2018 جىلى ەلىمىزدىڭ ەكونوميكاسىنا 11179 ملرد تەڭگە قاراجات جۇمسالدى. بۇل 2017 جىلعى دەڭگەيدەن 17,5% - عا جوعارى. بۇل تۋرالى ستاتيستيكا كوميتەتىنىڭ ءباسپاسوز قىزمەتى حابارلادى.
2018 جىلى ماشينالار, جابدىقتار, كولىك قۇرالدار, سايمانداردى الۋعا جانە ولاردىڭ كۇردەلى جوندەۋىنە 3597,5 ملرد تەڭگە باعىتتالعان, بۇل 2017 جىلمەن سالىستىرعاندا 14,9%-عا جوعارى.
ينۆەستيتسيالاۋ ءۇشىن باسىم سالالار كەن ءوندىرۋ ونەركاسىبى جانە كارەرلەردى قازۋ (40,2%), كولىك جانە قويمالاۋ (13%), جىلجىمايتىن م ۇلىكپەن جاسالاتىن وپەراتسيالار (12,6%) جانە وندەۋ ونەركاسىبى (11,1%) بولىپ تابىلادى.