سارسەنبى, 12 ماۋسىم 2013 2:10
الاياقتىق جولمەن جان باعىپ, مال تابامىن دەپ ويلاعان الماتى قالاسىنىڭ تۇرعىنى ر.ناجميەۆ وڭباي وپىق جەدى. ول بار ءومىرىن وكسىتىپ, جالىنداعان جاستىق شاقتاعى 16 جىل عۇمىرىن تەمىر توردىڭ ارعى جاعىنداعى تار توسەككە تاڭىلۋعا ارنادى.ر.ناجميەۆ ارتقى تىك ىشەگىنە 8 تۇيىننەن گەرويندى جاسىرىپ, ال قالعان 25 تۇيىنشەكتى جۇتىپ, شەكارادان «الماتى-نوۆوسىبىر» اۆيارەيسى ارقىلى وتپەك بولعان.
سارسەنبى, 12 ماۋسىم 2013 2:10
الاياقتىق جولمەن جان باعىپ, مال تابامىن دەپ ويلاعان الماتى قالاسىنىڭ تۇرعىنى ر.ناجميەۆ وڭباي وپىق جەدى. ول بار ءومىرىن وكسىتىپ, جالىنداعان جاستىق شاقتاعى 16 جىل عۇمىرىن تەمىر توردىڭ ارعى جاعىنداعى تار توسەككە تاڭىلۋعا ارنادى.ر.ناجميەۆ ارتقى تىك ىشەگىنە 8 تۇيىننەن گەرويندى جاسىرىپ, ال قالعان 25 تۇيىنشەكتى جۇتىپ, شەكارادان «الماتى-نوۆوسىبىر» اۆيارەيسى ارقىلى وتپەك بولعان. الايدا, الماتى قالاسى اۋەجايىنىڭ حالىقارالىق ۇشۋ زالىندا قىزمەتتىك-ىزدەستىرۋ ءيتىن پايدالانۋ ارقىلى الماتى قالاسى بويىنشا كەدەندىك باقىلاۋ دەپارتامەنتىنىڭ قىزمەتكەرلەرى ناجميەۆتىڭ تۇلا بويىندا تۇنىپ تۇرعان كونتراباندالىق ەسىرتكى زاتتارىن انىقتادى.
ءسويتىپ, ول ەسىرتكى زاتتارىن شەكارادان وتكىزۋ ماقساتىندا زاڭسىز يەلەنگەن جانە سالماعى 174,95 گرامم اسا ءىرى مولشەردە گەرويندى دەنەسىندە ساقتاپ, تاسىمالداماق بولعان.وسىعان بايلانىستى الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 2013 جىلدىڭ 31 قاڭتارىنداعى ۇكىمىمەن قك-ءتىڭ 259-بابىنىڭ 3-بولىگىنىڭ «ۆ» تارماعى, 24-بابىنىڭ 3-بولىگى – 250-باپتىڭ 4-بولىگىمەن ونى كىنالى دەپ تانىپ, 16 جىلعا باس بوستاندىعىنان ايىرىپ, مۇلكىن تاركىلەپ, جازاسىن تۇزەۋ كولونياسىنىڭ قاتاڭ رەجىمىندە وتەۋگە ۇكىم شىعاردى.سوت ۇكىمى زاڭدى كۇشىنە ەندى.ا.سارسەمباەۆ, باس كولىك پروكۋراتۋراسى باسقارما باستىعىنىڭ ورىنباسارى.