ارىس قالاسىنىڭ بالالارىن سولتۇستىكقازاقستاندىقتار اۋەزدى انمەن, كۇمبىرلەگەن كۇيمەن قارسى الدى. 6 مەن 13 جاس ارالىعىنداعى وقۋشىلار جازعى دەمالىستارىنىڭ ءبىر ايىن سولتۇستىك قازاقستاندا وتكىزەتىن بولادى.
وبلىستىق ءبىلىم باسقارماسىنىڭ ءبولىم جەتەكشىسى عاليا ءىلياسوۆانىڭ ايتۋىنشا, جازعى دەمالىستى قىزىقتى وتكىزۋ ءۇشىن ارنايى باعدارلاما ازىرلەنىپتى. ياعني, وقۋشىلار ەكسكۋرسياعا شىعىپ, وبلىستىڭ تاريحي-ولكەتانۋ مۇراجايىن, «ابىلاي حان رەزيدەنتسياسى» مۇراجاي-كەشەنىن, ورتالىق ساياباقتى, اكۆاپاركتى, كيەلى ورىنداردى ارالايدى.
بالدىرعاندار ماعجان ەلىنە ءبىرىنشى رەت كەلىپ وتىرعاندارىنا قاراماستان جىلى ءجۇزدى قاۋىشۋلارعا ءدان ريزا.
48 بالا «التىن كۇز» ساۋىقتىرۋ لاگەرىنە ورنالاستىرىلدى. مۇندا ولاردىڭ ەمىن-ەركىن تىنىعۋىنا, ءار كۇنىن مازمۇندى وتكىزۋىنە بارلىق جاعداي جاسالعان.