سەيسەنبى, 21 مامىر 2013 2:28
مونوپوليستەر تىعىرىقتان شىعۋ جولى باعانى كوتەرۋ دەگەن پىكىرگە سۇيەنۋىن قويار ەمەس
«سەۆكازەنەرگو» اق-تىڭ جۋىرداعى ۇسىنىسى تۇتىنۋشىلاردىڭ توبەسىنەن جاي تۇسىرگەندەي بولدى. كۇن ساناپ ءورشىپ بارا جاتقان قىمباتشىلىق سالدارىنان قالتاسى دا, جۇيكەسى دە ابدەن جۇقارعان قاراپايىم جۇرتشىلىقتىڭ بۇدان كەيىن قىستان شىققان كوتەرەم مالداي ەلەستەر ءحالى مونوپوليستەردى ەش ويلاندىرمايتىنى, كەرىسىنشە, س ۇلىكشە سورۋىن ۇدەتە تۇسكەنى شىمبايعا باتپاي قويمايدى. ولار ءتاريفتى كوتەرۋدىڭ وڭاي جولىنا كوبىرەك دەن قويىپ, دايار اسقا تىك قاسىق بولعاندى قولاي كورەتىن ءتارىزدى.
سەيسەنبى, 21 مامىر 2013 2:28
مونوپوليستەر تىعىرىقتان شىعۋ جولى باعانى كوتەرۋ دەگەن پىكىرگە سۇيەنۋىن قويار ەمەس
«سەۆكازەنەرگو» اق-تىڭ جۋىرداعى ۇسىنىسى تۇتىنۋشىلاردىڭ توبەسىنەن جاي تۇسىرگەندەي بولدى. كۇن ساناپ ءورشىپ بارا جاتقان قىمباتشىلىق سالدارىنان قالتاسى دا, جۇيكەسى دە ابدەن جۇقارعان قاراپايىم جۇرتشىلىقتىڭ بۇدان كەيىن قىستان شىققان كوتەرەم مالداي ەلەستەر ءحالى مونوپوليستەردى ەش ويلاندىرمايتىنى, كەرىسىنشە, س ۇلىكشە سورۋىن ۇدەتە تۇسكەنى شىمبايعا باتپاي قويمايدى. ولار ءتاريفتى كوتەرۋدىڭ وڭاي جولىنا كوبىرەك دەن قويىپ, دايار اسقا تىك قاسىق بولعاندى قولاي كورەتىن ءتارىزدى.
اق باسقارما توراعاسىنىڭ مىندەتىن اتقارۋشى اللا يازوۆسكايا حانىم قوعامدىق تىڭداۋ بارىسىندا 1 شىلدەدەن باستاپ جىلۋ ءتاريفى 51,4 پايىزعا وسەتىنىن مالىمدەپ, ايدى اسپاننان ءبىر-اق شىعاردى. مۇنداي قادامعا امالسىز بارىپ وتىرعاندارىن ايتىپ, قانشا اقتالۋعا تىرىسقانىمەن, باعانى شارىقتاتۋدىڭ سەبەپ-سالدارى قوعامدىق تىڭداۋ كەڭەسىنىڭ مۇشەلەرىن يلاندىرا المادى.
وندىرىستىك شىعىنداردىڭ ءار تارماعىن دايەكتىلىكپەن تالداپ, ءتۇسىندىرىپ بەرە الماعاننان كەيىن كۇمان-كۇدىكپەن قاراۋشىلار قاتارى سەيىلمەيتىنى زاڭدى. بۇگىنگە دەيىن قولدانىستاعى جىلۋ قۋاتىن ءوندىرۋ ءتاريفى 1377 تەڭگە/گكال.-عا تەڭ بولىپ كەلسە, ەندى قوسىمشا قۇن سالىعىن قوسقاندا 2337,6 تەڭگە/گكال-نى قۇراماق. بۇل بىردەن 710 تەڭگە/گكال.-عا وسەدى دەگەن ءسوز.
ارينە, جۇمىسشى-قىزمەتكەرلەردىڭ ورتاشا ايلىق جالاقىسىن 48 مىڭ تەڭگەدەن 73 مىڭ تەڭگەگە جەتكىزۋ, ول ءۇشىن 51 ميلليارد تەڭگە قاجەت دەگەن نيەت جاقسى-اق. الايدا, مۇنداي سۇرانىس ۇنەمى تۇتىنۋشىلاردىڭ ەسەبىنەن نەگە ءوندىرىلۋى كەرەك دەگەن زاڭدى ساۋال تۋادى.
وعان الدىمەن كاسىپورىننىڭ ءوزى قىزىعۋشىلىق تانىتۋى ءتيىس ەمەس پە؟ بىزدىڭشە, قىمباتتاتۋ شارالارىن جاريالاماس بۇرىن يگەرىلمەي جاتقان رەزەرۆتەر مەن ىشكى مۇمكىندىكتەردى ەلەكتەن وتكىزىپ العان ءجون بولار ەدى. جاسىراتىنى جوق, ءوندىرىستىك شىعىنداردى ازايتۋدىڭ كەشەندى جولدارى, ينۆەستيتسيا تارتۋ جايى قاناعاتتاندىرا بەرمەيدى. جيناقتالعان قارجىنىڭ جۇمسالۋىندا اشىقتىق, مولدىرلىك جەتىسپەيدى. جەتكىلىكتىلىگىنە قاراماستان جاڭا نىساندار سالۋمەن, ءىشى-سىرتىن, باسشىلاردىڭ كابينەتتەرىن ەۋروپالىق ۇلگىدە بەزەندىرۋمەن اۋەس.
جيىنعا توراعالىق ەتكەن تابيعي مونوپوليالاردى رەتتەۋ اگەنتتىگى وبلىستىق دەپارتامەنتتىڭ ديرەكتورى مارات مۇستافين مۇنداي اسىرا سىلتەۋگە جول بەرىلمەيدى دەپ قانشا سەندىرگەنىمەن, كوڭىلدە كوپ كۇدىك قالدى. ويتكەنى, مۇنىڭ الدىندا «قىزىلجار سۋ» مەكەمەسى سۋمەن جابدىقتاۋ جۇيەسىندەگى نورماتيۆتىك-تەحنيكالىق شىعىنداردى بەكىتۋ جوباسىن ۇسىنىپ, جوعارىلاتىلعان تاريف بەكىتىلىپ كەتە بارعان. 70 پايىزدايىنىڭ ابدەن توزىعى جەتكەن 300 شاقىرىمداي سۋ قۇبىرلارىن جاڭارتۋ تۇتىنۋشىلار ەسەبىنەن شەشىلمەيتىنىن بىلە تۇرا, وڭايدان ولجا تابۋدى ماقسات ەتكەن. ال پايدالانۋعا الىناتىن سۋدىڭ بەستەن ءبىرى ىسىراپ بولىپ, دىتتەگەن مەجەگە جەتپەي قالاتىنى ونشا ويلاندىرمايتىن ءتارىزدى. جۇمىسشىلاردىڭ جالاقىسىن ەكى ەسە كوتەرەمىز دەگەن ۋادە دە ورىندالماعان كۇيىندە قالدى.
قاسقىردىڭ ىرىلداعانى, جەيمىن دەگەنى. جەكە-دارا ۇستەمدىك قۇرعان «سەۆكازەنەرگو» سەكىلدى مونوپوليست كاسىپورىننىڭ ايتقاندارىنان قايتپاعان كۇيى سىنىق-سۇيەم شەگىنبەۋلەرىنە قاراعاندا دەگەندەرىنە جەتپەي تىنبايتىن تۇرلەرى بار.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.