سەنبى, 6 ءساۋىر 2013 2:05
قاراعاندى ايماعىنىڭ تابيعي قازىناسى اسا باي ەكەنى ءمالىم. سوعان بايلانىستى وركەندەگەن ءوندىرىسىنىڭ ودان سايىن دامۋىنا مۇمكىندىك كەڭ. اسىرەسە, تەمىر, مارگانەتس, كومىر جانە مىس كەنى كوزدەرى تاۋ-كەن مەتاللۋرگيا كەشەنىن وبلىس ەكونوميكاسىنىڭ باستى تىرەگىنە اينالدىرىپ وتىر. وڭىردەگى ونەركاسىپتىك ءوندىرىسى جالپى كولەمىنىڭ 70 پايىزى وسى سالاعا تيەتىندىگى سونى كورسەتەدى.
سەنبى, 6 ءساۋىر 2013 2:05
قاراعاندى ايماعىنىڭ تابيعي قازىناسى اسا باي ەكەنى ءمالىم. سوعان بايلانىستى وركەندەگەن ءوندىرىسىنىڭ ودان سايىن دامۋىنا مۇمكىندىك كەڭ. اسىرەسە, تەمىر, مارگانەتس, كومىر جانە مىس كەنى كوزدەرى تاۋ-كەن مەتاللۋرگيا كەشەنىن وبلىس ەكونوميكاسىنىڭ باستى تىرەگىنە اينالدىرىپ وتىر. وڭىردەگى ونەركاسىپتىك ءوندىرىسى جالپى كولەمىنىڭ 70 پايىزى وسى سالاعا تيەتىندىگى سونى كورسەتەدى.
كەيىنگى جىلداردا پايدالى قازبالاردى يگەرۋگە بەلسەندىلىكپەن قاتىسىپ جۇرگەن قومپانيالاردىڭ قاتارىندا «ENRC Kazakhstan»-نىڭ ورنى بولەك. الەمدىك ەكونوميكاداعى قيىندىق سالقىنى شارپىماي وتپەي جاتسا دا جوبالانعان مىندەتتەرگە قول جەتكىزىلۋى ولقى ەمەستىگىن بىلتىرعى جۇمىس قورىتىندىسى ايعاقتاسا, بيىل دا بەلگىلەنگەن مەجەدەن كورىنۋ كوزدەلگەن. مىسال ءۇشىن «شۇباركولكومىر» كەنىشىندە وتىن ءوندىرۋ كولەمىن جىل اياعىنا دەيىن 8,6 ميلليون تونناعا ۇلعايتۋ ورىندالاتىن ءىس سانالادى. ساپاسى جوعارى كومىرى ەلىمىزدەن تىسقارى جەرلەرگە دە وتە ءوتىمدى اتالعان كەنىش جانىنداعى كەنتكە ارقالىقتان تەمىر جول تارتىلۋى ەندى قۇلاشتى ءتىپتى كەڭگە سەرمەتكەلى تۇر.كورپوراتسيا سونىمەن بىرگە, يندۋستريالاندىرۋ كارتاسىنا ەنگىزىلگەن وبلىس اۋماعىنداعى 2 ءىرى جوبانى ىسكە اسىرۋدى جالعاستىرا تۇسۋدە. بۇلاردىڭ ءبىرىنشىسى «شۇباركولكومىر» اق كاسىپورىندارىندا كوكس گازىن پايداعا جاراتۋ ارقىلى ەلەكتر قۋاتىن وندىرۋگە, ال ەكىنشىسى جىلىنا 300 مىڭ توننا كوكس شىعاراتىن زاۋىت سالۋعا ارنالعان. ەكونوميكالىق تيىمدىلىگى جاعىنان ماڭىزدى جوبالار دەپ ەسەپتەلەدى. ماسەلەن, سوڭعىسى مەتاللۋرگيا ءوندىرىسى ءۇشىن ازىرگە كورشى ەلدەردەن اكەلۋگە قىمباتقا ءتۇسىپ وتىرعان ارناۋلى كوكس تاپشىلىعىن جويۋعا جاعداي جاسايدى. مۇنىڭ سىرتىندا وعان ەكسپورتتىق باعا كوتەرىلۋ مۇمكىندىگى جاڭا زاۋىت كەلەشەگىنە ۇلكەن ءۇمىت تۋعىزادى. كورپوراتسيا قاناتى استىنداعى جايرەم كەن بايىتۋ كومبيناتى, «قازمارگانەتس» كەن باسقارماسى وندىرىستىك بۋىندارى تىنىسىن كەڭەيتۋ باعىتىندا اتقارىلۋداعى ىستەر جانە از ەمەس.«ENRC», ياعني ەۋرازيالىق تابيعي رەسۋرستار كورپوراتسياسى ءوز ەڭبەككەرلەرىنە الەۋەتتى الەۋمەتتىك جاعداي قالىپتاستىرۋ بويىنشا يگى شارالارعا دا زور ءمان بەرەدى. بۇل رەتتە وبلىستىق اكىمدىكپەن ءوزارا ىنتىماقتاستىق جونىندە جاسالاتىن ءداستۇرلى كەلىسىم-شارتتاردىڭ شاراپاتى مول ءتيىپ ءجۇر. جاقىندا وبلىس اكىمى باۋىرجان ابدىشەۆ پەن ENRC PLC باس اتقارۋشى ديرەكتورى فەليكس ۆۋليس قول قويعان وسىنداي مەموراندۋمدا دەنساۋلىق ساقتاۋ, ءبىلىم بەرۋ, مادەنيەت پەن سپورت سالاسىن قولداۋعا, تۇرمىسى تومەن, كوپ بالالى وتباسىلارعا كومەك-قامقورلىققا 587 ميلليون تەڭگە ءبولىنۋى كورسەتىلدى. ول اعىمداعى جىلى قارقارالى قالاسىنداعى مۇگەدەكتەردى وڭالتۋ ورتالىعى عيماراتىن كۇردەلى جوندەۋدەن وتكىزۋ, نۇرا اۋدانىنىڭ بارشىن, جاراسباي, كەرتىڭدى اۋىلدارىندا جاڭا سپورتتىق الاڭدار سالۋ, بىرنەشە ەلدى مەكەن ينفراقۇرىلىمىن جەتىلدىرۋ سياقتى ىستەردى اتقارۋدى قولعا الاتىن بولدى.بەلدى دە بەدەلدى كومپانيانىڭ الەۋمەتتىك جاۋاپكەرشىلىككە ءۇلكەن ءمان بەرۋ, تۇرعىندار ءمۇددەسىنە ورتاقتاستىق, سوعان وراي ىنتىماقتاستىققا ىقىلاستىلىق شاپاعاتى جىلداعىداي ءوڭىر ومىرىنە مولىنان توگىلەدى .ايقىن نەسىپباي,«ەگەمەن قازاقستان».قاراعاندى.