سەيسەنبى, 14 مامىر 2013 2:03
وسىمەن قاتارىنان التىنشى رەت وتكىزىلگەلى وتىرعان استانا ەكونوميكالىق فورۋمىنىڭ حالىقارالىق ساحنادا بەدەلى بارعان سايىن ارتىپ كەلەدى. جىلدان-جىلعا بۇل حالىقارالىق فورۋمنىڭ تالقىلايتىن تاقىرىپتارىنىڭ اۋقىمى دا قوماقتانىپ, قارالاتىن ماسەلەلەرىنىڭ ماڭىزى دا جاھاندانۋدا.
سەيسەنبى, 14 مامىر 2013 2:03
وسىمەن قاتارىنان التىنشى رەت وتكىزىلگەلى وتىرعان استانا ەكونوميكالىق فورۋمىنىڭ حالىقارالىق ساحنادا بەدەلى بارعان سايىن ارتىپ كەلەدى. جىلدان-جىلعا بۇل حالىقارالىق فورۋمنىڭ تالقىلايتىن تاقىرىپتارىنىڭ اۋقىمى دا قوماقتانىپ, قارالاتىن ماسەلەلەرىنىڭ ماڭىزى دا جاھاندانۋدا.
ءVى استانا ەكونوميكالىق فورۋمىنىڭ شەڭبەرىندە 2013 جىلعى 22 مامىردا «الەمدىك رىنوكقا شىعۋ جولىندا كولىك ينفراقۇرىلىمىن جانە كاسپي تەڭىزىندەگى حالىقارالىق باعىتتاردى دامىتۋ» اتتى تاقىرىپتا پانەلدىك سەسسيا وتكىزىلەدى. بۇل پانەلدىك سەسسيانىڭ نەگىزگى ماقساتى – قازاقستاننىڭ ترانزيتتىك جانە لوگيستيكالىق مۇمكىندىكتەرىن انىقتاۋ, حالىقارالىق كولىك ينفراقۇرىلىمىنا بەلسەندى ارالاسۋ ماقساتىنداعى ەلىمىزدىڭ كولىك-كوممۋنيكاتسيالىق كەشەنىنىڭ الەۋەتىن ارتتىرۋ. سەسسياعا قاتىسۋشىلار ەۋرازيا قۇرلىعىنىڭ جاھاندىق كولىك-كوممۋنيكاتسيالىق ينفراقۇرىلىمداعى ءرولىن ەسكەرە وتىرىپ, جاڭا ساۋدا باعىتتارىن اشۋ مۇمكىندىكتەرىن قاراستىرادى. پانەلدىك سەسسيا جۇمىسىنا اۆتوموبيل كولىگى حالىقارالىق وداعىنىڭ (IRU) اۋە جولدارى حالىقارالىق اسسوتسياتسياسىنىڭ (ياتا), تۇركىتىلدى مەملەكەتتەردىڭ ىنتىماقتاستىق كەڭەسىنىڭ, ۇلتتىق كومپانيالاردىڭ جەتەكشىلەرى قاتىسادى.
حالىقارالىق فورۋم كۇن ءتارتىبى بويىنشا, 23 مامىر كۇنى «دامۋ» كاسىپكەرلىكتى دامىتۋ قورى» اق «قازاقستانداعى كاسىپكەرلىك: تاۋەكەلدەر جانە مۇمكىندىكتەر» اتتى پانەلدىك سەسسيا وتكىزەدى. بۇل وتىرىستىڭ ماقساتى – قازاقستاننىڭ شاعىن جانە ورتا بيزنەسىنىڭ حالىقارالىق رىنوكتاعى ءرولىن ايقىنداپ, شەتەلدەردەگى وزىق تاجىريبەلەردى وندىرىسكە ەنگىزۋ بولىپ تابىلادى. پانەلدىك سەسسيانىڭ قورىتىندىسى بويىنشا, الەمدىك وزىق تاجىريبەلەردى ساراپتاي وتىرىپ, قازاقستانداعى شاعىن جانە ورتا كاسىپكەرلىكتى دامىتۋدىڭ جاڭا مۇمكىندىكتەرى قاراستىرىلادى. وسى ءبىر ماڭىزدى حالىقارالىق باسقوسۋعا كورەيانىڭ ورتا جانە شاعىن بيزنەس كورپوراتسياسىنىڭ پرەزيدەنتى پارك چەول-كيۋ, بۇكىلالەمدىك ايەل-كاسىپكەرلەر اسسوتسياتسياسىنىڭ پرەزيدەنتى دانيەل لافون, گەرمانيا ايەل-كاسىپكەرلەرى وداعى باسقارماسىنىڭ مۇشەسى كارين ۆان مۋريك جانە باسقا بيزنەس الەمىنىڭ بەلگىلى تۇلعالارى قاتىسادى دەپ كۇتىلۋدە.
سونىمەن بىرگە, فورۋم اياسىندا 24 مامىر كۇنى «Astana Invest 2013» دەگەن تاقىرىپپەن حالىقارالىق ينۆەستيتسيالىق فورۋم وتكىزىلەدى. بۇل فورۋمنىڭ ماقساتى – استانا قالاسىنىڭ ينۆەستيتسيالىق احۋالىن جاقسارتۋ جانە قالا ەكونوميكاسىنىڭ وتاندىق جانە شەتەلدىك ينۆەستيتسيالاردى تارتۋ, حالىقارالىق رىنوكتا «استانا – قازاقستاننىڭ ەلورداسى» برەندىن قالىپتاستىرىپ, دامىتۋ. فورۋم جۇمىسىنا ەلىمىزدىڭ ورتالىق ءجانە جەرگىلىكتى اتقارۋ ورگاندارىنىڭ, ۇلتتىق كومپانيالارىنىڭ, دامۋ جانە قارجى ينستيتۋتتارىنىڭ باسشىلارى, استانا قالاسىنىڭ بيزنەس وكىلدەرى ءجانە شەتەل كومپانيالارىنىڭ وكىلدەرى قاتىسادى.
نياز جىلقىباەۆ.
استانا.