەرلىك كەزىندە وزەندەردىڭ بويىنان سالىنىپ كەتكەن. ءۇش تاستى قالاپ, وت جاقساڭ, ءۇش كۇرەك كۇل شىعادى. ال, الىپ ءوندىرىس وشاعى تالاي جىلدار بويى كۇنىنە قانشاما كۇل-قوقىس شىعارىپ, ونىڭ ءبارى وسى وزەن ارناسىمەن اعىپ, بۇلاق كوزىنىڭ ءبارىن بەكىتىپ تاستاعانى راس.
مىنە, وسى ماسەلە وبلىس اكىمى اسقار مىرزاحمەتوۆتى قاتتى تولعاندىرسا كەرەك. جاقىندا شىمكەنت قالاسىنداعى بادام وزەنىنىڭ جاعالاۋىن كورىكتەندىرۋ جۇمىستارىنىڭ العاشقى كەزەڭى باستالىپ كەتتى. بەكىتىلگەن جوبا بويىنشا وزەننىڭ 3 شاقىرىمى تولىعىمەن اباتتاندىرىلادى. وبلىستىق بيۋدجەت ەسەبىنەن قارجىلاندىرىلاتىن نىساننىڭ كونكۋرستىق قۇنى 1746,2 ملن.تەڭگەنى قۇراپ وتىر. وزەن بويىن كورىكتەندىرۋ جۇمىستارى قاراشادا اياقتالادى دەپ جوسپارلانۋدا.كورىكتەندىرۋ جۇمىستارىنىڭ بارلىق كەزەڭدەرى تولىعىمەن اياقتالعان ۋاقىتتا بادام وزەنىنىڭ ماڭى قالا تۇرعىندارى مەن قوناقتارى دەمالاتىن ايماققا اينالادى. ءتۇرلى جەمىس اعاشتارى مەن كوشەتتەر وتىرعىزىلىپ, ايماق جارىقتاندىرىلادى. دەمالۋشىلارعا ارنالعان ورىندىقتار مەن قوقىس جاشىكتەرى قويىلىپ, اياقجولدار توسەلەدى, تەگىن اۆتوتۇراق اشىلادى.جاعالاۋمەن بىرگە وزەن ارناسىن دا كورىكتەندىرۋ كوزدەلۋدە. بۇگىنگى تاڭدا قۇرىلىس جۇمىستارىنا 28 تەحنيكا جۇمىلدىرىلدى. ەلباسىمىز بۇل شاھاردى كەلەشەگى زور قالالاردىڭ قاتارىنا ەنگىزىپ, ماڭىزى جونىنەن مەملەكەتىمىزدىڭ ءۇشىنشى قالاسىنا تەڭەگەن ەدى. ياعني شىمكەنتتە قولعا الىنىپ وتىرعان بۇل جوبا ەلباسىنىڭ بەرگەن سول مارتەبەسىن ايقىنداي تۇسەتىن جوبالاردىڭ ءبىرى بولاتىنى ءسوزسىز. تاعى ءبىر ايتارى, سەرۆيستىك قىزمەت كورسەتۋ ءۇشىن بۇل جوبا جەكە ينۆەستورلاردىڭ قىزىعۋشىلىعىن تۋدىرىپ وتىر ەكەن.ورالحان ءداۋىت,«ەگەمەن قازاقستان».شىمكەنت.