سارسەنبى, 15 مامىر 2013 1:37
«قازاقتەلەكوم» اكتسيونەرلىك قوعامىنىڭ ايشىقتى ءىسى
بارىس-كەلىستىڭ, الىس-بەرىستىڭ كوبەيۋى ءۇشىن, البەتتە تەلەكوممۋنيكاتسيالىق بايلانىستىڭ الار ورنى ەرەكشە. ويتكەنى, قازىرگىدەي ۇشقىر ۋاقىتتا ۇتقىر ءارى جەدەل قارىم-قاتىناسسىز العا قويعان ماقساتتى جۇزەگە اسىرا الماي شاڭ قاۋىپ قالاتىنىڭىز انىق. سوندىقتان دا ىزدەنىس تانىتىپ, ونىڭ ءتۇيىنىن شەشۋگە دە بولادى ەكەن. مىنە, وسىعان بايلانىستى ىرگەتاسى بەرىك قالانىپ, ۇزاق جىلداردىڭ ەنشىسىنە جاسالعان جارقىن كورىنىس – الداعى كەزدىڭ قام-قارەكەتىنە بولجانعان بۇل جوبانىڭ تۇساۋى دا ساتىمەن كەسىلدى.
سارسەنبى, 15 مامىر 2013 1:37
«قازاقتەلەكوم» اكتسيونەرلىك قوعامىنىڭ ايشىقتى ءىسى
بارىس-كەلىستىڭ, الىس-بەرىستىڭ كوبەيۋى ءۇشىن, البەتتە تەلەكوممۋنيكاتسيالىق بايلانىستىڭ الار ورنى ەرەكشە. ويتكەنى, قازىرگىدەي ۇشقىر ۋاقىتتا ۇتقىر ءارى جەدەل قارىم-قاتىناسسىز العا قويعان ماقساتتى جۇزەگە اسىرا الماي شاڭ قاۋىپ قالاتىنىڭىز انىق. سوندىقتان دا ىزدەنىس تانىتىپ, ونىڭ ءتۇيىنىن شەشۋگە دە بولادى ەكەن. مىنە, وسىعان بايلانىستى ىرگەتاسى بەرىك قالانىپ, ۇزاق جىلداردىڭ ەنشىسىنە جاسالعان جارقىن كورىنىس – الداعى كەزدىڭ قام-قارەكەتىنە بولجانعان بۇل جوبانىڭ تۇساۋى دا ساتىمەن كەسىلدى. «قازاقتەلەكوم» اق جانە «ءتۇركىمەنتەلەكوم» مەك, SDH پايدالانۋ ارقىلى كەيىنەن DWDM ءوتۋ بويىنشا بىرلەسكەن قۇرىلىس جۇمىستارى مەن تەلەكوممۋنيكاتسيا جەلىلەرىنىڭ ءتۇيىسۋ جۇمىستارىن اياقتادى. تىڭ باستاماعا تىنىس بەرىپ, قانجىعاسى مايلانىپ, ايشىلىق الىستى جاقىنداتىپ تاعى ءبىر ولجاعا كەنەلدى.
ۇستىمىزدەگى جىلعى مامىر ايىنىڭ 11-ىندە قازاقستان پرەزيدەنتى نۇرسۇلتان نازارباەۆتىڭ جانە تۇركىمەنستان پرەزيدەنتى گۋربانگۋلى بەردىمۇحامەدوۆتىڭ قاتىسۋىمەن «قازاقتەلەكوم» اق جانە «تۇركىمەنتەلەكوم» مەك تەلەكوممۋنيكاتسيا جەلىلەرى ءتۇيىسۋىنىڭ سالتاناتتى اشىلۋى بولدى. وندا ەكى ەل تەلەكوممۋنيكاتسيا سالاسىنىڭ قول جەتكىزگەن جەتىستىكتەرى لايىقتى اتاپ ءوتىلدى.
«قازاقتەلەكوم» اق جانە «تۇركىمەنتەلەكوم» مەك زاماناۋي وزىق قۇرىلعى SDH-دى پايدالانۋ ارقىلى كەيىننەن DWDM ءوتۋ بويىنشا بىرلەسكەن قۇرىلىس جۇمىستارى مەن تەلەكوممۋنيكاتسيا جەلىلەرىنىڭ ءتۇيىسۋ جۇمىستارىن تولىق اياقتاپ مەرەيلى مەجەدەن كورىندى.
بەكداش (تۇركىمەنستان) – تەمىربابا (قازاقستان) ۋچاسكەسىندەگى تەلەكوممۋنيكاتسيا جەلىلەرىنىڭ ءتۇيىسۋى «قازاقتەلەكوم» اق جەلىسى ارقىلى تۇركىمەنستان, اۋعانستان جانە يراننىڭ توراپتارىنا, سونداي-اق ترافيكتىڭ تۇركىمەنستان ترانزيتىنە قازاقستان رەسپۋبليكاسىنىڭ ترانزيتتىك الەۋەتىن پايدالانۋ ارقىلى, رەسەيدىڭ, ەۋروپا جانە وڭتۇستىك-شىعىس ازيا باعىتتارى ارقىلى قوسىلۋىنا مۇمكىندىك اشادى. اتالمىش جوبانى جۇزەگە اسىرۋ ءۇشىن «قازاقتەلەكوم» اق تاراپىنان 178,5 شاقىرىم تالشىقتى-وپتيكالىق كابىل توسەلدى. ونى ەڭسەرۋگە وراسان قاجىر-قايرات جۇمسالدى.
«قازاقتەلەكوم» اق باسقارما توراعاسى قۋانىشبەك ەسەكەەۆتىڭ ايتۋىنشا, قازاقستاننىڭ ەۋرازيا قۇرىلىعىنىڭ كىندىگىندە ورنالاسۋى شەتەلدىك وپەراتورلارعا ترانزيت قىزمەتىن ۇسىنۋدا وتە-موتە ءتيىمدى بولماق. ال تيىمدىلىك قاشاندا كۇن تارتىبىنەن تۇسپەگەن.
«ترانزيتتىك الەۋەتتى ىسكە اسىرۋ ماقساتىندا ءبىز بارلىق شەكارا بويىنداعى جەتەكشى وپەراتورلارمەن تىكەلەي ءتۇيىسۋدى ۇيىمداستىردىق. وسىلايشا, «قازاقتەلەكوم» اق ورتالىق ازيالىق حاب رەتىندە قالىپتاستى», – دەدى ءوز كەزەگىندە قۋانىشبەك ەسەكەەۆ.
ترانزيتتىك سىيىمدىلىقتى ۇسىنۋ بويىنشا رىنوكقا شىعۋ جولىندا «قازاقتەلەكوم» اكتسيونەرلىك قوعامى قازىرگى قولدانىستاعى تۇيىسۋلەردى جانە جاڭادان سالىناتىن قۇرىلىستاعى تۇيىسۋلەردى جاڭارتىپ جاقسارتۋ جونىندە ۇدايى جۇمىستار جۇرگىزۋدى جوسپارلاپ وتىر. ارينە مۇنىڭ ءبارى كەلەشەكتىڭ كوكجيەگىنە قاراي جەتەلەيدى. قازىرگى ۋاقىتتا كومپانيانىڭ كوممەرتسيالىق پايدالانۋىندا 4 مەملەكەت (تۇركىمەنستاندى قوسقاندا) بار. مۇندا 12 وپەراتورىمەن بارلىعى 15 ءتۇيىسۋ جەلىسى قالىپتاسقان. بۇل تۇيىسۋلەردىڭ جالپى سىيىمدىلىعى – 290 گبيت/س-دان ارتىعىراق. ءيا, جاڭاشىلدىققا ۇمتىلعان ۇيىمشىل ۇجىمنىڭ ىجداھاتتى ءىسى ارقاسىندا وسىنداي اسقارالى اسۋ الىندى. كوپكە تيگىزەر پايداسى ۇلان-اسىر مۇنداي ونەگەنىڭ ءورىسى ءار كەزدە كەڭ بولماق.
مارات اققۇل,
«ەگەمەن قازاقستان».