«23 شىلدەدە شامامەن ساعات 11.00-دە «وحوتزووپروم «ءوب» رمقك ورتالىق وڭىرلىك فيليالىنىڭ ينسپەكتورلارى اقمولا وبلىسى جارقايىڭ اۋدانىندا تابيعاتتى قورعاۋ زاڭناماسىن بۇزعانداردىڭ الدىن الۋ شاراسىن جۇرگىزگەن جانە كيىك اتۋ فاكتىسىن انىقتاعان. زاڭ بۇزۋشىلاردىڭ ىزىنە تۇسكەندە 10 وڭىرگە – قوستاناي وبلىسىنا تيەسىلى اق ءتۇستى «نيۆا» ماركالى اۆتوكولىكتەن (مەملەكەتتىك ءنومىرى بەلگىسىز) وق اتىلىپ, ەكى ينسپەكتور جاراقات الدى», - دەپ جازدى اشم ورمان شارۋاشىلىعى جانە جانۋارلار الەمى كوميتەتىنىڭ ءباسپاسوز حاتشىسى ساكەن دىلداحمەت.
ينسپەكتورلاردىڭ بىرەۋىنىڭ جاعدايى وتە اۋىر دەپ حابارلانعان ەدى. ءباسپاسوز حاتشىسىنىڭ مالىمەتىنشە, ينسپەكتور وق جاراقاتىنان قايتىس بولدى.
«دەرجاۆينسك قالاسىنىڭ اۋداندىق اۋرۋحاناسىنا جەتكىزىلگەن «وحوتزووپروم «ءوب» رمقك ينسپەكتورى وق جاراقاتىنان قايتىس بولدى. ەكىنشى ينسپەكتورعا سول اۋرۋحانادا وتا جاسالىپ جاتىر», - دەپ جازدى قر اشم ورمان شارۋاشىلىعى جانە جانۋارلار الەمى كوميتەتىنىڭ ءباسپاسوز حاتشىسى ساكەن دىلداحمەت.
اقمولا وبلىسى جارقايىڭ اۋدانىنىڭ پوليتسيا ءبولىمى كۇدىكتىلەردى ىزدەپ جاتىر, ولاردى ۇستاۋ جوسپارى جاريالاندى.
براكونەر قولىنان قازا تاپقان «وحوتزووپرومنىڭ» ينسپەكتورىنىڭ سوڭىندا 4 بالاسى قالدى. بۇل تۋرالى ەلىمىزدىڭ ەكولوگيا, گەولوگيا جانە تابيعي رەسۋرستار مينيسترلىگى حابارلايدى.
قازا تاپقان ينسپەكتوردىڭ اتى-ءجونى – قانىش سەرىك ۇلى نۇرتازينوۆ. 1976 جىلى 24 قاڭتاردا دۇنيەگە كەلگەن. نۇرتازينوۆ «وحوتزووپروم» مەكەمەسىنە 2016 جىلى 5 قاڭتاردا جۇمىسقا الىنعان. مارقۇمنىڭ سوڭىندا 3 قىزى مەن 2011 جىلعى ءبىر ەر بالاسى جانە جۇبايى قالدى. قازىرگى ۋاقىتتا مارقۇمنىڭ ءمايىتىن تۋعان اۋىلىنا جەتكىزۋ ماسەلەلەرى تالقىلانىپ جاتىر.
مينيسترلىكتىڭ حابارلاۋىنشا, جاراقات العان ەكىنشى ينسپەكتور وسپانوۆ سامات كوشبەرگەن ۇلى 1975 جىلى اقمولا وبلىسىندا تۋعان. ءبىلىمى ورتاشا ارناۋلى, زاڭگەر. قازىرگى تاڭدا ساماتقا دەرجاۆينسك اۋداندىق اۋرۋحاناسىندا وپەراتسيا جاسالىپ جاتىر.