وسىعان بايلانىستى قىزىلوردا وبلىسى پروكۋرورىنىڭ مىندەتىن اتقارۋشى تالعات الىباەۆ وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وتكەن ءباسپاسوز جيىنىندا وقيعاعا قاتىستى ءىستىڭ سوتقا جىبەرىلگەنىن جانە سوتتا قاراۋ ءۇشىن قاجەتتى ايعاق دەرەكتەردىڭ جەتكىلىكتى ەكەندىگىن ايتتى.
- وقيعاعا قاتىستى جۇرگىزۋشى كۇدىكتى دەپ تانىلدى. 1 ماۋسىم كۇنگى قىزىلوردا مامانداندىرىلعان تەرگەۋ سوتىمەن كۇدىكتى 2 ايعا بۇلتارتپاۋ شاراسى بويىنشا سانكتسيالانعان بولاتىن. قازىرگى تاڭدا ءىس بويىنشا ءتيىستى ساراپتامالار وتكىزىلدى. بارلىق ىسكە قاتىستى دالەلدەمەلەر جيناقتالدى. ءىس قىزىلوردا قالالىق ەكىنشى سوتىنا قاراۋعا جولداندى,-دەيدى وبلىسى پروكۋرورىنىڭ ورىنباسارى.
قىزىلوردا وبلىسى پوليتسيا دەپارتامەنتىنىڭ تەرگەۋ باسقارماسى باستىعىنىڭ مىندەتىن اتقارۋشى, پوليتسيا پولكوۆنيگى ءامىرجان وتەگەنوۆ وقيعاعا قاتىستى ءىستىڭ تەرگەۋى 2 اي مەرزىمىندە جۇرگىزىلەتىندىگىن جەتكىزدى.
- بەلگىلەنگەن ساراپتامالاردى تاعايىنداۋ, سوت مەديتسينالىق ساراپتاماسىنىڭ قورىتىندىسىن العاننان كەيىن بەلگىلەنگەن باپتار بويىنشا قىلمىستىق-پروتسەستىك كودەكسىنىڭ 300-بابى بويىنشا زەردەلەۋىن قاداعالاۋىن جولدايمىز,-دەيدى پوليتسيا پولكوۆنيگى.