وبلىستىق اكىمدىكتە وتكەن جيىن بارىسىندا وسى ماسەلە بارىسى تالقىلاندى
- ال, جاڭادان قۇرىلعان, الەۋەتى جوعارى شارۋا قوجالىقتارى جوق. بۇل - اۋدان-قالا اكىمدەرى مەن اۋىل شارۋاشىلىعى باسقارماسىنا سىن,-دەدى وبلىس اكىمى بولات باقاۋوۆ.
باسقارمانىڭ مالىمەتىنشە, جىل باسىنان بەرى ايماقتىڭ اگروونەركاسىپتىك كەشەنىنە 9 ملرد تەڭگە ينۆەستيتسيا قۇيىلعان.
جىل سوڭىنا دەيىن قۇنى 16,7 ملرد تەڭگە بولاتىن 50 ينۆەستيتسيالىق جوبانى ىسكە قوسۋ جوسپارلانۋدا.
بۇل جوبالار 3200 مال باسىنا ارنالعان 6 ءسۇت-تاۋار فەرماسى, 6000 مال باسىنا ارنالعان ەكى بورداقىلاۋ الاڭى, 6030 مال باسىنا ارنالعان 16 مال شارۋاشىلىعى ورنى جانە «پاۆلودار قۇس» جشس قۇس فابريكاسىن كەڭەيتۋ.
بىراق اۋدانداردا جاڭا جوبالار جوق. بار جوبانىڭ ءوزى ناقتى ەمەس. جوبالار ءتيىستى ساراپتامادان ءوتتى مە, جوق پا ول جاعى دا بەلگىسىز. سوندىقتان ءار اۋدان ءوزىنىڭ مۇمكىندىكتەرىن ءتيىمدى پايدالانىپ, ينۆەستوردى شاقىرىپ, بارلىق جاعدايىن جاساۋى كەرەك دەگەن تاپسىرما بەرىلدى. ياعني, اۋىل شارۋاشىلىعى سالاسىندا عانا ەمەس, ءاربىر اۋداننىڭ الەۋەتىن ارتتىرۋ بويىنشا جۇمىس جاساۋلارى قاجەت. بۇل اۋدان, قالا اكىمدەرىنىڭ مىندەتى.
جيىندا ءوڭىردىڭ وڭدەۋ ونەركاسىبى ارتتا قالعانى دا ايتىلدى. ساۋدا ۇيلەرىنىڭ سورەلەرىندە رەسەي مەن بەلارۋستەن جەتكىزىلگەن ءسۇت جانە ءسۇت ونىمدەرى از ەمەس. تۇرعىندار بولسا ءوز اۋىلدارىمىزدا جاسالاتىن جەرگىلىكتى ونىمدەردى ىزدەيدى.
جيىن سوڭىندا اۋدان-قالا اكىمدەرى ادەتتەگىدەي جىل سوڭىنا دەيىن جاڭا جوبالاردى جۇزەگە اسىرۋعا ۋادە بەردى.
پاۆلودار وبلىسى