وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى مۇرات يعاليەۆ: «بۇل باعدارلاما قازىر جالدامالى پاتەرلەردە, ۋاقىتشا تۇراقتاردا تۇرىپ جاتقان, باستاپقى جارناعا اقشا جيناي المايتىن وتباسىلاردى قولداۋعا ارنالعان. باستى تالاپ – وتباسىلار از قامتىلعان بولۋى ءتيىس», دەيدى. 4 جانە ودان دا كوپ بالالارى بار وتباسىلار, كامەلەتتىك جاسقا تولماعان بالالارى بار تولىق ەمەس وتباسىلار, مۇمكىندىگى شەكتەۋلى بالالارى بار وتباسىلار وسى باعدارلاما ارقىلى تۇرعىن ۇيگە قول جەتكىزە الادى. ءوتىنىم بەرگەن كەزدە وتباسى مۇشەلەرىنىڭ اتىندا جەكە باسپانالارى بولماۋى قاجەت. باعدارلامانى جۇزەگە اسىرۋعا وبلىستا 2,5 ملرد تەڭگە ءبولىنىپ وتىر. ءۇي كەزەگىندە تۇرعان 25 مىڭعا جۋىق تۇرعىننىڭ 8 مىڭى از قامتىلعان وتباسىلار.
«تۇرعىن ءۇي قۇرىلىس بانكىنىڭ» وبلىستاعى بولىمشەسىنىڭ باسشىسى نۇربول قۇرماننىڭ ايتۋىنشا, نەسيە جىلىنا 2 پايىزدىق مولشەرلەمەمەن, 10 پايىزدىق باستاپقى جارنامەن 19 جىلعا بەرىلەدى.