جۇما, 5 ءساۋىر 2013 2:46
وتكەن جىل ەلىمىزدەگى اۆتوموبيل ءوندىرىسىنىڭ تۇڭعىشى – «ازيا-اۆتو» اكتسيونەرلىك قوعامى ءۇشىن جەمىستى جىل بولدى. جىل كولەمىندە 16513 قازاقستاندىق ۇلگىدەگى جەڭىل كولىكتەردىڭ 19 ءتۇرى شىعارىلدى. ونىڭ ىشىندە 14998 كولىك يەلەرىن تاپتى. وسكەمەندەگى كولىك زاۋىتى ءونىم ءوندىرۋدى ءبىرنەشە ەسە ارتتىردى. بۇل تابىستىڭ وزدىگىنەن كەلمەگەنى بەلگىلى.
جۇما, 5 ءساۋىر 2013 2:46
وتكەن جىل ەلىمىزدەگى اۆتوموبيل ءوندىرىسىنىڭ تۇڭعىشى – «ازيا-اۆتو» اكتسيونەرلىك قوعامى ءۇشىن جەمىستى جىل بولدى. جىل كولەمىندە 16513 قازاقستاندىق ۇلگىدەگى جەڭىل كولىكتەردىڭ 19 ءتۇرى شىعارىلدى. ونىڭ ىشىندە 14998 كولىك يەلەرىن تاپتى. وسكەمەندەگى كولىك زاۋىتى ءونىم ءوندىرۋدى ءبىرنەشە ەسە ارتتىردى. بۇل تابىستىڭ وزدىگىنەن كەلمەگەنى بەلگىلى.
ال بيىلعى جىل بىلتىرعىدان دا تابىستى بولاتىن ءتۇرى بار. جاقىندا زاۋىتتا «KIA Cerato-2014» سەدان كولىگى شىعارىلا باستادى. قازاقستاندىق زاۋىت بۇل كولىكتى جاساۋدى قولعا العان العاشقى كاسىپورىن. اتالمىش سەدان كورەيالىق كومپانيانىڭ ەڭ تابىستى ءارى بەلگىلى ۇلگىسى سانالادى. الەم بويىنشا بۇل كولىكتىڭ 2,5 ميلليونى تىركەلگەن. ايتا كەتۋ كەرەك, كولىكتىڭ بۇل ءتۇرىن زاۋىت 2010 جىلدان باستاپ شىعارىپ جاتىر. ءۇش جىلدا جاڭا كولىك ەلىمىزدە ەڭ كوپ ساتىلاتىن تۇلپاردىڭ ىشىندە ۇشتىككە كىرىپ ۇلگەرگەن.ەڭ باستى ماسەلە – ساپا. ساپالى كولىك شىعارۋ ءۇشىن ىزدەنىس پەن ىلكىمدىلىك كەرەك. ءبىز قۇراستىرۋشى مامانداردىڭ بىلىكتىلىگىن ارتتىرۋعا نازار اۋدارامىز. ماماندار شەتەلدەردە بىلىمدەرىن جەتىلدىرەدى. ءبىر اي بۇرىن كولىكتىڭ تاعى ءبىر جاڭا ءتۇرى – «KIA SIت» حەچبەكتى وندىرىستە قۇراستىرا باستادىق. وعان سۇرانىس كوپ. ال ءبىر اپتا بۇرىن كولىكتىڭ جاڭا ەكسكليۋزيۆتى ءتۇرى – اۋقاتتى ادامدار تۇتىناتىن «KIA KUORIS» كولىگى ومىرگە جولداما الدى. ونىڭ باعاسى 70-85 مىڭ اقش دوللارى كولەمىندە. ال شەتەلدەردە ول وتىز پايىز قىمباتىراق. ۇستىمىزدەگى ءۇش ايدا عانا ءبىزدىڭ زاۋىتتان 6685 كولىك شىعارىلدى. ەكى ايدا كولىكتەردىڭ 3249-ى ساتىلىپ كەتتى. سەنەسىز بە, ەل ەكونوميكاسىنىڭ قارىشتاپ العا باسۋىنان بولار, وسكەمەندە قۇراستىرىلاتىن كولىكتەرگە سۇرانىس كۇشەيىپ بارادى, ءتىپتى قاجەت كولىكتەرىن ساتىپ الۋعا جارتى جىلعا دەيىن كەزەككە تۇراتىندار كەزدەسەدى. دەمەك, كولىك ساپاسى اۆتواۋەسقويلار كوڭىلىنەن شىقتى دەۋگە نەگىز بار. جىل اياعىنا دەيىن بىلتىرعى كورسەتكىشتەن اسىپ تۇسۋگە مۇمكىندىك تولىق, دەيدى «ازيا-اۆتو» اق پرەزيدەنتى ەرجان مانديەۆ.وسىدان ءبىر جىل بۇرىن رەسەيدەگى الىپ كاسىپورىن «اۆتوۆاز» كومپانياسى ۇكىمەت باسشىلارىنىڭ ارالاسۋىمەن وسكەمەندىك «ازيا-اۆتو» زاۋىتىمەن كەلىسىمگە كەلىپ, بىرلەسىپ كولىكتەردىڭ جاڭا ءتۇرىن شىعارۋ, ەكونوميكالىق قارىم-قاتىناس ورناتۋ جونىندە مەموراندۋمعا قول قويعان. كەلەشەكتە كولىككە قاجەت قوسالقى بولشەكتەردى قۇراستىرۋ, شاناقتارىن جاساۋ جەرگىلىكتى جەردە جۇزەگە اسپاق. وبلىستىق اكىمدىك جاڭا زاۋىت قۇرىلىسىنا مىڭداعان گەكتار جەر تەلىمىن بەردى. وتاندىق ءوندىرىس دامىعان جەردە ەل ەكونوميكاسى دا قارىشتاپ العا باسا بەرمەك.وڭداسىن ەلۋباي,«ەگەمەن قازاقستان».وسكەمەن.
سۋرەتتە: «ازيا-اۆتودا» شىعارىلعان جاڭا كولىك.سۋرەتتى تۇسىرگەن اۆتور.