سارسەنبى, 22 مامىر 2013 1:41
ستانسانى سالدىرعان – ءبىر كەزدەرى وڭتۇستىك قازاقستان وبلىسى مەن ەل ۇكىمەتىن باسقارعان سەرگەي الەكساندروۆيچ تەرەششەنكونىڭ ءدال ءوزى. قۇرىلىسىنىڭ سوڭعى نۇكتەسى جاڭا عانا قويىلىپ, تۇتىنۋشىلارىنا العاشقى ەلەكتر قۋاتىن ەندى عانا بەرە باستاعان ستانسانىڭ جوباسى سەرگەي الەكساندروۆيچكە 1 ميلليارد 350 ميلليون تەڭگەگە ءتۇسىپتى. ال سەكەڭ بولسا بۇگىندە «A&T-ەنەرگو» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى بولىپ تابىلادى.
سارسەنبى, 22 مامىر 2013 1:41
ستانسانى سالدىرعان – ءبىر كەزدەرى وڭتۇستىك قازاقستان وبلىسى مەن ەل ۇكىمەتىن باسقارعان سەرگەي الەكساندروۆيچ تەرەششەنكونىڭ ءدال ءوزى. قۇرىلىسىنىڭ سوڭعى نۇكتەسى جاڭا عانا قويىلىپ, تۇتىنۋشىلارىنا العاشقى ەلەكتر قۋاتىن ەندى عانا بەرە باستاعان ستانسانىڭ جوباسى سەرگەي الەكساندروۆيچكە 1 ميلليارد 350 ميلليون تەڭگەگە ءتۇسىپتى. ال سەكەڭ بولسا بۇگىندە «A&T-ەنەرگو» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى بولىپ تابىلادى.
سوڭعى جىلدارى جامبىل وڭىرىندە جەل, كۇن جانە سۋ ارقىلى ەلەكتر قۋاتىن ءوندىرۋ جۇمىستارىنا ەرەكشە نازار اۋدارىلىپ كەلەدى. بۇل بىرىنشىدەن, قورشاعان ورتاعا مۇلدە زيانسىز. ەكىنشىدەن, تابيعات مۇمكىندىكتەرىن كەڭىنەن پايدالانۋعا جول اشادى. وتكەن جىلى قورداي جانە مەركى اۋداندارىندا جەل جانە سۋ قۋاتى ارقىلى ەلەكتر قۋاتىن بەرەتىن ءۇش ستانسا پايدالانۋعا بەرىلدى. ولار بۇگىندە حالىق يگىلىگىنە اينالىپ وتىر. الەم ەلدەرى, ونىڭ ىشىندە قازاقستاندىقتار دا بار, ەلەكتر قۋاتىنىڭ تاپشىلىعىن ايقىن سەزىنە باستاعان تۇستا جامبىلدىقتار سياقتى جاڭا قۋات كوزىن ىزدەۋگە قۇلشىنۋ, بۇل جاقسى ءۇردىس. ءوڭىر ەكونوميكاسى ءۇشىن دە ۇلكەن ستراتەگيالىق قادام.
تاسوتكەل سۋ ەلەكتر ستانساسىنىڭ قۇرىلىس جۇمىسىنا شامامەن 110 ادام قاتىسىپتى. ال ەندى ستانسا پايدالانۋعا بەرىلگەننەن كەيىن 30 ادام تۇراقتى جۇمىس ىستەپ جاتىر. ەلەكتر قۋاتىنىڭ 1 كۆت/ساع. ءۇشىن جوبالانعان باعا 11 تەڭگەنى قۇرايدى. قالالىقتار ءۇشىن سۋ تەگىن كورىنەتىن بۇل ەلەكتر قۋاتىن, قۇداي قالاسا, ەندى اۋىل تۇرعىندارى قۋانا-قۋانا تۇتىناتىن بولادى. ستانسانىڭ قۋاتتىلىعى 9,2 مۆت قۇرايدى. جوبانىڭ قايتارىمى 6 جىل.
ال جاڭا ءوندىرىس ورنىنىڭ اشىلۋ سالتاناتىنا جينالعان شۋلىقتاردىڭ وزدەرىنە شاپاعاتى تۇسكەن س.تەرەششەنكوعا دەگەن العىستارى وتە شەكسىز.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى,
شۋ اۋدانى.