سەنبى, 26 قاڭتار 2013 7:32
قوعامداعى ادامداردىڭ بارلىعى بىردەي ەمەس. ولاردىڭ اراسىندا ەڭبەك ەتۋگە, ءوزىن ءوزى قاجەتتى جاعدايمەن قامتاماسىز ەتۋگە جارامدى ازاماتتارمەن قاتار, كەمتار, مۇمكىندىگى شەكتەۋلى ادامدار دا بار. وركەنيەتتى ەلدەردە كەمتار ادامداردىڭ, مۇگەدەك جانداردىڭ ءوزىن وزگەلەردەن كەم تۇتپاي, پايدالى ەڭبەكپەن اينالىسۋىنا جاعداي تۋعىزىلادى. مۇنداي ۇلگىلى ءۇردىس ءبىزدىڭ ەلىمىزدە دە قالىپتاسىپ كەلەدى. سوڭعى جىلدارى مۇگەدەك جاندار دا ءوز كۇشى جەتەتىن كاسىپپەن اينالىسۋعا ىنتالى بولا تۇسۋدە. مۇمكىندىگى شەكتەۋلى كاسىپكەرلەرگە ءوز ءىسىن ۇيىمداستىرىپ, ونى دامىتۋ وڭايعا سوقپايتىندىعى جاسىرىن دا ەمەس. وسىنى ەسكەرگەن «دامۋ» قورى مۇگەدەك كاسىپكەرلەرگە اقىسىز جانە قايتارىمسىز نەگىزدە كومەك كورسەتۋگە باعىتتالعان «دامۋ-كومەك» باعدارلاماسىن ازىرلەگەن بولاتىن.
سەنبى, 26 قاڭتار 2013 7:32
قوعامداعى ادامداردىڭ بارلىعى بىردەي ەمەس. ولاردىڭ اراسىندا ەڭبەك ەتۋگە, ءوزىن ءوزى قاجەتتى جاعدايمەن قامتاماسىز ەتۋگە جارامدى ازاماتتارمەن قاتار, كەمتار, مۇمكىندىگى شەكتەۋلى ادامدار دا بار. وركەنيەتتى ەلدەردە كەمتار ادامداردىڭ, مۇگەدەك جانداردىڭ ءوزىن وزگەلەردەن كەم تۇتپاي, پايدالى ەڭبەكپەن اينالىسۋىنا جاعداي تۋعىزىلادى. مۇنداي ۇلگىلى ءۇردىس ءبىزدىڭ ەلىمىزدە دە قالىپتاسىپ كەلەدى. سوڭعى جىلدارى مۇگەدەك جاندار دا ءوز كۇشى جەتەتىن كاسىپپەن اينالىسۋعا ىنتالى بولا تۇسۋدە. مۇمكىندىگى شەكتەۋلى كاسىپكەرلەرگە ءوز ءىسىن ۇيىمداستىرىپ, ونى دامىتۋ وڭايعا سوقپايتىندىعى جاسىرىن دا ەمەس. وسىنى ەسكەرگەن «دامۋ» قورى مۇگەدەك كاسىپكەرلەرگە اقىسىز جانە قايتارىمسىز نەگىزدە كومەك كورسەتۋگە باعىتتالعان «دامۋ-كومەك» باعدارلاماسىن ازىرلەگەن بولاتىن. بۇل باعدارلاما ىسكە اسىرىلا باستاعان ۋاقىتتان بەرى «دامۋ» قورىنىڭ اقتوبە وبلىستىق ايماقتىق فيليالىنا جۇمىس جاساپ تۇرعان جانە ءىسىن جاڭا باستاعان 60 مۇمكىندىگى شەكتەۋلى كاسىپكەر كومەك الۋعا ءوتىنىش بىلدىرگەن, ونىڭ ىشىندە, 26 ادام ءوز ءىسىن اشۋ جانە دامىتۋ ءۇشىن قاجەتتى قۇرال-جابدىقتار مەن ماتەريالدار تۇرىندەگى كومەككە يە بولعان.
مۇمكىندىگى شەكتەۋلى كاسىپكەرلەردىڭ ماسەلەلەرى تەك تۇرمىستىق سيپاتتاعى قيىندىقتار جانە قوزعالىس شەكتەۋلىگىمەن بايلانىستى عانا ەمەس, سونىمەن قاتار, ەكىنشى دەڭگەيلى بانكتەردىڭ نەسيەلەرى بۇگىنگى تاڭدا ولار ءۇشىن قولجەتىمسىز بولىپ وتىرعانى راس. «دامۋ-كومەك» باعدارلاماسى وسىنداي كاسىپكەرلەرگە ولاردىڭ ماسەلەلەرى مەن ولارعا قاجەتتى رەسۋرستار تۋرالى اقپاراتتاندىرۋ دەڭگەيىن ارتتىرۋ جولىمەن قولداۋ كورسەتۋگە باعىتتالعان. باعدارلاما شەڭبەرىندە مۇگەدەك كاسىپكەرلەرگە دەمەۋشىلەر قاراجاتى ەسەبىنەن قارجىلىق-ماتەريالدىق كومەك كورسەتىلەدى جانە ولارعا بيزنەستى ءتيىمدى جۇرگىزۋ بويىنشا كەڭەستەر بەرىلىپ, وقىتۋ كۋرستارى ۇيىمداستىرىلۋدا. مۇنىڭ ءوزى ءمۇمكىندىگى شەكتەۋلى ادامداردى ماتەريالدىق ىرىس-بەرەكە جانە كاسىبي ءوسۋدىڭ نەگىزى بولىپ تابىلاتىن كاسىپكەرلىك قىزمەتتى جۇرگىزۋگە ىنتالاندىرۋعا العىشارت جاساۋدا.«دامۋ-كومەك» باعدارلاماسى بويىنشا وتكەن جىلعى سوڭعى دەمەۋشىلىك كومەك اقتوبە قالاسىنىڭ تۇرعىنى, 3-ءشى توپتاعى مۇگەدەك نامازباي شاباقوۆقا كورسەتىلدى. وعان اياق كيىم جوندەۋ شەبەرحاناسىنا قاجەتتى قۇرال-سايماندار مەن قاجەتتى ماتەريالدار سىيعا بەرىلدى. نامازباي شاباقوۆقا قولۇشىن سوزىپ, دەمەۋشىلىك كورسەتكەن اقتوبە قالاسىنىڭ جەكە كاسىپكەرلەرى ەرمەكباي مۇستافينگە جانە قايرات ءابدىكارىموۆكە «دامۋ» قورىنىڭ ارنايى العىس حاتتارى تابىس ەتىلدى.جالپى, وسى ۋاقىتقا دەيىن «دامۋ-كومەك» باعدارلاماسى بويىنشا مۇگەدەك كاسىپكەرلەرگە اقتوبە وبلىسىنىڭ 17 كاسىپورىندارى مەن كاسىپكەرلەرى كومەك كورسەتتى. ولاردىڭ اراسىندا «كەراميكا» اق, «اقتوبە مەتالل قۇراستىرۋ زاۋىتى», «كازتەپلوەنەرگومونتاج», «بۋر-ناي», «ميلىساي», «كيليكو تۋن», «اقپان» , «الەكس-كومپاني», «الي جاس ي ك», «بيزنەس ناۆيگاتور LTD», «ترانس-تورگ-رتي» جاۋاپكەرشىلىگى شەكتەۋلى سەرىكتەستىكتەرى مەن جەكە كاسىپكەرلەر ەرلان نيازوۆ, نازگۇل قازيەۆا, جالعاس قاشقىمباەۆ, قۋانىش تۇمەنوۆ, ەرمەكباي مۇستافين, قايرات ابدىكارىموۆ بار. مۇمكىندىگى شەكتەۋلى جانداردىڭ ماسەلەلەرىنە بەي-جاي قاراماي, ولارعا دەمەۋشىلىك كومەك كورسەتكەن قولى اشىق, قايىرىمدى جانداردىڭ بۇل ونەگەسى وزگەلەرگە ۇلگى بولارلىق ءىس ەكەنى ءسوزسىز.
ساتىبالدى ءساۋىرباي,«ەگەمەن قازاقستان».
اقتوبە وبلىسى.